هل آلسكآكين آلجديدة تحتآج سن ؟

[yes999]

آلسلام عليكم ورحمة آلله وبركآتة

هل آلسكآكين آلجديدة مثل آبو طير تحتآج سن وآذآ مثلا تم سنهآ وهي جديدة تقل فعآليتهآ ؟ وكل عآم وآنتم بخير .. :f

[دايم الخير]

وعليكم السلام ورحمة الله وبركاته

السكين الجديدة تكون مسنونه شد بلد المصنع

وهي أفضل سنة للسكين احذر انك تخربها بالسن من جديد

والله يكفينا واياك شر السكاكين

لك تقديري

[yes999]

تسلم آخوي دآيم آلخير ع آلتوضيح .. وآمين آلله يكفينآ شر آلسكآكين وشر كل ذي شر ..

[m1m2m3m4m5m6]

حسب صناعة السكين وحسب نوع استخدامك ,, البعض يغير زاوية الحد قبل اي استخدام,, على الاقل عطها مسحتين ع الجلد واستخدمها ثم قرر تحتاج ولا لا

[القويد]

عليكم السلام ورحمة الله وبركاته

السكاكين العاديه الموجوده بمحلات الاواني وبعض محلات الرحلات ماعندك مشكله لو تسنه لان صناعته نوعاً ما رديئه

لكن السكاكين الاصليه الي عند الرمايه او غيره الايطالي والياباني والتايواني لو تسنه خربت تجلس لاكثر من ١٠ سنوات بحالة انك تستخدمه الاستخدام الصحيح

سكين اللحم لحال والخضار لحال والذبح لحال وعلى هذا الموال قس

واسف للاطاله

[m1m2m3m4m5m6]

مافيه سكين تجلس سنه حتى لو استخدامك صحيح ,, السن فيك فيك

[خالد الخطير]

السكين تجي مسنونه شد بلدها

وتستخدمها بدون سن

السن يستخدم بعد عدة استخدامات ولها سبب واحد

وهو الاستخدام الشاق او القاسي !!

فهنا لابد تعيد سنها في حال اختلف عليك حدتها

وعدو حد السكين هو :

- العظم

- الاشياء القاسية الاخرى الي تستخدم السكين فيها خارج منزلك (بالبر على سبيل المثال) زي تكسير الحطب

لكن السكاكين الغاليه تجي مسنونه مووووس ، وتجلس حدتها سنوات لا تحتاج الى سن !!

وسكين ابو طير من افضل ما مر علي الى الان

وانصحك بالي مسكتها بلاستيك نوعية رائعه

لسبب : ماتمسك جراثيم زي الممسك الخشب

[m1m2m3m4m5m6]

خالد سكاكين يابانيه ودمشقيه يستخدمونها الطباخين للخضار فقط ويحتاجون يسنونها كل فتره ,, وش السكين اللي تعيش سنوات دلنا عليها تكفا

[خالد الخطير]

اخوي ،،

الرجال يقول مثال ام طير ،،

ام طير ماتحتاج سن ابد !!

من شريتهن لي سنوات وهي هي نفس الحد !!

ماتذكر بحياتي سنيتها !!

وموووووس

لكن طبيعي بعض الصناعات (حسب معدنها) تبرد سنتها !!

هل تقارن ام ٢٠ ريال بام ١٠٠ ريال (مثلاً)

بيعي فرق السعر لصالح المعدن !!

وكلامي وجهة نظري الخاصه من تجربتي

ما اقول كلامي هو الصحيح ،، لكن هذا الي اراه من منظوري الخاص

ودمت بود ،، اخوك / خالد

[بلحارث]

كلام اخوي M1 كلام خبراء وينفع للخبراء فقط

[m1m2m3m4m5m6]

كلام اخوي M1 كلام خبراء وينفع للخبراء فقط

الله يرفع قدرك بلحارث والله نتعلم منك ,,



لأجل تجربة حد السكين فيه اختبار بسيط ,, جرب اقطع ورقة جريدة واختبر الحد اذا شفته تمام جرب تحمل السكين بطريقه بسيطه ,,

ما اقول لك اضرب خشب او عظم , بس كرتون موز قطعه كامل لين تصير القطعه بحجم الاصابع ,, اذا خلصت جرب تقطع الجريده مره ثانيه ,, وعطني النتايج

