مساعدة بخصوص شراء هايلوكس دبل اقساط

[راعي المجهم]

السﻻم عليكم ورحمة×

شباب ودي بهايلوكس 2014×دبل زيرووو

وحبيت استفسر عن سعره كاش

وتقسيط كم يطلع علي وكم القسط الشهري

وأخذه من الوكالة أم عن طريق بنك ؟؟؟

علي قرض من الراجحي 260 الف قبل شهرين وانفقته ي بناء وامور اخرى

ويصفي لي الان 8300 ريال من الراتب

هل اقدر اطلع هايلوكس دبل تقسيط

وودي

[المميـز]

:

خذ قرض من الراجحي لانه اقل فائده من الوكاله
والموتر يطلع باسمك

الاقساط الموتر يطلع باسمهم والفايده حول ١٢٪
ولاتقدر تبيع ولاتقدر تسافر عليه الا بتفويض

والله يكتب لك اللي فيه الخير


:

[ابو حسان الجنوبي]

تستطيع تأخذة تأجير عن طريق بنك الراجحي بنسبة 9% بدون مقدم وبدون رسوم إدارية

ومن ناحية السفر خارج المملكة تمرهم قبل تسافر يعطونك تفويض بلاااااااش لأي دولة تسافرها

تقبل تحياتي ودمت بود

[الجنوبي2020]

خذه من الراجحي بدون مقدم وبدون رسوم ادارية وقسط حوالي 1650

الوكالة مقدم حوالي 20 الف وقسط 2000

الراجحي عروضه مغرية ولكن يغش الناس حسبنا الله ونعم الوكيل

سيارتي صار عليها حادث قالوا تالفه وحطوا في حسابي سالب 14 الف غير اللي خذوه من التأمين وخذوا السيارة وأقساط 4 سنوات

وغيري خذوا منه 25 الف

الهايلكس الدبل أنصحك بها ماشاء الله عليها

[راعي المجهم]

هل يطول شغلة بنك الراجحي

[عاشق الصمود]

كان يمديك تاخذ من البنك قرض وتشتري كاش حلو وكان ماتقدر خذ تاجير منتهي بالتمليك من البنك اما الشركات لا تقربها ترا نسبتها عاليه

[ابونبيل]

اشور عليك تاخذ القرض وتشريها كاش الاجار نصب وينإكل حقك

[ابوراكان تبوك]

الراحي صلخ في السيارات

انت قارن بنفسك بينه وبين بنك الرياض

عموما تقدر تاخذ بسسسسس نظام تأجير

[امير المشاعر]

اخوي نظام التأجير عند الراجحي الكثير من الناس تذم فيه
لدرجة انك لو طفشت من السيارة وتبي تتنازل عنها يرفضون وثأني حاجه معاملاتهم قلق
اقسم بالله اني ارحم عملا هذا البنك كل يوم امر بعد صلاة الظهر احصلهم متزاحمين في الشارع وفي عز القايله الله يعين بس
والهايلكس ماعليه كلام وانا اخوك والله انه بخاطري لاكن الحال تحد الواحد انه يصبر لين الله يرزقه الكااش ويشتر على راحته
اتمنى لك وللاخون كل خير

[راعي الرود]

سعره كاش 2014 92 الف سعودي عبداللطيف جميل اتلى علمي به

بالنسبه لنظام التأجير اهم شيء عندهم يكون ثلث الراتب يغطي القسط الشهري (اعني عبداللطيف جميل) .. اذا يغطي يأجرونك حتى لو عليك التزامات ماليه

اما البنوك ماعندي علم عن نظامهم

الله ييسر امرنا و امرك

[Salamah.y]

سمعت ان الهايلوكس الخليجي , أرخص من السعودي بـ أكثر من 20 ألف
ياليت تتأكد من هالنقطه و تسأل عنها , لأن الفوارق بسيطة بين الخليجي و السعودي
و اللي يبي يستخدم و ما يفكر بالبيع و المكاسب , يشوف الأوفر له خصوصاً أن الفرق كبير

الله يرزقنا و إياك من واسع فضله

[سارق الكحل]

تونا شرينا وحده على الزيرو بـ 104 الاف منقوله وتامين

سعودي ضمان عبداللطيف بعد مافرينا المعارض كلها أرخص واحد
والحلو فيها خزان مويه خلف المرتبة لخلفية وحساسات امامية وخلفية ودعامة امامية وجنوط 15 وفايبر اسود للصندوق ودواسة قوية وكشافات امامية

الخليجي موجود لقيناه ( قطري ) وبحريني ووارد بن زرعه اليمن
اقل سعر 96 الف وفيه نوع بـ 97 يفرق كشافات

[طائرالايمان]

يازين الكاش وربي مثل البلاش لموتر2014مدبله ناظرالتوقيع:good2:
ماهي بخساره باسمك وتلعب على كل خط لوجيبك فاضي من الدراهم مايجيك الهم
طقيتها ب2500 ريال فوق الميه
:Dوش رايكم فيني هنا وليده ههههههههههههه
يارجل اتمشى بالنفود وطوطح مسبحتي هههههههههههههههههههههههه
ماشاء الله عليه الله يعطيني خيرها ويكفيني شرها
:p