ادخل واعطنا رايك في البرادو

[ابو ريماس A]

السلام عليكم ورحمه الله وبركاته ياربع ابسوي مقارنه من ناحيه ايهم افضل وتكفون لحد يبخل علينا من جميع النواحي راحة الموتر وكل شي 1-برادو 2009 2-برادو 2014

[إبو محمد]

انا جربت الشكل الجديد
نشيط
متماسك
قير تماتيك عادي استجابته سريعه
ملاحظه بس في الزحمه والموتر يدحدر اذا دعست لازم ياخذ النمره الاولى
قيادته ممتعه
بس يعيبه مطبه شوي قاسي من ورا
فيه الاكتف تراكشن تشغله مع الدبل الثقيل انقذني من مازق تعلق الموتر
وهذا اللي يحضرني

وفي رأيي اذا بتاخذ جديد وشوله تفكر بالقديم فرق شكل وخمس سنوات ومكينه اقوى وقير افضل وشكله احسن
واذا تانكي كبير يصير جمعت اهم المواصفات

[Khalid-SS]

ممتاز وما عليه كلام
صديق لي عنده 2006 واعجبت فيه ويوم احتجت سيارة جديدة كان هو الخيار 2013

من الجيل القديم للجيل الجديد هناك تعديلات بسيطة على نظام التعليق وكذلك جعل الأداء اقتصادي أكثر
رغم أن لهم نفس المكينة والجيربوكس
النسخة الثانية من الجيل الجديد يعني 2014 وطالع تعديل لا يكاد يذكر على نظام التعليق لجعله مريح أكثر وآمن

العيوب (ما تعتبر عيوب ولكن ملاحظات)
- انه تويوتا يعني سيارة مرتفعة السعر وتجهزيات قليلة جداً
- اذا تم استخدام المرتبة الثالثة الشنطة تختفي (30 سم من تحت)

تجربتي
دالخل المدينة ممتاز ومرن وقيادته غير ممله ولفتة صغيرة، بالنسبة للمطبات مطبه متوسط وحسب تجربتي افضل من الباجيرو ولكن أقسى من التاهو وهذه طبيعة الياباني فهو أقسى من الأمريكي
وتفاجأت أنه أفضل من سيارتي الكابريس 2006 في المطبات والراحة

في البر: ليس لدي خبرة كبيرة كونه أول جيب امتلكة ولكن دخلت في بعض مناطق الرمال بدون اي اشكالية وبدون تعشيقات ولا غيره (2010 وطالع دفع رباعي مستمر) بينما كان يوكن مغرز نغريزة بنت كلب ما طلع منها إلا بمساعدة شيول. ولا أعتقد أن هناك حاجة للدبل الثقيل

انا انصحك فيه اذا حجمه مناسب لك خصوصا الجديد .. أما القديم ولّى زمانه

وهناك شيء آخر وهو أن أحد خبراء رحلات المناطق النائية في جنوب افريقيا علق على البرادو بأنه حقق التوازن بين القيادة في المدينة والقيادة على الطرق الوعرة أكثر من أي سيارة أخرى


تحياتي

[1-أبوماجد]

السلام عليكم ورحمه الله وبركاته ياربع ابسوي مقارنه من ناحيه ايهم افضل وتكفون لحد يبخل علينا من جميع النواحي راحة الموتر وكل شي 1-برادو 2009 2-برادو 2014
بتوفيق لك وهل التجربه بيساعدونك
تجربتي في البرادو قديم م 2000
يعلم الله ماذكر عطيتها بال ولا قلت بحافض
عليها من جرف لدحديره من شعيب لضلع
ونفود خفيف نفس يعطيك من عمره 7سنوات
بس زيت وكفرت مرتين وسيور مره
وقد بوش ادبل معي العصى وفصلت العمود
خليته ارباط للقعود وصرت على دبل زر بجب القير
وبستر الله سنتين على ذا الحال لين بعته تقصيد
مالقيت احد ياخذه
طبعآ سته سرندل قير تماتيك خليج مكان ينزل عن ابو جميل
مير القير ولا قد غيرت فيه شي
الي شراه مني يقول زيت القير اسود شرهتك على من عطاه بال
وهاذي تجربتي مع البرادو لو ماهو ضيق على العائله كان اخذت
من المديلات الجديده

[SNIPER07]

خليك مع الجديد افضل

من جميع النواحي ممشاه على الخط و قوة في البر بس يبيله اللي يعرف له مثلا : اذا كنت بالمدينة بفضل تكون مشغل زر 2 منور اول ما يفز بالثاني و لا راح تلاحظ في العزم شي اما بالبر لو غرز لازم غير منور
و اقرا الكتلوج حقه كامل تعاشيق الدبل و الانماط و راح يكون مثل الفرس بالبر يبيلك توجهها

[ابو معاذ5080]

انطعت شوري ابحث في مواضيع البرادو في منتدى تايوتا العربيه

[فارس العمور]

عيبه الاساسي سعره مبالغ فيه جداً