الرنج روفر ينفع للبر

[عبدالله.q8]

السلام عليكم

الصراحة كنت اشوف الرنج انها سيارة فاخرة وحق كشخه لكن بعد ماشفت مقاطع الأجانب باليوتيوب يكرفون بالطين والوحل

وانتم كرامه

استفساري هل الرنج ينفع للبر واستخدام القاسي أتكلم عن قصه موديلات 2006 الى 2010

[ksaboss]

اتوقع ينفع ما في مانع

[almutllaq]

المشكلة مهي هل الموتر ينفع ولا لا , الرنج معروف بقوته وأنظمته وعلى قولك الاجانب يكرفونه كرف .

لكن المشكلة هي بصيانته وصعوبته وعدم توفر قطع الغيار في بعض المدن كيف بالنفود والهجر البعيدة .

علشان كذا تشوف الناس معهم التويوتا والنيسان والجمس والشفر وغيره من الشركات المنتشره عندنا واللي الورش تعرف لهن .

تحياتي .

[ابو محمد1991]

الاجانب يكرفونه في براحة جمبهم ما يقطعون فيه مسافات همن يحولون به من الزفلت في وعر والا نفد هو وحدة من مشاكلة مساعداته هوا على طول تتفقع وكمبيوتراته القديم اتذكر فيها مشاكل بس الجديد مدري وبعد موتر معقد صعب جدا يصلح ولازم له عده خاصة وكمبيوترات وغير كذا ثقيل لو غرز نشبت به

[باسل نجد]

اتوقع ماينفع لأنه لو تعطل بك في البر بيصعب إصلاحه لأنه معقد
أما الأجانب يكرفونه ع قولة أخونا في البراحة اللي بجنبهم هههههه
والمهم أنه يقدر يسوي له صيانة بنفسه ، والقطع متوفره عندهم
والا هناك ماعندك أحد يعرف له بالاضافة لندرة قطع غياره

[باوزير]

الاجانب قطع غياره مليانة في المحلات و اذا ما حصل رهم له

[hamido]

هو بوادي والبر بوادي ناهيك عن الصيانه

[قليقلان]

السياره اللي قطعها شحيحه ولازم ميكانيكي خاص
فر منها فرارك من الاسد

[hightech]

ينفع للبر والكرف والتطعيس بس هذا الكلام هناك في ديارهم لكن هنا يالطيب يختلف

الموضوع

قطع غياره نار والورش اللي تصلحه على عدد الأصابع يعني حط بالك اي قطعة بتخرب

يمكن توصل آلاف بدون مبالغه طبعا غير المكينة والقير يمكن تجي قيمة سياره ثانيه

ابعد عن الشر وغني له

[عقووول]

ولد عمي معه رنج سبورت

والله انه هلكه قطع غيار وخرابات غير طبيعيه والمصيبه قطع غيارة

تدري طرمبة البنزين سعرها بس 10 الاف ريال

وراح رهمله طرمبة بي ام اكس فايف ب 5400 ريال

غير الجلنط الي يعلق ومعروف عنه وغير السيارة تطفي من فترة لفترة بلحالها
انا انصحك بالسيارات المعروفه في ديرتك تويوتا نيسان متسوبيشي جمس شفر

سيارات معروفه وكلن له مميزات وعيوب

[عبدالله.q8]

بيض الله وجيهكم على النصيحة

بصرف النظر عنه وان شاءالله باخذ يا لاندكروزر أو سفاري

[1824]

خذلك تاهو z71 موتر جبار بالتوفيق لك

[غار بن شعلان]

السلام عليكم

الي اعرفه انو الاجانب يكرفون اللاند روفر ماهو الرنج الروفر

اللاند اقل تعقيد من ناحيه الكمبيوترات والانظمه الكهرابيه سياحي مره مافيه انظمه لكن عليه دفرنسات مهبوله ومايردها شي ومشاكله قليل

اما الرنج الانظمه الكهربائيه فيه كثيره وهو للرفاهييه نادر تشوف الي يحوسه بالبر

احد الربع كان معه لاند روفر موديل 96 اذا ماخاب ضني لكن كان موتر لايعلى عليه يارجل يمشي بالقير الاول 100 وباقي فيه نفس مكينه غير طبيعيه

وزود انه يمشي بالبطناج كنه يمشي على زفلت ماتحس ابد ماشاء الله موتر لكنه مايخلى من ارتفاع الحراره اذا صار قيض

لكن بالشتى يطربك وين ماتبي وداك واغلبنا مكاشيته في الشتى يعني ينفع

المشكله الوحيده الي ممكن تكون عائق انو قليل الورش الي تعرف له وتوفر القطع لكن النت الحين ماعاد تبلش بقطعه تجيك ارخص من هنا يبقى العائق الوحيد الورش فقط

[مطر وسم]

الرنج روفر حق تشخيص ومهايط عند الناس فقط

ماينفع للبر ابد خكري دلوع

[عبدالله.q8]

السلام عليكم

الي اعرفه انو الاجانب يكرفون اللاند روفر ماهو الرنج الروفر

اللاند اقل تعقيد من ناحيه الكمبيوترات والانظمه الكهرابيه سياحي مره مافيه انظمه لكن عليه دفرنسات مهبوله ومايردها شي ومشاكله قليل

اما الرنج الانظمه الكهربائيه فيه كثيره وهو للرفاهييه نادر تشوف الي يحوسه بالبر

احد الربع كان معه لاند روفر موديل 96 اذا ماخاب ضني لكن كان موتر لايعلى عليه يارجل يمشي بالقير الاول 100 وباقي فيه نفس مكينه غير طبيعيه

وزود انه يمشي بالبطناج كنه يمشي على زفلت ماتحس ابد ماشاء الله موتر لكنه مايخلى من ارتفاع الحراره اذا صار قيض

لكن بالشتى يطربك وين ماتبي وداك واغلبنا مكاشيته في الشتى يعني ينفع

المشكله الوحيده الي ممكن تكون عائق انو قليل الورش الي تعرف له وتوفر القطع لكن النت الحين ماعاد تبلش بقطعه تجيك ارخص من هنا يبقى العائق الوحيد الورش فقط

طيب جبت له قطع غيار من النت ومن وين القى كراج نظيف يركب له القطع من غير مايلعب بالموتر وصحيح الاند موتر جبار لكن نادر جدا تحصل واحد للبيع


الرنج روفر حق تشخيص ومهايط عند الناس فقط

ماينفع للبر ابد خكري دلوع

الله يهديك وش هالالفاظ البذئيه تكلم بمنطق وماتشرفني مشاركتك

[عبدالله.q8]

خذلك تاهو z71 موتر جبار بالتوفيق لك

والله انه موتر وتجهيزاته للبر والمناطق الوعره قوية لكن وقت البيع بيطيح بجبدي

[الفنطاس]

سيارة ممتازة بس الصيانة وقطع الغيار والوكيل نار الله الموقدة عندنا 2013 وتحت الكفالة وصيانتة 5000 ريال وحتجت بطارية وقف اسبوع حتى يحصلونها