هل من طريقة لصيد الحصني (الثعلب)

[GMC 111]

السلام عليكم ورحمة الله وبركاته

مساكم الله بالخير

كلنا شفنا المجازر اللي صارت للحصاني (الثعلب) وغيرها

زبدة الموضوع فيه حي من احياء الرياض تكثر فيه الحصاني واشوفها بشكل يومي لكن المشكلة توسع النطاق العمراني اجبر بعضها على قطع الشوارع للمناطق المقابله للبعد عن البشر والانوار لكن المشكلة دايم اشوفها مدعوسه على الخط المؤدي للمناطق الخالية اغلب الشوارع سريعه ولا تقف فيها السياراة طوال اليوم
يعني اغلبها مايسلم اما تندعس في الخط ولا يتم هدم الجحر عليها وعلى عيالها شوف عيني للأسف

فياليت يشباب من عنده طريقة لمسك الحصني دون الايذاء به لغرض نقلة لمناطق اخرى اعرف اكثر من منطقة تعتبر وعره وتكثر فيها الحصاني وشبعانه من بقايا اللحوم وغيرها من المصالخ ولا اشتكو اهل الديره منها رغم كثرتها ولله الحمد والله يكفيها شر بعض البهايم

ياليت من عنده معلومة يفيدني ياشباب وله الأجر من الله ويشهد الله علي ان المقصد المحافظة عليها وليس غرض اخر

[متابع سحاب14]

بيض الله وجهك والله يجزاك الف خير

[ابو عمر النوح]

حياك الله يالغالي و كل الشكر و التقدير لك على حرصك على الحياة الفطرية

يوجد مصائد للقطط و الكلاب أعزكم الله ممكن الإستفادة منها لصيد الثعالب

[GMC 111]

بيض الله وجهك والله يجزاك الف خير


امين وياك يالغالي

[GMC 111]

حياك الله يالغالي و كل الشكر و التقدير لك على حرصك على الحياة الفطرية

يوجد مصائد للقطط و الكلاب أعزكم الله ممكن الإستفادة منها لصيد الثعالب





الله يبقيك يابو عمر

طيب هذي المطلوبة بس المشكلة وين احصلها

[خشكاري]

بيض الله وجهك على الطرح الهادف .. وبصراحة هيئة الحياة الفطرية مقصرة في هذا الجانب .. وإذا كانت مؤسسات المجتمع لا تنشط إلا في التحذيرات والشجب والإستنكار فقط وليس لها جهود فعلية على صعيد البيئة البرية والبحرية فمن الضروري قيام جهود فردية من متطوعين في هذا الجانب ..

أضرب لك مثال حي لا للحصر ويختص بالنفوق المتكرر لأطنان من الأسماك في المنطقة الشرقية .. والله العلي العظيم أن هيئة الحياة الفطرية لم تفعل أي شيء يذكر تجاة هذه الظاهرة .. وبالإمكان التأكد من صحة كلامي عن طريق البحارين المتواجدين أغلب الأوقات في المرسئ وهم من ذكروا انهم لم يروا أي شخص تابع للهيئة قدم لمتابعة القضية والوقوف على ملابساتها .. وعندك مثال آخر لا للحصر أيضا وهو غزو الجراذي لجزيرة جنا المقابلة لشاطيء الجبيل والتي تفتك ببيوض وفروخ الطيور البحرية المهاجرة والمستوطنة في الجزيرة لم تبذل الهيئة أي جهد لمواجهة هذا الامر وكأن الامر لا يعنيها .. بإختصار الطاسه ضايعه ..

[اي-مكشات]

بيض الله وجهك على الطرح الهادف .. وبصراحة هيئة الحياة الفطرية مقصرة في هذا الجانب .. وإذا كانت مؤسسات المجتمع لا تنشط إلا في التحذيرات والشجب والإستنكار فقط وليس لها جهود فعلية على صعيد البيئة البرية والبحرية فمن الضروري قيام جهود فردية من متطوعين في هذا الجانب ..

