المساعد الشخصي الرقمي

مشاهدة النسخة كاملة : ياخوان دلوني على أفضل ورشة في السمكره


متفائل
08/12/2006, 05:53 PM
السلام عليكم


عاااااجلا

عندي الموتر فيه صدمه في باب الراكب


وابي واحد منكم مجرب له ورشة سمكرتهم حلوه وشغلهم ممتاز وسعرهم معقول يدلني عليها






(( في الرياض ))




لا تبخلون علينا




وجعلكم ماتحتاجون لها والله يبعد عنا وعنكم الشر
هويدي
08/12/2006, 06:04 PM
وعليكم السلام ورحمه الله وبركاته

الحمدلله على السلامه


ورشه الوفا بالصناعيه القديمه شغل نظيف بس غالين شوي
عاشق البران99
08/12/2006, 06:11 PM
أنصحك بورشة المملكة عندهم سمكرة رائعة جداً ماتفرقها عن الجديد أبد كذلك بويتهم رااااائعة لجميع السيارات والألوان من ناحية اللمعة والمطابقة للون ويعطونك ضمان 3 سنوات على البوية ماتتغير ( ماشاء الله تبارك الله عليهم ) وصلحنا عندهم سيارات واجد منها فورد كراون فكتوريان قالب يوم صلحوه لو يقول لك أحد انه مصدوم شكيت ،،،

لكن السعر عندهم أغلى من الوكالات ( لكن يستاهل ) واذا شفت شغلهم اذكر الله شي فوق الوصف ، كذلك الوقت عندهم يطولون في السيارة مايهملونها لكن شغلهم رااااكد ،،،

المكان : الصناعية القديمة على نفس شارع ميزان العضيب وعلى تقاطع ورشة شلنجر ،،،

اسأل أي واحد هناك راح يدلك عليها اكيد ،،،

ماتشوف شر ،،،
متفائل
08/12/2006, 06:17 PM
هويدي

و
عاشق البران 99

الله يسلمكم من كل شر وماقصرتوا يالذيابه

ان شاء الله باروح للورشتين الي ذكرتم وكلها في الصناعيه القديمه
وانتظر بقية الاخوان يعلمونا علشان يكون المشوار واحد

وجعل الشر مايجيكم
عاشق VXR
08/12/2006, 06:21 PM
السلام عليكم ورحمة الله وبركاته ...
اذا تبي وحده سعرها معقول وشغلهم زين في صناعية علي بن علي ( جنوب جامع الملك خالد ) رقم الورشة ( 26 )
واي ورشة تروح لها قل له يوريك السيارات اللي خلص مسمكرها وانت احكم ...
ابو مرام
08/12/2006, 06:24 PM
السلام عليكم ورش القصيم عندك ورشة الحنيني لتعديل بريده طريق عنيوه ولرش التويجري وترا سعرهم معقول
الطـرقي
08/12/2006, 07:30 PM
السلام عليكم وحمة الله وبركاته
او لشي الحمد الله على السلامة
ثاني شي فيه ورشة اسمها ورشة الميهدب شغلهم حلو وسعرهم طيب
وهم في الصناعية القديمة
مشكلتهم ياتخرون عليك
متفائل
09/12/2006, 01:51 PM
الله يسلمكم جميعا من كل شررر

اخوي عاشق البراان 99
ذهبت لورشة اسمها مركز المملكه العماله فيها هنديه حولها ثلاث ورش للعضيب . هل هي المقصودة او فيه وحده ثانيه ؟؟


واخوي الطرقي
وصف لي الورشه ؟؟
خيال نجد
09/12/2006, 03:02 PM
أخوي متفائل تحية طيبة وبعد :-
عليك بالصناعية القديمة ( دوار طريق الخرج ) وهناك ورشه شغلهم ممتاز ولكن السعر غالي ... مر عليهم وشف شغلهم

مركز وفاء

ت/4474747
هلال المطيري
09/12/2006, 03:08 PM
عندك ورشة السليماني في طريق المالك عبدالله وندك ورشت الغضيب في الصناعيه القديمه موالغضيب للميزان جنبهم فرع ثاني للسمكره وعلى كيف كيفك
ولد عبدالله
09/12/2006, 04:32 PM
لاتتعدى ورشة الوفاء
شغل مضبوووط ورشه مثل الوكاله

والله يوفقك ويكفيك الشر
الرهدن
09/12/2006, 10:36 PM
الله يكفينا وإياكم شر الورش00

أول ماتجي يقولون نبي نسوي ونفعل00
وإذا أخذت موترك دقق وتشوف00 وإن رجعت لهم شانت الأنفس00
هذا إذا ماقالوا لك 00 تراك ياخي موسوس:mad: لاتدقق بالحيل أو مرنا بعدين وإسمنا متوافقين00 الخ
الزبدة00
لاتروح لواحد تعرفه00

.
أبوطلال2007
12/12/2006, 08:08 PM
بعد التحية
عليك بورشة الوفاء .. وأنا أخوك .. وأسأل مجرب .. سيارتي كنت مطلعها وكالة وصدمها واحد عند باب البيت وأنحاش .. والله أني أنقهرت ذاك الحزه .. خاصة أني مامشيت عليها ولا خمسة الاف كيلو ... الشاهد أني وديتها لورشة الوفاء والشهاده لله أني كنت ناوي أبيعها مباشرة بعد ما أصلحها .. النفس طابت بعد الصدمة .. لكن يوم شفت السيارة بعد تصليح هل ورشة .. أن أشهد بالله أنها طلعت في نظري أحسن من الوكالة حتى أكبر شريطي ما يقدر يطلع فيها أي عيب .. ضمان شغل محترم وبويه مضمونه .. والله يوفقك .. ويكفينا وياك شر عيال الحرام ..
برعوص
12/12/2006, 08:36 PM
هناك ورشة اللمس الصناعية القديمة
عاشق البران99
12/12/2006, 08:57 PM
الله يسلمكم جميعا من كل شررر

اخوي عاشق البراان 99
ذهبت لورشة اسمها مركز المملكه العماله فيها هنديه حولها ثلاث ورش للعضيب . هل هي المقصودة او فيه وحده ثانيه ؟؟


صحيح أخوي متفائل نفس الورشة ومعلم السمكرة فلبيني والعمال هنود لكن شغلهم ( الصلاة خير من النوم ) والوصف :

أطلع مع مخرج 17 ولف غرب راح يجيك نفق علي بن أبي طالب بعده إشارة لف معها يسار وعلى طول لين تجيك ورشة شلنجر على يسراك بعد نهاية الورشة مباشرة لف يمين وراح تلاقي مركز المملكة على يسارك ،،،

وراح تلاقي عندهم كامري 2006 بحرية مصدومة مع الوجه :D وقفتها عندهم الاسبوع الماضي ( الوكالة قالو لراعيها شغل يد 4400 ريال والمملكة قالو 4500 يعني أغلى بـ 100 ريال لكن شغلهم أطلق من الوكالة بألف مرة ) ،،،

ولك رسالة على الخاص ،،،