المساعد الشخصي الرقمي

مشاهدة النسخة كاملة : ===وش نسينا===علمنا وش نسيت بطلعتك الاخيرة؟؟؟


للمبادله
06/12/2006, 01:52 AM
السلام عليكم ورحمة الله وبركاته




ياشباب كل واحد يعلمنا وش نسى بآخر كشته له


أنا نسيت كاسات ورق

والبيز والقفازات والشرابات وانتوا بكرامة :cool:
هلال المطيري
06/12/2006, 01:57 AM
وأنا نسية الشطه والملح وعزبة الشاهي وهذي الكشته في النفود الي قبل لينا شهر الي فات
وشكرك أخوي للمبادله على الموضوع الحلو
راعي الطلعات
06/12/2006, 02:26 AM
وعليكم السلام ورحمة الله يهلابك اخوي ومشكور على الموضوع الطريف والرائع
انت يخوك اهون مني خخخخخخخخخخخخخخخخ

بالنسبه لي انا مره نسية قدر الطبخ ومره نسية السكاكين ومره نسية كيس النوم تبعي خخخخخخخخ http://smilies.sofrayt.com/%5E/c0/biglaugh.gif http://smilies.sofrayt.com/%5E/c0/biglaugh.gif http://smilies.sofrayt.com/%5E/c0/biglaugh.gif

ماعاد الشباب يطلبون مني اي شي صارو يوصوني بس لا انسا وين حنا راح نكشة فيه ولا انساء عمري بس خخخخخخخخ http://smilies.sofrayt.com/%5E/c0/cwm.gif http://smilies.sofrayt.com/%5E/c0/cwm.gif http://smilies.sofrayt.com/%5E/c0/cwm.gif
كشات
06/12/2006, 05:14 AM
بسم الله


النسيان شي لابد منه

اخر طلعه وبحكم انه اول طلعات الموسم
نسيت القبعه او القبع حق الراس وقت النوم
ونسيت البطاطس من البقاله

ناسي واجد صح؟؟؟؟
بالنسبه لراعي الطلعات اتوقع مانسيت شي
اجل ناسي فراشك يامال العافيه:D

وش نمت فيه تلبيسة المراتب حقات اسيات السياره والوساده مسندة الراس؟:rolleyes:

اللي مايبي ينس شي يكتب له ورقه ويصور منها نسخ ولفز له بكل مكان صوره
وقبل يمشي يتأكد من الاغراض
وورقه ثانيه لمقاضي البقاله
وكل ماذكر شي مب مكتوب يكتبه ويحتفظ بالاصل

اما ينس الورقه هذي اللي ماله علاج :no2:
أبو فراس
06/12/2006, 05:30 AM
السلام عليكم ورحمة الله وبركاته

الله يستر علينا وعليكم

انتم نسيتوا فراش النوم والكاتم

حنا الله يخلف علينا نسينا الونيت كله يابو علي

الله يهدي من كان السبب

ولكن بعد اللي صار له انه ما يطلع الا بونيت ويخلي الجيوب

اه لو معنا الونيت

صورة مع التحية لشايب الصمان والزعيم
ع.ف.الدرويش
06/12/2006, 07:29 AM
صبحكم الله بالخير (جميعا)..

في آخر رحلة لنا.. نسيت أكواب الورق (فقط)
لكن كان معنا بيالات بادريق...;)
ونسيت أيضـــاً الرواق..فعدت على خير..:rolleyes:

شُكراً للجميع..
هواوي
06/12/2006, 08:03 AM
اما انا فصارتلي قصه حلوه

رحت انا وامي الله يطول بعمرها وعمر امهاتكم جميعا ويقدرنا جميعا على برهم

تخذتها قلت باطلعك طلعه حلوه ونستانس واعلمك ان ولدك راعي طلعات وكشتات وخبره

المهم مشينا وابعدنا عن المدينه تقريبا باكثر من 100 كيلو ونزلنا العفش عشان اطبخ الغدا

واجي ابي اولع الغاز الا وما فيه كبريت او ولاعه ادور يمين يسار فوق تحت المهم ما لقيت وتنكدت من جد اول مره اطلع امي وهي ماخذه مقلب في ولدها

المهم وشوي والمح جيب في اكس واوقفه واخذ منه ولاعه وكانوا اربعه شباب وعطوني ثلاث ولاعات وهم يتريقون واجرع المكان الي حنا فيه وانا ناوي اول ما ارجع الديره اشتري كرتون ولاعات المهم وقلت للوالده ابشري جبت ثلاث ولاعات ويوم جيت ابي اطبخ والاقي الغاز مخلص ولا فيه نقطة غاز ظكفينا عفشنا ورجعنا بيتنا وتغدينا وتوبه من الاستعراض والتميلح قدام الاهل

يعني بالعربي نسيت الولاعه والغاز ((الدافور الازرق)) طبعا الحطب يتعب الوالده عشان كذا ماهو في قائمه الاحتياطات والافكار
السابقي
06/12/2006, 08:25 AM
اخوي للمبادله موضوع جيد وفيه مقالب طحت في واحد" منها في اخر كشته الاسبوع اللي مضى في مهرجان ام رقيبه وبعد ماكنت كلي ثقه اني هالمره مانسيت شي لتكرر هالشي معي وبعد مازينا القهوه لامابه قدوع ناس التمره هالمره

فعلا" الواحد لنسى شي بالبر يتوهق لن مافيه حل الا انه يرجع لديره وهو هاج منها

قكرة القائمه جيده بصراحه واللي ماتحتاجه منها اتركه ونت عارف انك تاركه :)
الخلف2010
06/12/2006, 09:32 AM
موضوع طريف حنا نسينا اوضاع بلف الكاتم ورطنا