هب البراد وزاان وقــت المطاليع..

[طلال مكشاتي]

السلام عليكم ورحمته الله وبركاته
*هذا اول موضوع لي بالمنتدى واهديكم قصيده بمناسبه الاجواء قامت تزين للشاعر نديم الجود وشفتها جزله واتمنى ان تنال على اعجابكم.



هـــــب الــبـــراد وزان وقـــــت الـمـطـالـيــع



وظـــــروف وقــتـــي مـاتــوافــق مــزاجـــي



ونجات من صوب الشمال الذعاذيع



تـــطـــري عــلــيّـــه ســجّــتـــي وبـتــهــاجــي



قـــبـــل امـــتـــداد الـعـولــمــه والـمــشــاريــع



والـجـو صـافــي مـاتـشـوف العـجـاجـي



والـصـيــد واجــــد والـزبــيــدي مـصـالـيــع



واللـي عـلـى يمـنـاي طـلـق الحجـاجـي



والــيـــوم والله لــــــو تـمـشّــيــت يـامـطــيــع



وقـت الوناسـه صــار ضــدّه ازعـاجـي



مـــن ذاق مـــن غـبــر الـيـالـي تــلاويــع



مــن كــل صــوب ايجـيـه هــمٍّ مفـاجـي



ومـن ذاق مــن حــب الـعـذارا قراطـيـع



يبطـي وجرحـه بيـن الاضـلاع لاجـي



وا جــادلـــي حــطـــة ثــــــلاث الـمـراقــيــع



مـنـهـن عـنــا قـلـبـي وفـيـهـن اعــلاجــي



يامطـيـع والله مـسـمـع الـهــرج مـاطـيـع



قلبي على المجمول صابه اخلاجـي




الـــتــــوقــــيــــع مـــــســـــاعـــــد الــــجــــلــــيــــدي

[قوافي ( أم نهار )]

عليكم السلام ورحمة الله وبركاته

حياك الله اخي الفاضل

صح لسان الشاعر واشكرك عالاختيار المميز

دمت بحفظك الله

تحياتي وتقديري واحترامي

[غايتي قربك]

صح لسان الشاعر

[طلال مكشاتي]

عليكم السلام ورحمة الله وبركاته


حياك الله اخي الفاضل


صح لسان الشاعر واشكرك عالاختيار المميز


دمت بحفظك الله


تحياتي وتقديري واحترامي


الله يحييك اخوي قوافي ويشرفني مرورك العطر..

[ولدالشهبا]

صح لسانك ياطلال👍👍

[أبوعبدالرحمن99]

صح لسانك و لسان القايل ،،،، و هذا المطلع متداول بين كثير من الشعراء و مما قرأت هذه القصيدة ، و لا أعرف شاعرها ،، و لعل الإخوة يفيدونا




الجو زان وحان وقت المـطـــالــــيـــع=الله يبارك في سهـــيـل وطلوعه
اشوف نجمه من ورى الضلع ابو ريع=وهلال غرا دوب كمل اسبوعـه
هب البراد وروحن الـــــذعــــاذيـــــع=والمرزم بلاهوبه اعلن رجوعه
وهذي طراة اهل القلوب الموالـــيــــع=اللي ولعهم تو ولــــــع شموعه
شعوان الاولاد الحرار القواطــــيــــع=كلن على صيد الــخـــلا طار شوعه
مشهاتهم خبتٍ نبـــاتــه تنـــــاويــــــع=متشابكٍ مع قحويـــانــه قشوعــــه
تلقى الحباري فيه درج ومواقــــيــــع=اللي ورى بعض المدارق خدوعه
تخشى من الحر النداوي مفاجـــــيــع=بالمخلب اللي كل خـــربٍ يروعــــه
ليا ابدع بها فرخ القرانيس تبــــديــع=شوفه ليا اثعى في ابرق الريش روعه
خطوا اشقرٍ جاله وجاله مشالـــيــــع=متبينن فعــلـــه علــىاول طلوعـــه
مع رفقة اللي يعرفون التسانــــيـــــع=ما يجهلون العلم شكلـــــه ونوعـــه
وشبيت نارك والنشاما مصالــــيــــع=وكلن يجيله للمعامــــيـــل فوعــــه
يمتعون النفس والعين تمـتـــــيــــــع=ودنياك يأبن آدم تراهـــــا متوعــة
البر فيه لضيقة الصدر توســــــيــع=لو ما حصل للرجل ما سد جوعــه
سج القدم فالبر فيها منــــافـــــيــــع=يكفيك من نسمة هبوبـــــه نفوعــه
اخير من يجلس يعد الاسابــــيــــع=وسط المدينه لو خذالــــــه قطوعة
ماهوب رابح لو يسوي مشاريــــع=ما دام حتى مـــا يـــــزاور ربوعه
لو يودع الاموال فالبنك توديـــــــع=من كثر صفقاته وكثــــرة بيوعـه
وانا بشوف البر ما اسمع ولا اطيع=ونفسي من قصور المدينه جزوعة
ترى هواي تجارة مالهـــا ريــــــع=موسع صدري ونفـــســي قنوعــة
ونجد العذا للقلب يمه مرامـــيـــــع=عليه جعل الغيث يكــثــــر هموعـه
وتساوقه غر المزون المهامـــيــع=وماها على هاك الدهاكل تزوعه
وقرارته فيها تزين المرابـــــيــــع=وواد الرشا ترعى الغوالي فروعه
لأهل الوفا ونسه وعزه وترفــــيع=اللي حياتي عشتهـــا فـــي ربوعه
للطيب عد وللمعرفه ينابــــيــــــع=وتروي عطش فكري عذوبة نبوعه

[ذيب الفقارة]

صباح الخير مشرفنا القدير

أسير النور

أعتقد أنها للشاعر

عايض التوم النفيعي

تحياتي

[طلال مكشاتي]

صح بدنك اخوي اسير النور وشرفني مرورك
بالنسبه لقصيده هب البراد وزان وقت المطاليع
لشاعرنا الفاضل مساعد الجليدي الحربي الملقب بنديم الجود

[طلال مكشاتي]

صح لسانك ياطلال👍👍
صح بدنك شرفني مرورك ،،

[ذيب الفقارة]

أخي الغالي

طلال مكشاتي

لم أجد من ينسبها إلى الشاعر نديم الجود

الكل ينسبونها للشاعرالتوم

تحياتي

[أبوعبدالرحمن99]

شكرا لكم جميعا ،،، و صح لسان الناقل و القايل ،،، بارك الله فيكم على التفاعل ،،
و دمتم بكل ود .

[ذيب الفقارة]

توضيح :

بالنسبة للقصيدة التي أوردها أخونا طلال مكشاتي والتي مطلعها

هب البراد وزان وقت المطاليع ....... وظروف وقتي ما توافق مزاجي

هي للشاعر نديم الجود (مساعد نافع الجليدي الحربي )

أما القصيدة التي يسأل عنها مشرفنا القدير ومطلعها :

الجو زان وحان وقت المطاليع ....... الله يبارك في سهيل وطلوعه

فهي للشاعر :

عايض التوم النفيعي

تحياتي

[أبوعبدالرحمن99]

يعطيك العافية على التوضيح مشرفنا العزيز ابو عدنان ،،، و شكرا لك ،،،
تحياتي