إستفسار يالربع.. للخبرات ... (فقط )

[أبوطلال2007]

أخواني الكرام ..تحياتي العطره ..
إستفسار بخصوص إستخدام (الدبل) للجيب البرادو(6سلندر) موديل (2004)(vx)
كما تعلمون نحن الأن مقبلين على ربيع طيب .. والجو مغري هالإيام للبر .. ولكن وش حيلة الي مايعرف يستخدم الدبل ..
تكفون أرجو توضيح أستخدام الدبل بالتفصيل ؟؟؟:confused:
والله يرعــــــــــــــــــــــــــــــــــــــــــــاكم .،،

[Nawaf alrawaily]

هلابك اخوي ابو طلال

بالنسبة انا بقول لك نصيحة إذا ما كنت تعرف للدبل

اول شيء ابيك تروح إلى آي ورشة قريبة من عندك طبعاً ابيك تسئلة كيف تشغل الدبل وههو يعلمك الدبل الخفيف

والدبل الثقيل وبعد ما تعرف الدبل الخفيف من الثقيل يبقى الباقي علي . قلي وشلون

لأن الدبل الخفيف لة حزة ومتة بهالحزة تشغلة وكذلك الدبل القيل لة حزة تشغلة . يعني مو إذا طحت بغراز على طول

تشغل الدبل الثقيل لا هذا غلط ...

1 - في حالة انك تسوق السيارة في ارضية صبخة ووحلة وفيها طبع عليك بتشغيل الدبل الخفيف طوال فترة القيادة .

2 - في حالة تشغيلك للدبل الخفيف انصحك لا تتعدى سرعة 80 كم .

3- وسبب تشغيل الدبل الخفيف في الارض الوحلة هو يعطي تماسك للجيب عن الانزلاقات الارضية .

نجي هنا للدبل الثقيل

1 - الدبل الثقيل تشغلى في حزة واحدة هي حزة الغراز بس بشرط بعد ما تعطي فرصة للدبل الخفيف .

2 - إذا كنت تبي تعبر مجرى نهر للضرورة في هذة الحالة تشغل الدبل الثقيل بس هااة لا تنسى إنك تحط الجيب

بالثالث وهذا مناسب لة .

3- يستخدم الدبل الثقيل ايضاً في سحب السيارات الآخرى المغرزة أو المتعطلة في الوحل .

4- يستخدم الدبل الثقيل في حالة طلوعك لجبل شاهق أو النزول من الجبل لكي يعطي قوة ثبات لسيارة .

وارجوا بان تستفيد يا الغالي واسف على القصور

وتقبل تحياتي

اخوك

مكتف العقرب

[أبوطلال2007]

مشكور .. أخي الكريم : مكتف العقرب .. والله يجزاك خير ..
ولكن أناشد جميع أخوتي المساعده بقدرالإمكان..
ملاحظه القير (توماتيك)
ودمتم بعز وعافيه..،،،

[هاوي الله]

باختصار :

مدام السياره تمشي = الدبل الخفيف يكون أحسن
إذا غرزت ووقفت السياره = الدبل الثقيل

[أبوطلال2007]

هل أنعدم وجود الخبره في هذا المنتدى ..

[ابوسن]

زيادة على ماذكروه الشباب:

1- عند تشغيل دبل خفيف تساعد اليسياره في انها ماتحوص ،،،، خاصة في البطحاء ( طبعا لاتروح تجرب لانها يمكن تسوي كارثة اكبر من انها تحوص).
2. عندما تريد فصل الدبل ( خفيف او ثقيل ) يفضل أن توقف السيارة او خفف سرعتها لاقل من 20 كم.
3. اذا انت مشغل الدبل لا تلف الدركسون لاخر شي وتمشي بالسيارة لانه يعدم المفاصل (مدري وش يسمونها الظاهر اسمها الركب)
4. بعد استخدام الثقيل ،،، اكيد لا زم فصله لان الساره تكون ثقيلة.
5. اذا حبيت انك ترقا جبل او انحدار خطير يجب استخدام البل الثقيل من البداية يعني قبل ماتبدا الطلوع ،، ليش؟؟ لأن فيه فراغ بين الثقيل والخفيف ،،، والفراغ هذا حتى لو كنت معشق نمره بالقير العادي الا ان السيارة تكون كانها بدون تعشيق (عالفاضي). هذي اذكرها في الشيصان والحراثات .
6. ترا احيانا لا ينفعك لا دبل خفيف ولا ثقيل
7. سلامتك

[أبوطلال2007]

يعطيك العافيه وماقصرت ..،،