عزيز النفس

[مجدلاوي]

السلام عليكم ورحمة الله وبركاته
*
*

يبو ماجد حباك الله عطيه=حباك احلا الصفات من الرجالي

...............

عزيز النفس فيك الجاذبيه=يابو ماجد عزيز النفس غالي

...............

قريتك في الحروف الابجديه=حروف العز وشموخ الجبالي

................

ترحب وانت تعبا الشاذليه=ومن بعد التراحيب الخيالي

.........................

علومك كلها اعلومن طريه=تسولف للرجال عن المعالي

.........................

ودايم ناركم يالشيخ حيه=ولو مر الدهر والجيب خالي

...............

وفي المسراح تنزل ع المطيه=وتاخذ واحدن ماله رحالي

.....................

وعند اهل القلم لك قابليه=تقعد الراي واتحل السؤالي

................

طموح فيك صبر وحسن نيه=صدوق ولك مع الحكمه مقالي

.....................

تخاوينا على الدنيا سويه=ولا قد قلت لي مالك ومالي

................

ولا قد قلت لي هذي وذيه=ولا قد قلت للشينه تعالي

....................

تجيب الصيد واكفوفك نديه=يخالطها الجمر تحت الرمالي

..................

تشيل الهم حمال الاسيه=عزيز النفس واحمولك ثقالي

......................

وتنظم شعر وابياتك عذيه=على الطرق الجنوبي والشمالي

.................

وتعجبك الفتاة الجامعيه=يغطي ليلها يادوب شالي

..............

لها اوصاف البنات الساحليه=كما الهيل المبهر بالدلالي

....................

وتعجبك الحروف العاطفيه=وتهتف وانت متهني وسالي

.....................

ولا يعجبك شيال..الاذيه=ولو يلبس على الغتره عقالي

.....................

عسى شانيك يبلى بالبليه=تجيه الجن بانواع الخبالي

................

وعسى يفداك بوار اب خويه=ويفداك الردي شين الفعالي


..

1 الخيال هنا ( الذبيحة )


مع تحيات اخوكم / المجد

[999ابوصالح]

صح لسانك يالمجد

[قوافي ( أم نهار )]

السلام عليكم ورحمة الله وبركاته
حياك الله اخي الفاضل
يمنع بمكشات وضع روابط لمنتديات أخرى وأعتذر عن حذفها
لي سؤال اخي الفاضل
هل القصيده لك ام منقوله
تحياتي وتقديري واحترامي

[مجدلاوي]

سبحان الله العظيم ..

انا ادري ان الذي يوضع هنا للكاتب فقط ..

ايه هذه بقلمي وهي في اكثر من منتدى !!

ثاني قصيدة تبغون تصادرونها !

اي روابط ؟؟؟؟

[قوافي ( أم نهار )]

حياك الله

نرحب بك وبقلمك اخي الفاضل

السؤال لانه إذا كانت منقوله يكتب منقوله حفظاً لحقوق الشاعر

القصيده الاوله لم تكن مناسبه للخيمه ومخالفه للشروط

الرابط تحت الكلمات الملونه وتم حذفه لمنتديات الشهري او الشهارين لا اذكر بالضبط الاسم

والكلمات الملونه وتحتها رابط المنتديات هي

1عنوان القصيده

عزيز النفس

2وسط الكلمات ماقبل القصيده وهي تحت اسم

عزيز

والعنوان وكلمة عزيز ملونه بلون بني

قصيدتك اللتي حذفت الان هي بخيمة الاستعلامات وبامكانك الاطلاع عليها وتحت كلمة العطور دعايه لمنتديات العشاق

((حذفت لإمران :لعدم مناسبتها وللدعايه لمنتديات تحت كلمه ملونه))

وهذا رابطها

http://www.mekshat.com/vb/showthread.php?t=654304

تحياتي

[مجدلاوي]

صح لسانك يالمجد



***
**
*
وصح كلك يبو صالح .

جاملتني فبارك الله فيك واقبل تحياتي .

...

لاهنت ,