المساعد الشخصي الرقمي

مشاهدة النسخة كاملة : مطلوب جمس ونيت (حوض) 2001 وطالع


قناص الجزيرة
08/12/2006, 01:46 AM
السلام عليكم

مابي اطول عليكم وبدخل في الموضوع على طول
انا ابحث عن ونيت جمس او شفر من موديل 2001 فما فوق و يكون دبل و غمارة او غمارة ونص حوض طويل 2500hd مكينته 6 لتر و لو كان 8100 يكون افضل بعد و يكون بحالة ممتازة و كل محركاته تعمل.

شكرا لكم
هاوي قصيده
08/12/2006, 01:56 AM
فيه موتر مثل موتري ..

لاقيت بالمعارض امس ..

اذا تبيه راسلني اعطيك وصفه ...

للمعلوميه تراه بمعارض الدمام ..موصيني واحد من الشباب ..على واحد مثله ..بس قال انه غويلي شوي ..فقلت افزع لك يا القرم
ابو مساعد 511
08/12/2006, 05:03 AM
لاوالله ماضنيت يحي 8100 في السعوديه يقلونه انه ممنوع
ياهاوي قصيده الله لايهينك ابيلي زي موترك رفارف وين احصله ؟؟
قناص الجزيرة
16/12/2006, 04:16 PM
لاوالله ماضنيت يحي 8100 في السعوديه يقلونه انه ممنوع
ياهاوي قصيده الله لايهينك ابيلي زي موترك رفارف وين احصله ؟؟

لا وانا اخوك ما ظنيت انه ممنوع لانه لو كان ممنوع بهدف الحد من التهريب والارهاب فهذا تصرف احمق وغبي لسببين:
1- الفرق بين ال 8100 و ال6000 في الاحصنة هو حصان واحد فقط ولكن الفرق الواضح هو في العزم والذي يعتمد عليه في السحب و التحميل وليس السرعة والتهريب. مع العلم ان مكينة 8100 اثقل من ال6000 مما يحد قدرته في التطعيس على الرمل.
2- لو كان الهدف هو شراء سيارة بمبلغ يفوق 110 الاف عشان ارهاب او تهريب وهي الونيت بمكينة 8100 فهذا غباء لانه بامكان اي شخص يشتري ونيت موديله 2000 او 2001 بـ30 و يسقط عليه مكينة 8100 بـ 15 من التشليح و يصير ما وصل نص قيمته جديد. او حتى يسقط عليه مكينة كورفت ويصير اقوى و اسرع.
هاوي قصيده
16/12/2006, 06:00 PM
اخوي مساعد الجمس الرفرف الجديد..

مايجي سعودي ...

الموجود بالسوق امريكي ..ومتوفر بمعارض الدمام

وشكرا
GMC79
16/12/2006, 09:05 PM
انا شايف ونيت 8100 في الرياض لكن ماظنيت انه سعودي لانه شفر

ومكينة 6ليتر اقوى من 8100 بحوالي ثلاثين حصان

والسبب ان جنرال موتورز في عام 2000م ابدلت محركات الجموس تبعها فبعد ان كانت
5000(بقوة 235حصان) و5700(بقوة282حصان)
و7400(بقوة320حصان)

اصبحت
5300(بقوة 280حصان)
و6000(بقوة300حصان)
و8100(بقوة 345حصان)

وفي عام 2005م
طورت جنرال موتورز المحركات 5300و6000
فاصبحت قوتها 345و379حصان على التوالي وتركت 8100 على حاله بقوة 345حصان

وانا سمعت ان محرك 8100 خاضع للتطوير وانه سياتي بقوة 476حصان

والله اعلم