لو تكرمتو على اريد افضل ورشه موثوقه لصيانة لاندكروز2013 بالرياض

[الملاك32]

الله لا يهنكم اخواني عندي لاندكروز2013 جي اكس ار ماشي 30الف ويوم قلت ابي اسويلها صيانة عند عبداللطيف طلع مايقارب 2600 ريال وهذا سعر غير مقبول وحاب اعرف ورشة محترمه وموثوقه ومن واقع تجربه بمدينة الرياض الله يجزاكم كل خير ويجعلها بموازين اعمالكم ارجو من الله ثم منكم المعرفه بهذا الطلب وشكرا

[Mohammed5d]

العضيب في الصناعيه القديمه ممتاز وهو يسوي صيانه للبريمي

[خيال الغلبا]

يااخي السيارة جديده الله يطعمك خيرها ويكفيك شرها .... فقط تحتاج تغيير الزيوت.............

انت مصدق ان فيه صيانه حقيقيه عندهم

[خيال الغلبا]

رح للضحيان في الصناعيه القديمه عند تقاطع السالم للزجاج

واذا تبي رقم السوداني حقهم اجيبه لك

[حبيتر]

اخوي اذا سيارتك سليمه لاتسوي لها شي وانت اعرف اكيد لسيارتك اذا تحتاج صيانه او لا ولا ليش الواحد يدفع مبلغ وقدره ويتردد على الورشوهذا من وجه نظري

[راعي الصنف]

هاذا الكلام .. موتر جديد واسوي صيانه له !!! على ايش بالله


الحمد لله زيت وبنزين ولا تقرب الورش وغيرها

[ذيب ذهلان]

مثل ماقالوا الاخوان مايحتاج صيانه اهم شي الزيت موتري ماشي 50 الف اوديه الوكاله فقط تغير زيت

[أطلال نجد]

أخوي سيارتك جديدة نصيحة لا تقرب الوكالة ولا الورش ترااها كذبة وصدقناها غيّر زيت مكينة كل خمسة ألاف مع الفلتر وسم بالله و دق سلف

موترى ماشي ٩٥ ولا دخلته لشيء أسمه صيانة وناوي إن شاء الله أسوى له صيانة بسيطة إذا كمل ١٠٠ ألف زيوت وفلاتر وسيور وفرامل فقط

[أطلال نجد]

لكن أنتبه لمواعيد استبدال زيت القير و الدفرنس والدبل حسب استعمالك أو حسب جدول الوكالة

ولا أنصحك تبدلها خارج الوكالة مهما كانت الفاتورة والله يعيننا و إياك و بالتوفيق ،،،

[ابونبيل]

اتعجب من الي يشري الموتر وكاله كاش ثم يعيش عيشة اهل الاقساط يقعد يروح الوكاله ويعطهم قسط بأسم ((الصيانه))!!
انت ما شريت الجيب هذا الا وانت تثق انه جودته عاليه و سمعته طيبه وشهوله الصيانه يالغالي؟!

لا تمرهم الا اذا مشى ٨٠ الف وده يغيرون زيت دفرنس وقير
والله يبارك لك

[الحربي 591]

اخوي
انت تذا عندك الدفتر حق الصيانه مكتوب وش تغير
انت غيرها عشان تسلم من الغش

[hamido]

تدور شين وانا اخوك ماغدا لك

[فواز الشيباني]

اخوي موترك جديد
لاتروح للوكالة الا على
٨٠ الف غيار زيت قير والدفرنس
والدبل والفلتر نصيحة وفر دراهمك
واشتر بها ( تمر ) ������
ابرك ماتعطيها الوكالة

[التعـ King ـديل]

ممشى موترك قليل ولا بعد بداء يطلب قطع

لذلك مثل ماقالو الاخوان اذا هو تماتيك غير زيت القير والدفرنس عند 80 الف والباقي مايحتاج

وزيت المكينه تلاقيه عند المشاحم لونه اسود نسيت اسمه ب 35 ريال يمشيك ديره 15 وسفر 10 الاف

انا معي باترول اغير منه كل 10 الاف لاني اسافر واجد وموتري ماشي مثل موترك ولا طبيت الوكاله ابدا الا تشييك 1000 علشان تسجيل الضمان وغيرو الزيت بلاش

[راشد الصالح]

انا مسوي الصيانة عند عبداللطيف ما يكلف المبلغ الي ذكرت
صيانة 30عندهم زيت ماكينه فقط
الاربعين فيه تغير زيت الدبلات والدفرنس
وانا انصحك من تجربه غير زيت الدبلات والدفرنس عندهم علي الاربعين
يكلفك 370 فقط