مشكلتي مع بنك الراجحي

[الجنوبي2020]

السلام عليكم ورحمة الله وبركاته



ياأخوان .. كان عندي سيارة 2010 ددسن من بنك الراجحي ومضى عليها 4 سنوات أقسطهم



وقدر الله صار علي فيها حادث والحمد لله أنجاني الله واعتبروها تالفة



و5 شهور يسحبون قسطها في النهاية في شهر شوال قبل الراتب بيومين رجعوا 6400 الاقساط اللي خذوها 5 شهور ورجعوا سحبوها ومعها حوالي 8000 ريال ليصبح - 14452 ريال غير الاقساط الشهرية



نزل الراتب وخذوه كله وبقى -2800ريال



راجعت البنك قالوا قيمة السيارة قبل الحادث 40 الف والتأمين أعطانا 26900 والباقي عليك



إنشغلت لبعض الظروف وباقي إلى الآن مارفعت شكوى قالي لي واحد في البنك مستحيل ترجع لك



وفيه واحد أعرفه خذوا منه 25 الف في هايلكس 2012



بنك الرياض واحد مطلع من عندهم سيارة وراحت تشليح ولا اخذوا منه شي



يااخوان أحد يعرف طريقتهم أو رفع شكوى ولا كيف الحل معهم



والموضوع بعد للي بيطلع سيارة من الراجحي يكون على بينة قبل يتورط



عروضه مغرية ولكن المصيبة إذا جاء على السيارة حادث

[الدبا]

شف وانا اخوك لو عندك حساب في تويتر فيه الله يسلمك حساب [لقروب لموظفي مصرف الراجحي في شقردية كثير] اطرح مشكلتك وبأذن الله سوف تجد من يساعدك فيه المدير وفيه الموظف العادي انا سبق لي الاستفسار عن موضوع بشأن قرض شخصي وتواصل معهم وارسل لي مدير مبيعات رقم جواله وشرح لي كل شيء من دون أي تكلف وشخص متواضع بارك الله فيه
والله يوفقك

[روح شمالي]

للأسف الراجحي سيئ جدا للغاية
وتعاملاتهم ربوية ولا يوجد بها ذرة من الاسلام

[صيهد]

الله يعينك و يرد لك حقك

[المميـز]

:

الله يعينك .. لذلك نصيحه لاحد ياخذ عن طريق الراجحي
خذ قرض واشتر فيه سياره افضل حل واقل فائده

:

[Obu-Nasser]

بنك الراجحي بنك ربوي بشكل مخيف

[يالبى الهلا]

اسمة تأجير منتهي بالتمليك يعني عارفين السيارة ليست ملكك بل انت مستأجر وتدفع حق الاجار بشكل بدل يومي أو شهري واذا لم تدفع تسحب منك من دون علمك أو موافقتك وتسليمها زبون اخررررر
أفضل مافي التأجير انة مؤمن علية من الشركة الأم ورغم ذلك يحسبون عليك تأمين

[Salamah.y]

يا أخوان لا تتهاونون بإطلاق الأحكام على الآخرين ,
فالربا ليس بالشيء السهل حتى نطلقه على الآخرين بكل تهآون
اتركوا الفتاوى لأهلها , لكي لا تقعوا في المحظور , هدانا الله و إياكم

,

و يعلم الله انها نصيحة لوجهه الله
ولا لي أي علاقة لا من قريب و لا من بعيد ببنك الراجحي
و لا أستخدمه حتى !!

,

أخوي جنوبي ,, كان الله في عونك
عسى الله يرد لك حقك و يعوضك عن السيارة بأحسن منها يارب

[سعود سالم]

الله يعينك

[اليامي قطر]

اتوقع القرض افضل حل من التأجير المنتهي بالتمليك

والله يرد لك حقك

[اسبيدر مان]

يا أخوان لا تتهاونون بإطلاق الأحكام على الآخرين ,
فالربا ليس بالشيء السهل حتى نطلقه على الآخرين بكل تهآون
اتركوا الفتاوى لأهلها , لكي لا تقعوا في المحظور , هدانا الله و إياكم

,

و يعلم الله انها نصيحة لوجهه الله
ولا لي أي علاقة لا من قريب و لا من بعيد ببنك الراجحي
و لا أستخدمه حتى !!

