المساعد الشخصي الرقمي

مشاهدة النسخة كاملة : جيب نيسان أرمادا ........طلب مشورة


السحاب الممطر
08/12/2006, 06:21 PM
السلام عليكم ورحمة الله وبركاته

سمعت أن جيب نيسان أرمادا موديل 2006 عليه تخفيض هذه الأيام
وقد أعجبني وهذا لا يمنع من اخذ المشورة من أهل الخبرة
هل هناك فرق كبير بينه وبين 2007 خاصة اني سمعت ان الماكينةأضخم....
وهل هو عملي من ناحية الدبل والبر .وماهي أهم مميزاته وهل فيه حساسات للكفر
وما هو اللون المفضل هل هو الأسود أو الرصاصي أو الأبيض.....
وكذالك لون المراتب البيج أو الرصاصي

أخي الحبيب شارك برأيك وأعني على الاختيار وفقني الله وإياك لكل خير
new1
08/12/2006, 10:38 PM
فيه هنا معلومات بتفيدك ان شاء الله

http://www.mekshat.com/vb/showthread.php?t=63505

وكم سعره الآن؟ وهل شكل 2007 مختلف

وشكرا
السحاب الممطر
09/12/2006, 05:59 PM
جزاك الله خيرا يا أخي new1 على هذا الرابط المفيد

أما من ناحية السعر فهو يتراوح ما بين 133000 إلى 125000 تقريبا

وليس هناك فروق بينه وبين 2007 في الشكل إلا في الماكينة سمعت أنها أكبر قليلا
خشكاري
09/12/2006, 06:17 PM
نصيحة أخو يالسحاب الممطر . . . إنحش عن الأرمادا . . .!!

والله ثم والله إنه يخرب واقف وإنك تبي تاخذ لك من حلالك عله . . .!!

إلا كانك ناوي تاخذ خبرة في صيانة ومشاكل السيارات فهذا شي ثاني . . .!!

نسيبي خذاه 2006 وهو إنسان موسوس محافظة على السيارات ومع ذلك بهذله وهو رايح جاي عالوكالة لدرجة إنه تمشكل معاهم آخر مرة ولو أقلك بسبب أيش بتهج . .!! الصوفه قامت تخر زيت . . .!!!!!!

ونسيبي يوم شاف السالفة كذا باعه وماقعد عنده 8 شهور . . وأخذ له يوكن 2007 الشكل الجديد . . .

حاول تسأل الناس إللي جربوه وتتأكد من كلامي . .

والله يكتب لك إللي فيه خير . .
خشكاري
09/12/2006, 06:20 PM
ولو تبيني أكلم بو نسب وأخليه يرص لك كل عذاريبه هنيا أنا حاضر وهو عضو هنا معانا . . .
smair911
09/12/2006, 10:27 PM
الاخ خشكاري والله اني مشاوف اشتريه ..
الله يخليك قل لنسيبك يعلمنا عيوبه الله يجزاك خير ..
salehhd
11/12/2006, 11:53 PM
السلام عليكم

حسب علمي مافي فرق بين الموديلين بالنسبة للمكينه كلها 5.6 لتر يولد 340 حصان

والسيارة ماسعنا حدى شكا منها ابد ومافي عيب سوى البريك وكان في عام 2005 وما ادري عن الجديد هل حلو المشكلة ولا لا

والافضل وانا اخوك توقف اصحاب الارمادا وتسألهم بنفسك عن السيارة

والسيارة ماتصلح للمطامر في البران مثل الباترول ولاكن للطلعات الخفيفة

ولا تنس الاستخارة فما خاب من اسخار

ولا تنس ان الموتر نيسان يعني ارقد وامن
السحاب الممطر
12/12/2006, 06:09 PM
الله يعطيكم العافية

لكن تبون الصراحة ازدادت حيرتي :looney:
عبدالله123
13/12/2006, 07:39 AM
الأخ السحاب الممطر

السلام عليكم ورحمة الله وبركاته

الأرمادا انا مجربه وله عندي سنه تقريبا ولله الحمد لم اجد منه مشاكل مكانيكيه مثل ما تفضلو الأخوان وهي المسئله توفيق من رب العالمين 0

