المساعد الشخصي الرقمي

مشاهدة النسخة كاملة : لعشاق الترهيم طلبتكم طلبة الرجال لا تردوني


ليالي المكشات
08/12/2006, 04:53 AM
عندي سيارة من نوع شروكي ودي ارهمها تعرفون وين القى الشباب الي يرهمون ترهيم على سنع
مغرز
08/12/2006, 05:21 AM
ورشة النويصر بالصناعية القديمة
ليالي المكشات
08/12/2006, 05:29 AM
الف شكر على افاتك يا مغرز لكن يا مغرز انت متأكد من شغل الورشة
هلال المطيري
08/12/2006, 06:26 AM
ياطويل العمر عندك محل توب أر بي أم تبع الزومان معروف على مستوا المملكه تلقاه في الرياض الدايري الشرقي مخرج 9 شارع عثمان بن عفان مقابل بلشرف وعندك محل التزويد في حي الملك فهد كلهم أختصاص شروكي
هلال المطيري
08/12/2006, 06:30 AM
نسيت لا أقولك تراهم شاركو في تحدي الهرم كلهم بشروكيات وعندك رجال في القصيم معرووووووووووووف ينقاله خليفه أختصاص شروكيات فقط وشعل عدل مايعدل شروكي ألا وفاز في سباق وأخرها فاز بتحدي الهرم بشروكي فئة 6سرندل
الرهدن
08/12/2006, 06:38 AM
السلام عليكم 00
تراي لك ناصح00 لاتقرب النويصر00 والله العظيم لم أرى أنصب وأغلى من شغلهم00
رح لأبن مرضاح00قد يكون فيهم غلا لكن أكثر مصداقية وشغل سنع00
وشف السيارات اللي عند بن مرضاح وشف اللي عند النويصر وقارن00
وأنا أكلمك من واقع التجربة مع النويصر00
الشاهد / رح لمن تريد بعد أخذ النصيحة لكن لاتقرب النويصر00


يسر الله أمرك وأي خدمة أنا مستعد00


.
رانجلر2000
12/12/2006, 06:35 PM
هلا اخوي

انصحك تمر ورشة البلوشيه اللي في حي المصيف

وتاخذ العلم

لانهم متخصصين في الشروكي


ولا عندك
واحد اسمة كرامه وهذا رقمة
0506441130
اسأل مجررررررربب
الطعس الذهبي
12/12/2006, 07:54 PM
والله انا اقول هج من الترهيم كله لانك وش بتستفيد
escape_man
13/12/2006, 01:40 PM
انا انصحك ترهم ترهيم خفيف لان الشروكي نشيط وميزة الترهيم انه كل يوم لك فكرة وكل يوم تحس انك انجزت وفرق معك الموتر.

يعني انجاز بدل ماتوكل شغلك وتستلمه جاهز وتمل من الموتر بشهرين.

ارفع الموتر بجلد او ربلات قدام وسسته بالخلف هذي الخطوة الاولى علشان مايدقر بشيء ابد ويطيح عزمه.

ركب مساعدات ولك خيارات متعددة من مورونوا وغيرها اهم شيء مناسب واقسى من المساعدات الستاندر الي عليه.

لازم ترفع القير بعد ذلك كم سنتي متر وهذا تبعا لرفعة البدي وارتفاع العمود معه.

طبعا الهدرز مايحتاج لان الشروكي على قولتهم مهدرز نفسه وجاي جاهز وهذا احسن مافيه.

دبة رياضية من النوع الجيد وخل عنك ان 200 ريال ودور لو صينية لكن تصميم امريكي معروف.

راح يطربك ومعادك موقع في بيت وهيلك.

جنوط جي تي 8 انش مع كفرا شاهين واذا انت متهور وقدها طق 10 انش تراها ارخص وقيمتها جديدة ب 1300 بينما 8 انش بـ 1500 .

اسلاك بواجي 9 ملم مع بواجي حقت ترهيم وهذي اسئل فيها محلات الترهيم,, هم ابخص.

فلتر امريكي اصلي بحول 300 ريال.

هذي بتخسرك من 5 الى 6 الآف ريال وتاكد قبل هالشغل من تصفية المكينة والتشييك على كهربة السيارة.

وعقب هالشغل كله تعال اقاومك بالريوس بالقطع عشرة حقي :)