ترفيع هايلكس دفرنس .

[mohammed_i9]

السلام عليكم ورحمة الله وبركاته

كيف حالكم ياخوان ؟



مع قدوم الشتاء أبي أرفع سيارتي هايلكس 2011 دفرنس
أبي رفعه قويه ولاتضر السياره

شفت هالرفعه أعجبتني كأنه دفرنسين

http://cdn.top4top.net/i_4229e7332c1.jpg


بأيش رفعها وكم سنتي ؟ وهل الرفعه هذي تسبب الإنقلاب ؟

[ابوخالد977]

اذا كنت بالرياض فيه ورشه بالصناعيه القديمه اسمها ورشة تمير سابقا ومشهوره بهالاسم في شارع المنتزه قبل ميزان اليرموك الفرع القديم وانت جاي من الغرب متجه شرق وماشاءالله شغله ممتاز وراح تشوف الزحمه عليه وتحكم من الشغل الي عنده

[ابوخالد977]

واذا ضيعت اسأل عن اليرموك الفرع القديم واذا وصلت اسألهم اواسأل اي ورشه يدلونك

[أبوعبدالله202]

ورشة ميرات
وليس تمير

[عز الخووي]

بخصوص الرفعه

ركب قدام كعكات ولا يايات و ورى ركب لعابات على حسب المقاس اللي تبي

وقدام دبل المساعد ب مساعدات مارسدس و ورى مساعدات فكسار

[dhoomi]

باين انه مركب يايات اماميه و ولعابات خلفيه

بعدين هالرفعه ذي مب زينه لانه واجد

[mohammed_i9]

يأخوان ماعطيتوني جواب على اسألتي :(

هل تسبب الإنقلاب ؟
وكم الرفعه المضبوطه ؟
ويقولون الكعكات تخرب ياي الوكاله إذا طولت والجلب تطيح ، ف أتمنى يفيدوني أهل الخبره
وكم تقريبي التكلفه ؟

وماقصرو بقيت الإخوان وإن شاء الله بروح للورشه الي ذكروها بس أول عطوني العلم الأكيد عشان اعرف وش بسوي بموتري

[almutllaq]

يأخوان ماعطيتوني جواب على اسألتي :(

هل تسبب الإنقلاب ؟

السيارة تكون أكثر عرضة للانقلاب من السابق وهي منزلة ( الراكد باذن الله ما يجيه الا العافية ) .

وكم الرفعه المضبوطه ؟

عطه يايات استرالية قدام ومساعدات مرسيدس أو ( تركب يايات وكعكات على مساعد الوكالة ) وقفا السيارة لعاب 27 .

ويقولون الكعكات تخرب ياي الوكاله إذا طولت والجلب تطيح ، ف أتمنى يفيدوني أهل الخبره
وكم تقريبي التكلفه ؟

أنا مركب كعكات على هلي دبل وما ضر الياي ( وراعين الدفرنس يركبون كعكات وما منه الا العافيه ) .

اليايات الاسترالية المستعملة = على 300 ريال .

مساعد المرسيدس = ما أفتيك بالسعر .

الكعكات = على 50 ريال .

اللعبات حسب الورشة بعضهم 100 وبعضهم 70 أنت وشطارك ( ولا تعدى 27 سم للعاب ) ان زودت تسمع حره بالقير .

الأسعار من دون شغل اليد .

عندك إن بغيت ترفع قفا السيارة بالحيل اطرق السست ( عيوبه يمكن ينكسرن السست ولا يرجعن وكالة ) .

وماقصرو بقيت الإخوان وإن شاء الله بروح للورشه الي ذكروها بس أول عطوني العلم الأكيد عشان اعرف وش بسوي بموتري



تحياتي .

--------

[ابوخالد977]

مثل ما تفضل الاخ عبدالله ان اسم الورشه مرات على اسم ديره وتشابكت معي وجزاكم الله خير