,

أخوي جنوبي ,, كان الله في عونك
عسى الله يرد لك حقك و يعوضك عن السيارة بأحسن منها يارب


افضل ماقيل في هل موضوع وبيض الله وجهك

سبق وان جيت مصرف الراجحي من اجل شراء منزل طبعا نظامه زي نظام التاجير وبعد ماتخلص الاقصاط ينقل بأسمك واتفقنا شفهيا على اغلب الامور ولكون مدة التمويل طويله طرى في بالي سؤال
وهو لو لاسمح الله نوفيت قبل تنتهي مدة التمويل وش مصير البيت والاقصاط
قالى الموظف تسحب البيت من الورثه ونبيعه وناخذ الى لنا والباقي نعطيه الورثه من قيمة البيت
قلت طيب الرياض اذا توفي الشخص المتمول يسقط عنه وينتقل البيت للورثه
قالي الرياض عندهم تامين شامل يعوضهم لو مثلا تلف البيت او تعذر استيفاء قيمته
وحنا ماعندنا هل طريقه بسبب ان المشائخ محرمينها لذالك مانتعامل بها
اخذت بعضي ومشيت من عندهم

وفيه نقطة ثانيه اسويها انا واغلب المقترضين من البنوك
انه نوقع على الاوراق والعقود بدون قرائتها او النظر فيها وكل همنا متى ينزل المبلغ في الحساب
وفي الاخير لاصار مشكله لا سمح الله حنا الخسرانين

[محب الجهاد]

شرينا للوالد سيارة هايلكس نظام تأجير منتهي بالتمليك وأكملت سنة وشوية وصار عليها حادث وقالت الورش السيارة تالفة تقريبا عدد الإسقاط ١٨ وخلصنا منهم ورجعوا علينا ٥٠٠٠

[الجنوبي2020]

بيض الله وجيهكم جميع على المشاركات وآرائكم السديدة

القرض افضل وتاخذ سيارة بإسمك ولكن الظروف تحكم

الدبا

بيض الله وجهك

راسلتهم وأنتظر الرد منهم

محب الجهاد

السيارة من الراجحي؟؟؟

المصيبة إني دفعت أربع سنوات أقساط بحدود 57000 ريال

الله يعوضنا خير ويعيينا عليهم

جزاكم الله جنة الخلد

[محب الجهاد]

نعم السيارة من الراجحي
وعدد الاقساط في حدود ١٨ أستلمتها شركة الراجحي
ثم صار عليها حادث وصارت تالفة
وانتهى التقسيط
ورجعوا مبلغ ٥٠٠٠تقريبا

[999ابوصالح]

أهم شي الحمد لله على سلامتك واسأل الله أن يعوضك

[الجنوبي2020]

محب الجهاد



الله يبشرك بالجنة



شكلهم من يطالبهم يردونها عليه



ماأدري وش الفرق بينهم وبين البنوك الأخرى



ابو صالح



الله يسلمك من كل شر



ويجزاك الجنة

[متقاعد ومرتاح]

السلام عليكم ورحمة الله وبركاته
إشكهم على وزارة الماليه وتاخذ حقك غصب على البنك

[مسير عليكم]

اخوي يوم تاخذها عليها تامين شامل
وثاني شي انت ماخذها اقساط ولا تاجير

[راعي المجهم]

شباب ماتلاحظون ان اكثر الي ماخذين سيارات
اقساط منتهي بالتمليك كلهم صار عليهم حوادث ؟؟؟؟

[الجنوبي2020]

متقاعد ومرتاح

بإذن الله ماأخليها لهم



مسير عليكم

تأجير منتهي بالتمليك



راعي المجهم

اللي كاتبه ربي بيصير

وصدقت الأغلبية والسرعة لها دور بعد

بيض الله وجيهكم

وجزاكم الله الجنة

[شنطة عده]

انا مدري الناس وش عندها في بنك الراجحي ..... بنك نصاب وتعاملة مع العميل احتيال في احتيال

الي اعرفه اذا صار حادث على السياره بنظام التاجير

البنك يسقط عنك باقي الاقساط فوراً ..... لان السياره مؤمن عليها البنك . يعني ياخذون مبلغ التامين +الاقساط الي دفعتها + السياره المصدومة يبيعونها

ويطالبونك بالفرق ..... وش خلو لليهود

[جني صغير]

انا مدري الناس وش عندها في بنك الراجحي ..... بنك نصاب وتعاملة مع العميل احتيال في احتيال

الي اعرفه اذا صار حادث على السياره بنظام التاجير

البنك يسقط عنك باقي الاقساط فوراً ..... لان السياره مؤمن عليها البنك . يعني ياخذون مبلغ التامين +الاقساط الي دفعتها + السياره المصدومة يبيعونها

ويطالبونك بالفرق ..... وش خلو لليهود

لا تروح بعيد حتى بنك الانماء يسرقون

ماخذ قرض 62 الف وحسبوها على 87 الف

بالرغم اتفاقنا النسبه 3 في 100 وعقب ما استلمت القرض تفاجات من الموظف يقولي نسبتك 3.5 %

[الجنوبي2020]

انا مدري الناس وش عندها في بنك الراجحي ..... بنك نصاب وتعاملة مع العميل احتيال في احتيال

الي اعرفه اذا صار حادث على السياره بنظام التاجير

البنك يسقط عنك باقي الاقساط فوراً ..... لان السياره مؤمن عليها البنك . يعني ياخذون مبلغ التامين +الاقساط الي دفعتها + السياره المصدومة يبيعونها