أضرب لك مثال حي لا للحصر ويختص بالنفوق المتكرر لأطنان من الأسماك في المنطقة الشرقية .. والله العلي العظيم أن هيئة الحياة الفطرية لم تفعل أي شيء يذكر تجاة هذه الظاهرة .. وبالإمكان التأكد من صحة كلامي عن طريق البحارين المتواجدين أغلب الأوقات في المرسئ وهم من ذكروا انهم لم يروا أي شخص تابع للهيئة قدم لمتابعة القضية والوقوف على ملابساتها .. وعندك مثال آخر لا للحصر أيضا وهو غزو الجراذي لجزيرة جنا المقابلة لشاطيء الجبيل والتي تفتك ببيوض وفروخ الطيور البحرية المهاجرة والمستوطنة في الجزيرة لم تبذل الهيئة أي جهد لمواجهة هذا الامر وكأن الامر لا يعنيها .. بإختصار الطاسه ضايعه ..

أصلا لايوجد طاسه من الأساس

[الصــرح]

السلام عليكم ورحمة الله وبركاته

مساكم الله بالخير

كلنا شفنا المجازر اللي صارت للحصاني (الثعلب) وغيرها

زبدة الموضوع فيه حي من احياء الرياض تكثر فيه الحصاني واشوفها بشكل يومي لكن المشكلة توسع النطاق العمراني اجبر بعضها على قطع الشوارع للمناطق المقابله للبعد عن البشر والانوار لكن المشكلة دايم اشوفها مدعوسه على الخط المؤدي للمناطق الخالية اغلب الشوارع سريعه ولا تقف فيها السياراة طوال اليوم
يعني اغلبها مايسلم اما تندعس في الخط ولا يتم هدم الجحر عليها وعلى عيالها شوف عيني للأسف

فياليت يشباب من عنده طريقة لمسك الحصني دون الايذاء به لغرض نقلة لمناطق اخرى اعرف اكثر من منطقة تعتبر وعره وتكثر فيها الحصاني وشبعانه من بقايا اللحوم وغيرها من المصالخ ولا اشتكو اهل الديره منها رغم كثرتها ولله الحمد والله يكفيها شر بعض البهايم

ياليت من عنده معلومة يفيدني ياشباب وله الأجر من الله ويشهد الله علي ان المقصد المحافظة عليها وليس غرض اخر




أسأل الله العظيم رب العرش العظيم


أن يبارك فيك ويأجرك خير الجزاء


[ فمتى ما وجدت الرحمة بيننا نحن لا زلنا بخير ]


بالنسبة للمصائد فهي تباع لدى محلات الزراعة


حيث أن هناك أقفاص مخصصة لصيد الثعالب


ولكن إحذر يا رعاك الله من المصائد التي على هيئة


كلاليب ( كماشة ) و التي توضع على الأرض ثم


تطبق على أحد قوائم الحيوان وهي مؤذية للغاية


وعموماً لو أنك بمدينة جدة لحددت لك المحلات التي تبيعها






تقبل تقديري وشكري

[طالب المعرفه]

الله لا يحرمك الاجر .



اخوي موجودة في سوق الحمام بالعزيزية جنوب الرياض في سوق الحمام

[أطلال نجد]

و عليكم السلام و رحمة الله و بركاته
جزاك الله خير و الله لا يحرمك الأجر

[دلع شرقاوي 76]

بارك الله فيك و اسأل الله ان يعطيك حتى يرضيك والله يكثر من امثالك

[GMC 111]

بيض الله وجهك على الطرح الهادف .. وبصراحة هيئة الحياة الفطرية مقصرة في هذا الجانب .. وإذا كانت مؤسسات المجتمع لا تنشط إلا في التحذيرات والشجب والإستنكار فقط وليس لها جهود فعلية على صعيد البيئة البرية والبحرية فمن الضروري قيام جهود فردية من متطوعين في هذا الجانب ..

أضرب لك مثال حي لا للحصر ويختص بالنفوق المتكرر لأطنان من الأسماك في المنطقة الشرقية .. والله العلي العظيم أن هيئة الحياة الفطرية لم تفعل أي شيء يذكر تجاة هذه الظاهرة .. وبالإمكان التأكد من صحة كلامي عن طريق البحارين المتواجدين أغلب الأوقات في المرسئ وهم من ذكروا انهم لم يروا أي شخص تابع للهيئة قدم لمتابعة القضية والوقوف على ملابساتها .. وعندك مثال آخر لا للحصر أيضا وهو غزو الجراذي لجزيرة جنا المقابلة لشاطيء الجبيل والتي تفتك ببيوض وفروخ الطيور البحرية المهاجرة والمستوطنة في الجزيرة لم تبذل الهيئة أي جهد لمواجهة هذا الامر وكأن الامر لا يعنيها .. بإختصار الطاسه ضايعه ..



