تدبيل مساعدات بالرياض

[أبوخطاب]

السلام عليكم
حيا الله الجميع كل عام وأنتم بخير معي برادو 2006 وذبحني بالمطامر بالبر والنفود
استفسار بسيط .. وين ألقى محل تدبيل مساعدات أمامية بالرياض
لو يحصل واحد مجرب وراعي ذمة

[ابوعبدالله199]

ورشه مرات بالصناعيه القديمه

واذا تبي حل افضل

اشتر طقم يايات ومساعدات لفلز
وطامر على راحتك
وفك راسك من التلحيم والترهيم والحوسه

[أبوخطاب]

بوركت ي أبوعبدالله ..
لكن وين وصف ورشة مرات ؟ وواليايات والمساعدات اللي ذكرت وين ألقاهن ؟

[م.سعيد]

عليكم السلام..
يمدحون ورشة ابن مرضاح بالرياض..
معظم سيارات القنص للامراء يتم تعديلها عنده

[راعي الرود]

ورشة مرات على شارع بلقيس بالصناعيه القديمه جنب ميزان المجد وانت جاي من طريق الامير سلمان متجه غرب و جتك اشارة دوار الخرج ديور و ادخل ثاني لفه يمين و احسب رابع لفه يسار تجيك الورشه على يمينك بعد التقاطع ثالث او ثاني ورشة

انصحك مساعدات قويه بدون تدبيل عندك جبريال او مونرو او بلستين كلها ممتازة و تشد لك الموتر صح .. بيكفيك وزيادة بدال التدبيل

مقابل ورشة مرات فيه محل مساعدات خذ منه النوع اللي تبي

[هواوووي 666]

ورشة الخليج أفضل شي وهذا رقمه 0544344224

[مسير عليكم]

اخوي ريح راسك من الترهيم مساعدات استراليه او مساعدات مرنو رفلكس لونها فضي او مساعدات جبريل الترا القاسيه عندك اكثر من خيار من الشركات وكلها ابرك لك من التدبيل خصوصن الاسترالي

[أبوخطاب]

ما قصرتوا بارك الله فيكم جميعا