فزعتكم كم رسوم الجمارك لجيب لكزس موديل 2011 او 2012

[MNH]

السلام عليكم



ارغب في شراء جيب لكزس من دبي او قطر واود معرفه تكلفه الجمرك كم ياخذون

لان المواتر في قطر والامارات ارخص من السعوديه

طبعا جيب LX 570

[التعـ King ـديل]

على حسب سعر الشراء وورقه الجمارك ياخذون 5% من قيمه الموتر

فرضا الجيب شريته ب 100 الف وسعره في السعوديه ب 110 ياخذون عليك 5 الاف

لانه يحسب لك الفرق بين قيمته بالسعوديه وبين قيمته بالدوله اللي انت شريت منها

ونصيحتي لك اذا شريت موتر ووصلت الجمارك السعوديه عطهم الاوراق بوجه بشوش مع ابتسامه وحسسهم انهم احسن ناس في العالم ولا تزعجهم كل شوي خلصت اوراقي او لا صدقني بتنصدم من سعر الجمرك وتلاقيهم يحسبون لك رسوم ماتحلم فيها ويخلصونك بسرعه اما اذا سويت فيها رسمي معهم وازعجتهم ابشر باللطعه والرسوم العاليه اكلمك من تجربه

ولا تروح لهم مشخص كنك بزواج يحسبونك كاش ويقصونك بالرسوم خلك بلبس عادي

[راديكالي]

تقريبا 8 آلاف .
مصاريف إضافية : 300 ريال للوحات جمرك + 90 ريال للمخلص الجمركي

[1824]

حسب قيمة السيارة تدفع 5% من قيمة السيارة فقط وتدخلها ببطاقة جمركية

[ابوخالد977]

اخوي فيه طريقه اذا سويتها ما تدفع ولا ريال من الجمرك ويكون عليك رسوم ارضيه مثل ما يسمونها وانا اتكلم معك وانا مجرب عدة مرات شرط السياره تكون من وكالاتهم اومستورد نضيف يعني خالي من الحوادث

[ابوخالد977]

فيه ناس يجهلون انه فيه اتفاقية جمارك بين دول الخليج ويروح يدفع الجمرك والموضفين ما يفهمونه الطريقه

[ابوخالد977]

فيه ورقه يسمونها المقاصاه تأخذخا من مينا راشد بعد ما تخلص اوراق تسفير السياره لها رسم بسيط وتضيفها مع اوراق التسفير والبيان الجمركي واذا وصلت الجمارك الموضف دايركت يخصمها من حساب جمارك الامارات وتدفع 60 ريال ارضيه بس

[سوبرمان]

أخي الكريم MNH
السلام عليكم ورحمة الله وبركاته
كما ذكر أخي أبوخالد977 أن هناك إتفاقية بين دول الخليج بالنسبة للرسوم ، حيث أن السيارة التي لم يمضِ على موديلها أكثر من خمس سنوات ، يكفي أن تحضر ورقة مقاصة من الجمارك وبعدها تسقط عنك الرسوم ، وإنما تدفع مبلغ بسيط لايتجاوز (400) ريال .
وهذا الكلام أُحدثك به من واقع تجربة شخصية لي أنا ، حيث أحضرت سيارة تاهو موديل 2007 في عام 2009 وأحضرت معي ورقة المقاصة وتم دفع مبلغ تقريباً 320 ريال أو حوله ، ماأذكر المبلغ بالضبط .

هذه الطريقة مسموح بها لك مرة واحدة لكل سنة .

ولك تحياتنا ،،

[ابوخالد977]

احب ازيدكم من الشعر بيت اذا صار مب اول مره في السنه ياخذون منك 500 ريال غرامه في كل مره خلال السنه الي دخلت فيها موتر وهذ ا الكلام حسب ماسمعت من خوي لي جاب سيارتين في سنه فغرموه 500 على السياره الثانيه لانه بينهم اقل من سنه وهذا الكلام من فتره ويبي الواحد يتأكد قبل والله يوفق الجميع لما يحب ويرضى

[التعـ King ـديل]

النظام يعطيك سيارتين بالسنه بشرط بعد السياره الثانيه لازم مرور سنه كامله لان بعض الناس يحسب اذا دخلت السنه الجديده يقدر يجيب سيارتين ثانيه يعني اشترى سيارتين بشهر11 ينتظر لحد شهر 11 من السنه اللي بعدها وليس مع دخول السنه الجديده