[Alnoor33]

ام طير فيه ميزه كثر الذبح يخليها تبرد

وتحتاج الي سنتين فقط بمسن بارد

[فرخ قطا]

عندي ام طير للذبح فقط وهذاه عايشه له ٤ سنين

ماسنيته ابدد

[فرخ قطا]

عندي ام طير للذبح فقط وهذاه عايشه له 4 سنين

ماسنيته ابدد

[دايم الخير]

سن لسكين يرجع لطريقة و كثرة الاستخدام

السكاكين مثل ام طير و سكين مورا و سكين هيلي النرويجية

اذا بالكثير تذبح بالسنة اربع خمس ذبايح ودام انك ما تضرب عظم ولا تقطع فيها الا لحم

فيكفي مسحها على جلد و ماراح تبرد

السن ما يكون الا في حالة الثلم او برودة في السكين تحتاج مسن ناعم

ابتعد كليا عن مسن الرماية او شبيهاته.

[خالد الخطير]

الكل يعلم بان اختبار حدة السكين هو بالورق !!

ولكن ، نعود لمسألة نوع المعدن !!

هنا سكاكين من تقطيع خضار تروح حدتها !!

فما بالك باللحم و العظم ؟!

لكن اذا تكلمنا عن نوع معدن متين فهذي لا تحتاج سن الا نادراً !!

فلا عجب من تفاوت الاسعار !!

ولكن هل الخشب يزيل حدة السكين ذات المعدن الجيد ؟!

خلونا نشوف مقطع مثال لاستمرار حدة السكين

طبعاً نتكلم عن نوع المعدن وبقاء حدته ،،

لا احد يجي يقول لا هذي مطوية وهذيك سكين !!

انا اتكلم عن نوع المعدن و بقاااااااء حدته !!

وهذا هو المقطع

http://youtu.be/gLTN3kuKgGI

واخيراً ،، لا نخرج عن صلب موضوع اخونا

اي سكين تأتي من بلدها مسنونه جاهزه

لكن بعض السكاكين كل يومك بالمسن !!

وبعض السكاكين لا تحتاج لسن الا نادراً جدا !!

وهذا يعود لنوع معدنها

فاذا انت مقبل على شراء فعليك بأم طير وانت مغمض

بس انتبه لاصابعك لا تطير ،، لانها موووس :D

[yes999]

يعطيكم آلعآفية .. آرآء قيمة ..

[m1m2m3m4m5m6]

الكل يعلم بان اختبار حدة السكين هو بالورق !!

ولكن ، نعود لمسألة نوع المعدن !!

هنا سكاكين من تقطيع خضار تروح حدتها !!

فما بالك باللحم و العظم ؟!

لكن اذا تكلمنا عن نوع معدن متين فهذي لا تحتاج سن الا نادراً !!

فلا عجب من تفاوت الاسعار !!

ولكن هل الخشب يزيل حدة السكين ذات المعدن الجيد ؟!

خلونا نشوف مقطع مثال لاستمرار حدة السكين

طبعاً نتكلم عن نوع المعدن وبقاء حدته ،،

لا احد يجي يقول لا هذي مطوية وهذيك سكين !!

انا اتكلم عن نوع المعدن و بقاااااااء حدته !!

وهذا هو المقطع

http://youtu.be/gLTN3kuKgGI

واخيراً ،، لا نخرج عن صلب موضوع اخونا

اي سكين تأتي من بلدها مسنونه جاهزه

لكن بعض السكاكين كل يومك بالمسن !!

وبعض السكاكين لا تحتاج لسن الا نادراً جدا !!

وهذا يعود لنوع معدنها

فاذا انت مقبل على شراء فعليك بأم طير وانت مغمض

بس انتبه لاصابعك لا تطير ،، لانها موووس :D










غير صحيح ان كل سكين في السوق تجيك مسنونه جاهزه ,, مثال بسيط ساطور السيف الياباني حد بلاده سيء جدا جدا ولازم تسنه ,..

