دبة غاز بريموس

[ابو بدر العتيبي]

السلام عليكم ورحمة الله
الله بالخير يالربع
وكل عام وانتم بخير
ومن العايدين
الله لا يهينكم ابيلي دبة غاز بريموس السويدي .وين القاها سمعت ان واحد يبيعها بسعر مناسب.110 ريال
من يفيدنا الله يرحم والديه

[خالد الخطير]

من السعر واضح انك تتكلم عن الـ ٥ رطل

طبعاً كان محل البرية يبيعها بـ ١١٠ ريال

ولكن حسب كلامهم انها خلصت !!

ممكن تلقى بالبيع شي منا ولا منا عند احد الاخوان

واذا مالقيت ،،

عليك بالايطالية :)

خذلك حبتين ايطاليه (٧) رطل

يكفونك بالطلعات

الاولى تشتغل عليها

والثانية احتياط وقت النكبه :D

[الشولة]

و عليكم السلام و رحمة الله و بركاته
فعلاً أخي الكريم محل البريه كان يبيعها و على كلامهم إنها خلصت من عندهم ممكن تحصلها بمكان ثاني أو قبل مده فيه احد الأخوان هنا في مكشات كان عارض مجموعة خمسة دبات بريموس و كانت على السوم ليتك تشيك على موضوعه في خيمة البيع و الشراء لعلك تحصل مطلبك.
الله ييسر لك أمرك

[تزبطي]

اﻻيطالي ابو خيمه
يورو كامب يقوم بالواجب واكثر
خذ جديد اضمن لك
نستخدمه من سنين زي الحﻻوه ماشاء الله

واتمنى لك التوفيق