ماهي الية الاعتراض على تسعيرة اصلاح سيارة الخصم من شركة تامين

[ابوباسلsa]

السلام عليكم
بغيت استشاره جزاكم الله خير

حصل لي صدمه بسيطه بتاريخ 22-6-1435هـ قبل خمس اشهر
الخطاء علي انا 100٪ صدمته من الخلف بسبب توقفه المفاجيء امامي وسيارة الخصم لم تتأثر حتى ان بوية الصدام الخلفي لم تتقشر بالمكان المصدوم .. فقط بوية سيارتي صبغت على صدام سيارته
ولم يكن معي تأمين
ذهبت للمرور وخرجت بكفاله على ان يتم الاتصال علي بعد التثمين لقيمة الاصلاح لسيارة الخصم من ثلاث ورش

طوال الخمس اشهر لم يتصل بي احد
اليوم اتصل المرور بالكفيل وابلغوه بتبليغي بالحضور ودفع مبلغ 4500 ريال!!!!
(قسم بالله ثم اقسم بالله حسب مارأيت أمامي اثناء الصدمه ماتكلف 200 الى 500ريال كحد اقصى) مع العلم ان السياره تاهو 2009 وهناك اماكن بالصدام بها خدوش بالبويه غير مكان الصدمه يعني قديمه
ذهبت للمرور بعد الظهر واخرجوا لي ملف الحادث وابلغوني بأن الشخص اصلح السياره بالتعاونيه للتامين لان سيارته مؤمنه تأمين شامل
وان خصمي هو شركة التعاونيه

سؤالي:
ماهي الخطوات والطريقه الصحيحه والسليمه للاعتراض

افيدوني جزاكم الله خير

[رعودالخيل]

مانقول الا حسبنا الله ونعم الوكيل اذا انت مو راضي بلحكم هذا ارفع قضيتك للمحكمه عن طريق المرور قلهم حولو المعامله لشرع اذا انت كنت مظلوم واذا كنت غير كذا عط الناس حقوقها

[ابوباسلsa]

الله يعطيك الف عافيه اخوي رعود الخيل

لو افترضنا تغيير صدام كامل مع رش وكاله كم بيكلف (شغل وكاله) لتاهو ٢٠٠٩
"عطني توقعك" مع العلم ان الصدام مستحيل يتغير
مع العلم ان الصدام سليم والحساسات سليمه


والله بتقييمي انا واحطها بذمتي ماتتعدى تصليح آثار صدمتي ٥٠٠ ريال مع انها كثير (حسب تقييمي)

ما اقول الا حسبنا الله هو نعم الوكيل

[ميكا مكشات]

اعترض وقل لهم أنا أطعن في السعر ومدة الانقطاع عن المطالبة ....
وحولونا للشرع واذا جيت الشرع قالوا لشركة التأمين ( الخلا بس ) وبتصفي على مصالحة بينك وبين الشركة بـــــــ 1000 ريال

[ابوباسلsa]

الله يعطيك الف عافيه اخوي ميكا مكشات
على توجيهك
لاخلا ولا عدم

[ابو خالد 111]

السلام عليكم

اخي الفاضل لااخفيك بأن فيه تلاعب بشركات التأمين والورش اللي تسعر

بخصوص القطع

الصدام الربل مع الدعاسه مع غطاء الهوك مع الزيك الفضي لو انه ال تي زد بقرابة ال 3000 ريال

وشغل يد بالوكاله الصدام الخلفي ب 1500 من الافضل انك تطلب اعتراض على المبلغ وطلب التسعيره مرة اخرى

[ابوباسلsa]

ياهلا ابو خالد

الله يعطيك الف عافيه
وصادق وانا اخوك
ولكن صدامه ماجاء فيه كسر او هشم او تقشير بويه بسبب الصدمه

[مطر وسم]

اقسم بالله ان التأمين صار لنا نقمه مو نعمه حسبي الله على من اسسه وجاء بفكرته

اكثر الناس عاطلين عن العمل واكثرهم (( اجانب )) معهم كسرة سياره بعشرين الف يدوج بالشوارع ويحاول يعترض طريق المسلمين عشان يصدمونه ويحصل مبلغ مو بسيط من التأمين بعضهم يحصل مبلغ 15000 بالشهر من التأمين (راتب مدير) يقول اسوي كذا احسن لي من الوظيفه

التأمين يعطي المصدوم 5000 على مخشه بسيطه كما حصل لصاحب الموضوع وتصليحها ما يكلف 200 او 300 ريال !!!!! شي عجيب

الكل جالس يلعب بالبلد انظمه تعبانه

[علم162]

مااتوقع القاضي يغير المبلغ لكن اطلب تقدير شيخ المعارض هو اللي بيفصل واتوقع توقع وانا مدري انهم مسوي لكن اذا ماسووه بتحشرهم اطلبه واطلب معرض الحمزه غير كذا مااظن فيه حل الا ان الله امر القاضي وحس ان تقدير شيخ المعارض فيه غبن ...... للفايده سبق صدمت النترا والحادث قرر علي ظلم ودفعت 3500 على صدمه ماتسوى 300 .... المهم اطلب شيخ المعارض ورح معه للتقدير

[الاشهب 507]

تدري ماطل
معاهم إلى
يطفشون منك ليه
هم يماطلون بنا إذا جنا نطلب
الحق والمواطن المسكين من فوق
انفه يدفع قله اليوم العصر إذا جو قل
بكره وبعده وكذا لي هم من روسهم
بيحولونه الشرع
الاشهب 507

[مخاوي المكشات]

مالك الا انك ترفع تظلم واعتراض على التسعيرة
والمرور راح يرفعها للشرع
وانتبه تماطل
لان اللي كفلك راح يجرونه ويعممون عليه ويوقفون خدماته ويتبهذل
وهو ما قصر معك
اتمنى لك التوفيق والله ويفرج همك ..

[محمد المهيدب]

ياخوي مدام تعرف ان صدمتك ماتسوى ولا انت ضالمه فخذ مني هالكلام

لابد من تسليم التسعيرات في خلال 72 ساعه وهذا مكتوب في ورقتهم
لاتماطل ابدا فخصمك تامين بل انت اعترض على التاخير يمكن الرجال صدم وصلحوها على حسابك (( واذا كانت صقعه بسيطه مايغير الصدام ))
ارفعها لشيخ المعارض اخر الحلول (( وهو ماسيرجع له شيخ المحكمه لاحقا ))
اذا شفت المرور ضدك رح للامراه ومايقصرون معك


اتمنى اني اكون افدك

[أنصر نبيك]

رأيي اذا تقدر تدفعها ادفعها بحضور الشخص نفسه وقل له انت عارف الصدمة وشفتها
في وقتها ولكن ما أقول غير حسبي الله ونعم الوكيل عليك وأفوض امري الى الله ان الله بصيرا
بالعباد علي بالخلف وعليك بالتلف أنطقها بقين تام وصدقني سيرى خصمك مالايسره
من تنكيل من رب العباد
هذا ابتلاء فأصبر وأحتسب ولا توجع رأسك بمحاكم ولا غيره وكل الامر لمن لايغادر صغيرة ولا كبيرة