على كل حال هذا مقطع لنفس معدن وشركة السكين اللي مدحت يقطع فرشه ( اخف من الخشب ) وحدها اندمر على طول .. مسأله ان السكين تمسك حد لسنوات غير صحيحه .. بعض الناس قد لايلاحظ الفرق المهم سكين تقطع بالحرحره ولا بالقوه المهم تقطع اذا هي حاده ,,

[حمزةعبدالمطلب]

سن لسكين يرجع لطريقة و كثرة الاستخدام

السكاكين مثل ام طير و سكين مورا و سكين هيلي النرويجية

اذا بالكثير تذبح بالسنة اربع خمس ذبايح ودام انك ما تضرب عظم ولا تقطع فيها الا لحم

فيكفي مسحها على جلد و ماراح تبرد

السن ما يكون الا في حالة الثلم او برودة في السكين تحتاج مسن ناعم

ابتعد كليا عن مسن الرماية او شبيهاته.


وش افضلها ام طير او مورا او هيلي وفين تباع
لاهنت قبل العيد

[خالد الخطير]

غير صحيح ان كل سكين في السوق تجيك مسنونه جاهزه ,, مثال بسيط ساطور السيف الياباني حد بلاده سيء جدا جدا ولازم تسنه ,..

على كل حال هذا مقطع لنفس معدن وشركة السكين اللي مدحت يقطع فرشه ( اخف من الخشب ) وحدها اندمر على طول .. مسأله ان السكين تمسك حد لسنوات غير صحيحه .. بعض الناس قد لايلاحظ الفرق المهم سكين تقطع بالحرحره ولا بالقوه المهم تقطع اذا هي حاده ,,

حنا نتكلم عن السكاكين وليست السواطير !!

من المعروف ان الساطور مايكون حاد جداً جداً جداً

لان مهمة الساطور تكسير العظام وليس التقطيع !!

وهذا انت بنفسك قلتها (ساطور السيف الياباني)

هل تقارن ساطور السيف الياباني ،، بساطور ابو فيل الالماني ؟! او بساطور الفريح الالماني ؟! او الساطور الايطالي ؟!

ساطور ابو 50 ماهو زي ساطور ابو 200 او 300 ريال

فمقارنتك خارج سياق الحديث عن السكاكين ،، لانك تقارن حدة ساطور بحدة سكين !!

اما تقول ان السكين تمسك حدتها لسنوات انه غير صحيح ،، (فهذي وجهة نظرك الخاصة)

لنا تجارب مع سكاكين عديده ،، والمعدنها تعبان ورخيصه طبيعي مسنك بجيبك ماينزل

لكن سكين غاليه ومعدنها طيب تمسك حدتها سنوات طووووويله وهذا واقع جربته

انا اثبت لك بمثال بمقطع موجود على اليوتيوب ويقطع خشب !! ماهو فرشة !!

الا اذا ان وجهة نظرك ان الفرشة اقسى من الخشب فهذي تبقى وجهة نظرك

اخيراً انا كلامي واضح جداً ،، والاخ طلب رأي ،، ماطلب فرض رأي !! وهنا فيه فرق !!

عموماً ،، تمنيت من ان النقاش يكون عن وجهات النظر فقط مو تحيز الانسان لرأيه الخاص

ولو رجعت لنقاشي تلاحظ احترم وجهة نظرك واقول هذا رأيي ووجهة نظري الخاصه !!

اما اني اقول كلمة (غير صحيح) فهذي المفروض نبتعد عنها في نقاشاتنا ، لان فيها انتقاص لرأي الشخص الي امامك و تملك لرأيك فقط !!

فمن ادب النقاش مع الاخر ،، ماتقول غير صحيح ،، لانك هنا تكذب وجهة نظر المتحدث معاك وانا ارضى بالنقاش بالاثبات بالدليل سواء عقلي او منطقي ،، ولكن ما ارضى بالتكذيب بعدم صحة كلامي !!

لانك حينما تقول غير صحيح (هنا تنتقص الي امامك)

وانا ارى ان الموضوع تحول من نصيحة لاخونا الى نقاش في بداية الامر ،، واكثر من مره اقول لا نخرج عن صلب موضوع اخونا لاني ماحب الجدال !!

و الموقف ارى انه تحول لجدال !!