ويطالبونك بالفرق ..... وش خلو لليهود




تورطنا معه الله يخارجنا منه قريب



وأما بالنسبة للي خذوه إن شاء الله يرجع لي



وإن مارجع لي بالدنيا عند الله تلتقي الخصوم



جزاك الله الجنة

[الجنوبي2020]

لا تروح بعيد حتى بنك الانماء يسرقون

ماخذ قرض 62 الف وحسبوها على 87 الف

بالرغم اتفاقنا النسبه 3 في 100 وعقب ما استلمت القرض تفاجات من الموظف يقولي نسبتك 3.5 %

الله يعينك



بنوك نصب واحتيال



وللأسف مافيه رقابه

[يسورب]

لا تروح بعيد حتى بنك الانماء يسرقون

ماخذ قرض 62 الف وحسبوها على 87 الف

بالرغم اتفاقنا النسبه 3 في 100 وعقب ما استلمت القرض تفاجات من الموظف يقولي نسبتك 3.5 %

يمديك تشتكيهم لدى مؤسسة النقد على الرقم المجاني /8001256666

ما عليك الا الاتصال ويرد عليك الموظف او الموظفة واعطهم القصة

من اول الى تالي وحقك ان شاء الله ما يضيع

[راعي الرود]

اول شيء
الحمد لله على سلامتك هذا الأهم
و ما تضيق الا تفرج من عند رب العالمين
مشكلتك يبي لها صبر و نفس طويل ..
ارفع شكوى لمؤسسه النقد هي المسؤوله عن البنوك و مؤسسات التأمين
و بيعطونك موعد جلسه و بيحضر محامي من بنك الراجحي و يقدم مستنداته و اقواله
انت جمع اوراقك و الادله اللي تقدر تحاجهم فيها و ان كان لك حق بأذن الله تبي تاخذه من فوق خشومهم

[طائرالايمان]

قسم نصابين ياشيخ
اول نزلت الرواتب في الحسابات على البنوك جانا مندوب منهم وتشيك بشنطته
ابشرو بالخير حولو رواتبكم علينا وكل تيسير لكم والاقساد ميسر ومن هالرخيص
بعد مضي 6شهور ابي قرض قالولي نعطيك 60000ريال ههههههههههه
طيب راتبي 8الاف اشحذكم انا ههههههههههههه
المهم على طول سحبت التحويل الراتب لبنك سامبا ماخذيت الا وجاني اتصال منهم نعطيك ونعطيك
اقول روح بس انت وبنكك سامبا اعطاني سياره بدون مقدم لاوبعد السياره باسمي واقساد مريح لابعد اعطاني بعدها بسنه قرض 110الف ياشيخ ابعد عن الراجحي وكبرالوساده :good2:

[الحلم الحلم]

الراجحي سئ بتعامله مع العميل ..
وحقك مابيضيع استشر محامي وبيعطيك الطريق الصحيح وتقدر تمر موسسة النقد وتقدم بلاغ ع نظام سما

محبكم/الحلم الحلم

[الجنوبي2020]

اول شيء
الحمد لله على سلامتك هذا الأهم
و ما تضيق الا تفرج من عند رب العالمين
مشكلتك يبي لها صبر و نفس طويل ..
ارفع شكوى لمؤسسه النقد هي المسؤوله عن البنوك و مؤسسات التأمين
و بيعطونك موعد جلسه و بيحضر محامي من بنك الراجحي و يقدم مستنداته و اقواله
انت جمع اوراقك و الادله اللي تقدر تحاجهم فيها و ان كان لك حق بأذن الله تبي تاخذه من فوق خشومهم

الله يسلمك من كل باس



وبيض الله وجهك على التوجيه والنصيحة



جزاك الله الجنة

[الجنوبي2020]

قسم نصابين ياشيخ
اول نزلت الرواتب في الحسابات على البنوك جانا مندوب منهم وتشيك بشنطته
ابشرو بالخير حولو رواتبكم علينا وكل تيسير لكم والاقساد ميسر ومن هالرخيص
بعد مضي 6شهور ابي قرض قالولي نعطيك 60000ريال ههههههههههه
طيب راتبي 8الاف اشحذكم انا ههههههههههههه
المهم على طول سحبت التحويل الراتب لبنك سامبا ماخذيت الا وجاني اتصال منهم نعطيك ونعطيك
اقول روح بس انت وبنكك سامبا اعطاني سياره بدون مقدم لاوبعد السياره باسمي واقساد مريح لابعد اعطاني بعدها بسنه قرض 110الف ياشيخ ابعد عن الراجحي وكبرالوساده :good2:



يستدرجون خلق الله



الله يعيننا على البنوك



جزاك الله الجنة

[الجنوبي2020]

الراجحي سئ بتعامله مع العميل ..
وحقك مابيضيع استشر محامي وبيعطيك الطريق الصحيح وتقدر تمر موسسة النقد وتقدم بلاغ ع نظام سما

محبكم/الحلم الحلم

بإذن الله بأمرهم



جزاك الله الجنة