ولكن المسئله انه غثيث بالسواقه ( الموتر جلف ) سواقة الصالون اريح منه بواجد بعدين ما ينفع للقصير مثلي ينفع لواح طويل شمحوط لأنك يالقصير تغيص ياله تشوف طرف الكبوت وانا الاحظ انه منتشر مع السواويق بكثره 00000000 ومن ناحية اللون فالدارج هو الاسود والابيض 0

وفي النهايه الرئي لك وحدك 000000

واتمنا لك التوفيق0000000000000
القويعي
13/12/2006, 08:15 AM
والله انا اشوف انه تمام وقوي جدا وعملي

وعلى حسب استخدامك بتكرفه بيخرب

واللون الي يصلح هو الاسود ثم الابيض
الاتصال السريع
13/12/2006, 08:55 AM
ياخي مبلغ (130000 ) ريال حسافة تحط في سيارة لم تزل في طور التجارب هذا المبلغ يجيب لك لاند كروزر 2006 وشيك في جيبك اضف الى ذلك رداءة الوكالة
نصيحتي لك انحش عن الارمادا
القويعي
13/12/2006, 09:08 AM
سعره 113 الف علي عرض
فتى التويم
13/12/2006, 03:06 PM
بالعكس


الموتر ممتاز جدا


وفي الخط ما يصرف


ميزته انه وسيييع بس ما فيه شنطه

وقوي

ورخيص
Vortech
13/12/2006, 08:48 PM
المـــــــــــــوتر وســـــــــــــيع مـــــــــــــره مره مره حتى اوسع من السوبر

ولكن الناس مهب راغبينه..؟؟!!! ولا ادري ليش....

مع انه فخم وقوووووي ودبل ومواصفات كثيره

ولكن ناقصه الثلاجه افففففففففففففف لو فيه ثلاجه.... هههههههههههه

في امان الله
Laser
14/12/2006, 08:48 AM
الموتر فكرة وصناعة امريكية..
المشكلة انه مرتين تدخل فيه البر ويبدأ يتخلخل ويبدأ يقرقش..
موتر اسفلت..جيد للعائلة الكبيرة..
شكله حلو واقل نوع منه اللي جنوطه داكن ارغب عند الناس...لأنه اجمل شكل..

انا ما أشتريه..
الجوزلي
14/12/2006, 07:06 PM
أنا من رأيي إن ألي عنده أرمادا يمدحه واللي ماعنده أرمادا يسبه ولاندري ليش يسبونه وهم ماجربوه أما أنا ماأسبه لأني ماأدري عنه شيء وإذا
تبي نصيحتي لاتجرب السياره إذا كنت براوي فعليك بالمجرب باترول أولاندكروزر وإذا كنت حضري خذلك صالون سوبر بان مع العلم إني كاره لأن الكهرب فيه عله وأحس إنه ماهو قوي مثل القديم
وةالله يوفقك ........
ولدالهلالية
14/12/2006, 09:52 PM
اسمع مني هالنصيحة وانت حر !!!!!!!
واحد من الاقارب فكله واحد جديد وكالة ، وهبل فيه ، الى درجة انه يوم من الايام يبي يروح للدوام الصبح وعيا يشتغل ، مما جعله يضطر الى انه يشحنه بسطحة ويوديه للوكالة ( وكأنه شايل ددسن 83 ) ، وكل يوم يطيح من عينه اكثر ، وبالنهاية باعه ، بعني ماجلس الا تقريبا 10شهور ...

لكن انا شخصيا كنت من المعجبين به جدا جدا ، والان انا معجب به في الشكل فقط ... والشكل مايفيد ...

نصيحتي هي : جيب لاندكروزر ، أو يوكون ... غير هالثنتين لاتدور .... شي تعرفه ولا شي تجهله وانا اخوك ..
تحياتي ....
الشيروكي
09/01/2007, 09:48 PM
انا احب انصحك ياخوي واحد اعرفه اخذ ارمادا كل يوم بالوكالة خصوصا الفحمات ما يكملن معه شهر يخلصن على طوووووووول ومشاكله كثيره لان الشخص يحب يبيعه من كثر خرباته