لذلك ابتعد عن الكلام في هالموضوع نهائياً

واتمنى ماكون ضايقت احد بكلامي

واذا انا اخطأت فمن نفسي وان اصبت فمن الله

والسلام ختام

اخوكم / خالد

[m1m2m3m4m5m6]

هههههههههههههه والله يا ان زعول يا خالد ,, طيب واذا قلت لك احيانا بارك ريفر بعظمتها تجي حدها مضروب ؟ ويغيرون حدها من هالو قرايند مثل الى حد عادي .. وساطور السيف ابو خمسين اذا حديته صار احسن حد من ام طير ذا اللي مطيرينها في السما !

و بما ان الفرشه الين من الخشب خربت حد ام طير , لو كان خشب وش بيصير؟

وانا اشرح لك ليش احيانا تحتاج الى سن السكين الجديده ,, السن الممتاز يحتاج الى سن يدوي ولا احد يختلف في هذا الموضوع ,, والعمل اليدوي مكلف وياخذ وقت ,, يعني صنع معدن ممتاز سهل وقص السكين سهل ,, لكن السن يكون بمكينه ونادر تكون المكاين سنها بدرجه ناعمه لذلك تلقا الحديد ممتاز لكن الحد ما انحد مضبوط فلازم تضبطه ,,


استحاله تعيش ام طير سنوات والدليل البسيط تشوفه بعينك عند القصابين , كل دقيقتين يمشي سكينه على المحد الستيل ,, وش معناه ؟ معناه ان الحد يتأثر ولا لا؟



خلاصة الكلام في نظري :
فيه سكاكين " جيده جدا " تجي من مصنعها غير مسنونه 100%
السكاكين الوحيده الي ماتحتاج سن هي سكاكين السيراميك ولها عمر وترميها ,, غيرها لازم تسنها


مازلت اقول كلامك غير صحيح , وجملة كلامك غير صحيح ماهوب معناها انك كذاب او اقدح في شخصك ,,قد تكون فاهم غلط غائب عن بالك معلومه , وقد يكون انا كلامي غير صحيح حتى, لكن في النهايه الموضوع للنقاش ماهوب قران منزل نعطيه خوينا ونقول خذ به وخلاص .

[دايم الخير]

وش افضلها ام طير او مورا او هيلي وفين تباع
لاهنت قبل العيد

سكين هيلي حدها ممتاز لكن اذا برد تحتاج مهاره في السن ، وسعر السكين غالي ما يقارب 400 ريال ، وهي تباع لدى العقيلات ، ولهم موقع الكتروني .
ميزة هذه السكين انها صناعة يدويه بالكامل ، تحفه بكل ما تعنية الكلمة .

سكين ام طير السويسرية ، وسكين مورا السويدية اراهم في نفس الدرجة و أسعار متقاربة، إلا أن أم طير لها شعبية اكبر بحكم انها الأقدم في السوق.

ان رغبت سكين ام طير ، أنصحك بالمقاسات التالية :
16 ، و 12 أو 10 للسلخ

أم طير موجودة لدى باوزير شرق الرياض وايضا لدى محلات برق الحيا مخرج 15 ومودة لدى بن شيهون في السباله بالرياض.

مورا ايضا لديها مقاسات شبيهة بمقاسات أم طير ولديها خيارات متعددة من اشكال السكاكين و انواع للمعادن أكثر.

وكيل مورا ، معرض بيتي والرحلة ، ولهم موقع الكتروني ايضا.
وميزة بيتي والرحلة ان لديهم أدوات متعددة لسن السكين ولديهم نصائح تفيد المستخدم ، بيتي والرحلة احد الوكلاء الذين نفتخر بهم لإهتمامهم بالعميل.

مع فائق التقدير

[اصيل نجد]

اصبح عليك وعلى الاخوان واقول عشر مباركه الله يسهل امور الحجاج ويتمم عليهم .
بالنسبه للسكاكين وسنهن انا عندي سكين لها ثلاث سنوات ماذكر اني سنيتها لكن محافظ عليها بالدولاب اول بول بعد الذبح اغسلها وانشفها وادهنها بشوي زيت اكل وادخلها اجرابها اهم شي لاتقرب العظام خصوصا لصارت سكين صغيره حقت صلخ كذلك عدم تقطيع غير اللحم فيها وبكذا تعيش سنين وعند حاجته عزالله تخدمك .
ربي يحفظكم وييسر امركم وكل عام وانتم بخير .