نصيحتكم يا أهل الباترول

[منتعش]

السلام عليكم ورحمة الله وبركاته

وحي الله الجميع - كلن بأسمه -

وآمل أن تكونوا بصحة جيدة وعوائلكم الكريمة

إخواني الغالي : أريد أن أشتري سيارة نوع باترول

وأريد أفضل نوع للبر ( علماً بأني راعي فياض وشعبان ولا أحب التطعيس والجر على السيارات )

البعض نصحني بالموديلات القديمة من ( 91 - 97 )

ولكن أسعارها مرتفعة .

ولقيت موديلات من ( 99 - 2005 ) وأسعارها معقولة

وأبي منكم يا أهل الخبرة بالتفصيل الممل مميزات النوع القديم والجديد

ونصيحتكم في الأختيار .

واللي عنده شي نظيف وينصح فيه يدلني عليه

وأسأل الله لكم التوفيق والعون والسداد

وأن يسعدكم ويحفظكم ويرعاكم برعايته .





أخوكم المحب : ابومعاذ

[iBaaSel]

بالعكس الموديلات 89 - 97
اسعارها معقوله وتقدر تحصل ربع نظيف من ناحية المتحركات بحدود ال25

انا شاري ربع 91 نظيف ماشالله عليه طبعن البدي مصبوغ بـ20 الف

لاكن الموديلات الجديده اريح شوي علي الخط واقل هربده
لاكن القديم يتحمل اكثر وقطعه رخيصصصه

[أبو الوليد 14]

عليكم السلام ورحمة الله وبركاته
الموديلات القديمة 97- ماتصلح .....السبب قربعة وتنسيم هواء ومكينة كربريتر تعبانة وقديمة واحيان تطفي وتبلش به والعزم بعد دمار والنظيف بتحصله غالي ، والديكور قدييم وتجديده يكلف هذا ان حصلت له ديكور ،،،،بعض الشباب سالك معه الموتر زي الحلاوة .
الموديلات 98+ اشوفه انسب .....السبب انه موديل اجدد واخف قربعة واقل تنسبم هواء واوسع واريح والسعر معقول نوعا ما لكن عزمة ثقييييل ، تقدر تحسن عزمة مراوح فلتر هدرز .

بعض اللي معه هالمديلات يركب له مكينة لكزس او فكسار افضل عزم اقل صرفية اقل مشاكل وانا اقول لا تاخذي الا موتر مركب له حدا هالمكاين ولها فترة راكبة

بالتوفيق

[العطاوي a511]

القديم ثقيل وعله مالك الا الفتك نشاط وقوه

[امير المشاعر]

هلابك وانا اخوك منتعش
والله موديلات القديمه حلوة وخفيفه بس قليل اللي تحصله نظيف واذا حصلت بتلاقيها غاليه
انا كان معاي 92 ربع والله ممتع ومكفيني عن غيره وبعته وبحمد من الله بمكسب
اما الموديلات من 99 وفوق ثقيل بدي الموتر وعزمه ضعيف



رائيي اذا حصلت شي من 90 وفوق نظيف خذة ولا تشاور

[منتعش]

عافاكم الله على معلوماتكم القيمة

أنا أبحث عن 4 أبواب



القديمة لقيت أسعارها تتراوح من 30 إلى 40 ألف اذا كان نظيف

ومرهم ومركب عليه ماكينة لكزس أو غيرها .



الجديد من موديل 98 - 2002 أسعارها من 30 وطالع .



ولكن الكل يقول أن الجديدة عزمها ثقيل عكس القديمة .



وأكرر بيض الله وجهيكم على إثرائكم ومعلوماتكم الطيبة .



واللي عنده معلومات أكثر يفيدنا حتى تعم الفائدة للجميع .

[التعـ King ـديل]

الفتك من 2002 الى 2009 هو اللي يوفي بغرضك

[طير الطنايا]

اربط راسك ويجيك مية طبيب..هذا مثل:o
وجهة نظري انا..و? افضل نفسي على البقيه من غير
قصور فيكم جميعا
تبغى تكشت وتقنص وتظرب وعر وحجر وشجر وقوة تحمل
خذ مودي?ت من97-88 و? تبالي وانحش عن توليفات المكاين والهدرز وغيره خله طبيعي اكثر الناس تحب شد
الوكاله وهذا اذا بغيت تبيع افضل;)
اذا تبي الترزز والغسيل والكشخه وتقول سيارتي ما ابي يجيها طقه خذ من الموديلات الجديده
ولك ا?ختيار
علما ان الموديل 97-88 ممتع في جميع الرح?ت بس خذ موتر حلو اهم شي المحركات تكون زينه والدليل ان الشباب وخاصه حقين الطلعات والمكشات رجعوا للمودي?ت ذي وهي الي رفعت اسعارها شوي وانصحك باربع ابواب مكيف
مركزي:D
م?حظه:ليس لي ع?قه بشركة نيسان او غيره كي اعمل لها
دعايه ولكن من واقع تجربه
اسف على ا?طاله
والسلام عليكم ورحمة الله وبركاته.

[الفهيد بدر]

خذ موديل 97 والله مابعده موتر وافضل اذا عليه مكينة لكزس يا سلام .
والله اني تحسرت على بيعت موتري خذيت جيب جديد لاكن مثل الباترول مافيه

[ابوخالد977]

السلام عليكم ورحمة الله وبركاته انا مع الي مدحوا88 الى 97 وبالذات الكلبريتر لانه اذا دخلت فيه في سيول لا تخاف من كمبيوتر ولا خرابات شحم الديلكو وتوكل على الله وذا طفى امره هين اهم شي لا تبخل عليه بالقطع الاصليه لان التجاري مايعيش معه

[ابو محمد1991]

انا افضل الموديلات من ٨٩-٩٧ رغم غلاها الا انها تستاهل شكل وخفه واذا ركبت لها مكينة فكسار والا لكزس ماعاد طلبت وصارت حبيبه وصبوره وقطعها يا بلاش من ارخص القطع في السوق اما الموديلات من ٩٨-٢٠٠١ً برأيي سيئة جدا ثقيلة و مكينتها ٤٥٠٠ سيئة من وجهة نظري تصرف بتزين ولا فيهاعزم لثقل الموتر اما الفتك ان طلته عليك به تراه مووووووووووتر

[المتلولس]

انا جربت القديم الربع والصالون وجربت الفتك الفتك افضل من ناحية القوه والراحه وموتر يتحمل

[منتعش]

عافاكم الله وما قصرتم