هلا وغلا بحبيب القلب

الامثلة كثيرة للأسف ولو نعد صدقني راح نغلط من كثرها

الهيئة نايمه في سبات عمياق الله المستعان

نورة الموضوع يابعد راسي :good2:

[GMC 111]

أسأل الله العظيم رب العرش العظيم


أن يبارك فيك ويأجرك خير الجزاء


[ فمتى ما وجدت الرحمة بيننا نحن لا زلنا بخير ]


بالنسبة للمصائد فهي تباع لدى محلات الزراعة


حيث أن هناك أقفاص مخصصة لصيد الثعالب


ولكن إحذر يا رعاك الله من المصائد التي على هيئة


كلاليب ( كماشة ) و التي توضع على الأرض ثم


تطبق على أحد قوائم الحيوان وهي مؤذية للغاية


وعموماً لو أنك بمدينة جدة لحددت لك المحلات التي تبيعها






تقبل تقديري وشكري





حياك الله اخوي الصرح والله يجزاك خير على كلامك الطيب ماقصرت يالغالي

[GMC 111]

الله لا يحرمك الاجر .



اخوي موجودة في سوق الحمام بالعزيزية جنوب الرياض في سوق الحمام






امين والجميع ان شاء الله

شكرآ على معلومتك يالغالي وبحاول امرهم خلال الأسبوع هذا ان شاء الله

[عنزي من نجد]

شف كم أسعارها في سوق الحمام اذا غالية عندي لك حل أنا عندي مصيدة على شكل صندوق مولفه طبعا من حديد الرفوف حقت البقاﻻت تبي تسير علي وتشوفها او تبي اصورها وارسلها لك اللي تامر فيه وانشاء الله لك في كل كبد رطبة اجر أنشاء الله

[الأجودي]

هي موجوده في سوق الحمام على شكل قفص وتتسكر عليه وتحبسه
لكن وش الداعي لصيدها وان صدتها وين بتوديها
كل ذكر من الثعالب له منطقة صيد ويدافع عنها وان حطيت فيها ثعالب جديدة بيتقاتلون وبيموت احدهم يعني ماغزينا
ليتك تبلغ الحياة الفطرية وهم يتصرفون

[GMC 111]

شف كم أسعارها في سوق الحمام اذا غالية عندي لك حل أنا عندي مصيدة على شكل صندوق مولفه طبعا من حديد الرفوف حقت البقاﻻت تبي تسير علي وتشوفها او تبي اصورها وارسلها لك اللي تامر فيه وانشاء الله لك في كل كبد رطبة اجر أنشاء الله


لقيت مطلوبي عند وحد من لشباب الله يجزاه خير

اما انت الله يبيض وجهك يالعنزي ويرحم والديك ويكتب اجرك يالغالي وافي وماتقصر يابعد راسي

[GMC 111]

هي موجوده في سوق الحمام على شكل قفص وتتسكر عليه وتحبسه
لكن وش الداعي لصيدها وان صدتها وين بتوديها
كل ذكر من الثعالب له منطقة صيد ويدافع عنها وان حطيت فيها ثعالب جديدة بيتقاتلون وبيموت احدهم يعني ماغزينا
ليتك تبلغ الحياة الفطرية وهم يتصرفون


انا سمعت ان لكل ذكر منطقة من اكثر من شخص لكن اللي اشوفه بعيني سوا في الديره ولا في احياء الرياض دائما اشوفها ولابيني وبينها غير 10 امتار مالحضت هذا الشي ابد

يجون مجموعه 4 او 5 حصاني وبينهم ذكرين واحيان اكثر ووضعهم ماشي في السليم :D

وبخصوص تبليغ الهيئة ما اتوقع راح القى تجاوب اكثر من مره كلمتهم في اكثر من موضوع ولا احد يمك

واما وين بوديها بجيبها حول حلالي يابعد راسي خلها تسرح وتمرح براحتها :D