ورقه المقاصه للسيارات الجديده فقط او المخزنه في الوكاله

[ابوخالد977]

كلامك صحيح اخوي انه لازم تطبق السنه من تاريخ استيرادك اما بخصوص المقاصه هذا النضام من اي موديل بعد عام 2004 وقت الاتفاقيه وانا كنت استورد بسجلي التجاري من قبل يحطون نضام خمس سنوات فاقل وكنت استخرج المقاصه لكل السيارات الي دخلت الامارات بعد عام 2004 حتى لو كان موديلها اقل وبعد النظام الجديد كل السيارات لها مقاصه وينخصم الجمرك كامل اما السيارات الي دخلت الامارات مصدومه او مسجله تالف وتم اصلاحها فيكون عليها نسبه من الجمرك لانه ما اندفع الجمرك كامل وقت دخولها الامارات

[سحــاب]

اذا اماراتي ماعليه جمرك لان بعد 2005 مافيه جمرك عندك مواصفات ومقاييس فقط

[سوبرمان]

النظام يعطيك سيارتين بالسنه بشرط بعد السياره الثانيه لازم مرور سنه كامله لان بعض الناس يحسب اذا دخلت السنه الجديده يقدر يجيب سيارتين ثانيه يعني اشترى سيارتين بشهر11 ينتظر لحد شهر 11 من السنه اللي بعدها وليس مع دخول السنه الجديده

ورقه المقاصه للسيارات الجديده فقط او المخزنه في الوكاله



أخي الكريم أنا إستخرجت ورقة مقاصة وكانت سيارتي مستعملة لمدة سنة وتسعة شهور تقريباً .

فقط للعلم والإحاطة ،،

[راديكالي]

المقاصة هي تحصيل الدولة لقيمة الجمارك من دولة أخرى

ولا يلزم الفرد بدفع قيمة الجمرك اذا استخرج مقاصة من الوكيل في الدولة المستورده للسيارة

وتشمل آخر موديل نازل + الموديل السابق له

فمثلا الآن الموديلات 2015 نازلة + موديلات 2014 يعفى الفرد من قيمة الجمرك في هذه الموديلات بشرط وجود ورقة المقاصة معه .

[ابوخالد977]

يااخي الكريم المقاصه لاي سياره تم استيرادها من عام 2004 فما فوق والسيارات الجديده يسهل عليك اخذ مقاصتها اما المستعمله يبيلك تروح مينا راشد وتبحث عنها في الارشيف والشغله ما تاخذ منك 10 دقائق ويعطونك البيان الجمركي للسياره وثم تدخل به قسم المقاصات في نفس المبنى من ورا وانا اقول هالشي وانا مجرب وعندي اوراق سيارات مستوردها موديلات متنوعه وكلها بمقاصه من قبل نضام الخمس سنوات وبعده ايضا وبالنسبه للسيارات المستعمله المستورده اطلب من البائع يجيب لك البيان الجمركي الي استورد فيه او صوره منه وهو مجبور يعطيك علشان يسهل عليك اخذ المقاصه واسف على الاطاله

[ابوخالد977]

والموديل ما يمنع عنك المقاصه بل يمنع دخول السياره اذا تعدى الخمس سنوات

[م.سعيد]

يااخي الكريم المقاصه لاي سياره تم استيرادها من عام 2004 فما فوق والسيارات الجديده يسهل عليك اخذ مقاصتها اما المستعمله يبيلك تروح مينا راشد وتبحث عنها في الارشيف والشغله ما تاخذ منك 10 دقائق ويعطونك البيان الجمركي للسياره وثم تدخل به قسم المقاصات في نفس المبنى من ورا وانا اقول هالشي وانا مجرب وعندي اوراق سيارات مستوردها موديلات متنوعه وكلها بمقاصه من قبل نضام الخمس سنوات وبعده ايضا وبالنسبه للسيارات المستعمله المستورده اطلب من البائع يجيب لك البيان الجمركي الي استورد فيه او صوره منه وهو مجبور يعطيك علشان يسهل عليك اخذ المقاصه واسف على الاطاله

وعند جهينة الخبر اليقين..
جزاك الله كل خير على التوضيح