تباشروا ياللي على سهيل شفقين

[ابو ياسر طريف]

بسم الله الرحمن الرحيم
السلام عليكم ورحمة الله وبركاته
مشاركة متواضعة اتمنى ان تنال استحسانكم
تاريخ كتابة القصيده 10 / 8 /2014
الشاعر صالح حمدان الطرفاوي

تباشروا ياللي على سهيل شفقين
تباشروا جتكم ليال المسره
هب البراد وساح بال المشقين
وراح التويبع والثريا تجره
وانزاحت الجوزا مع اللي مقفين
واللي يعرف نجومها ماتغره
والحر زل وهل نجم الكليبين
من بعد مالمرزم شوانا بحره
وسهيل باقي عن دخوله سبوعين
بحساب منهم حاسبين المجره
وانا تراي من البطا خاطري شين
والهم والهوجاس بالي يفره
متى على الله نمسك الخط ماشين
نطلع من ازعاج المدينه لبره
لاجيت شرق طريف سبعه وتسعين
قبل الشعيب المعترض لا تمره
سند جنوب وقبلةً للمصلين
وارفق على الموتر وحذرا تزره
والياقطعت بموترك حول عشرين
تشوف لك بيتن بعالي مقره
بيتن مشرع للرجال المسمين
هم محزمي لاصار بالوقت فره
في مرقب يكشف بعيد الميادين
راع الهوى لازم يجيه ويمره
تشوف دو خالي من هل الضين
وتشوف من قبله خباري وحره
قاعً بياحيه تشفق لها العين
منها تروح الضيقه المستمره
اول نزلنا بالطريفاوي سنين
معبار قرناس الحرار وممره
اشقر حرارن راجح بالموازين
غير الامير بنقلته ماتشره
جثلن عريض الساق عاقد حجاجين
مالامست كفه على طول فره
ومعبار دلماًمن فروخ الشياهيين
كن الحراب بعينها مستقره
لعرضت واومت بروس الجناحين
عقيد قومن قام والبشت شره
لكن عفناها بعد صار تعدين
من عقب مالشركات زادت حفره
ياعل تسقيها السحايب بتشرين
سيلن يشيل عقومها مع زبره
يعلها وبل الثريا بعد حين
واتتبع الجوزا وتردف بغره
الين ماتصبح رياض وبساتين
وتربع الهزلا ويزداد دره
ادعي لها من باب سلم الوفيين
وادعي لها من باب ولف ومبره
قلته وانا متضايق وخاطري شين
والقلب فرار الهواجس يفره
مايستريح وينشرح خاطري لينً
اطلع من ازعاج المدينه لبره

[999ابوصالح]

مايستريح وينشرح خاطري لينً *** اطلع من ازعاج المدينه لبره
صح لسانك

[ابو ياسر طريف]

صح بدنك يابو صالح
يشرفني مرورك
تحياتي

[قوافي ( أم نهار )]

عليكم السلام ورحمة الله وبركاته

صح لسانك عالقصيده

الشكر الجزيل اخي الفاضل

تحياتي وتقديري واحترامي

[ابو ياسر طريف]

صح بدنك
اشكرك على تنسيق القصيده وعلى مرورك الكريم
تحياتي

[عدم الانحياز]

السلام عليكم ورحمة الله وبركاته
والياقطعت بموترك حول عشرين
تشوف لك بيتن بعالي مقره
بيتن مشرع للرجال المسمين
هم محزمي لاصار بالوقت فره
في مرقب يكشف بعيد الميادين
راع الهوى لازم يجيه ويمره

صح لسانك وعلا شانك
والله لا ينزعنا ولا ينزعك
والله لا يقطعنا ولا يقطعك
ما خرج من القلب وصل الى القلب
تحياتي المتتابعة للشمال وأهل الشمال والله من الطيبة والمرجلة وكل فيه خير

[ابو ياسر طريف]

هلا وغلا
صح بدنك وبيض الله وجهك ماعليك زود وانتم كذلك
الله يسمع منك
تحياتي لك