من يقدر يفيدني عن الجمارك

[maknoon]

اشتريت منظار ساكتون من بريطانيا عن طريق ارامكس واليوم كلمت ارامكس يقولوا وصل بس الجمارك صادروه. احد يقدر يفيدني ممكن اقدر استرجعة من الجمارك

[ابو كشتة]

نظاما مالك حق
وممكن لو تراجعهم يعطونك مخالفة او يحولونها قضية في حال ان وصف الشحنة مخالف لحقيقتها اما اذا مطابق مصادرة وممكن مخالفة
افضل حل الواسطة تلين الحديد والمواضيع الكبيرة تصير صغيرة والممنوع يصير مسموح

[maknoon]

بس انا سبق لي شحنت منظار و وصل لي بعدين المنظار عادي مو حربي او منظار خطير حق سكتون يعني ابو كلب قيمته 150 ريال

[الشيخ الظريف]

لا ما اظن فيه حاجه يا يعطونك اياه او يرجع للمصدر0المواطن لا يحيط بممنوعات الجمارك وهذا شيء عادي والمهم تابعه لكي لا يقع بيد احد لصوص الموظفين ويرغب بمصادرة حاجات الناس

[الهوى جنوبي]

الله يعينك والله تعقيد تنباع عندنا في المحلات واذا طلبتها من بره مممممنوع شوف التناقض الله يعينك راجعهم وما كنك تدري انه ممنوع وبالطلبات وتكفون ان شاء الله يفرجون عنه .

[maknoon]

وين اراجعهم انا بالمدينة واظنها اتصادرت بالرياض او جدة

[kASER-999]

الشغله مجازيه والله يعينيك... اتصادر علي دربيل نظر مابالك دربيل بندق

[999ابوصالح]

الله يعوضك خير
ومثل ماقال ابو كشته إذا عندك واسطة تزين أمورك
أو تكلم البائع إذا وافق يرجع السلعة ترجعها على حسابك ولكن دام قيمته 150 ريال
بتطلع أنت الخسران
لكن سجل فدا وكتب على القلب مغبون

[سامي 3000]

لا تتعب نفسك .... ولا تدور وراء .... اشتري ناظور من هنا افضل لك ..... تناقض

[ابو كشتة]

الشغله مجازيه والله يعينيك... اتصادر علي دربيل نظر مابالك دربيل بندق

كيف تصادر عليك وهو مسموح الا اذا كان منظار ليلي او فيه تصوير

[maknoon]

القهر انه سبق لي واشتريت منظار بندق وما اتصادر وصل لي وقلت شكل الحظر بس على المناظير الاحترافية والليلية

[هلال عيد]

اخوي تمر على مدير الامن الجمركي بالمطار وتسال عن اغراضك وتشوف سبب المنع هل الشحنه مقييد استيراده او مسموح اومطلوب شي اخر
اخوي انا موضف جمركي وبانسبه للدرابيل الكميات مقيده برخصة استيراد وبيان جمركي للترسيم واعتقد انها غير معفاه
انت قابل مدير الامن او رئيس النوبه حق الشحن واطلب من ارمكس ايصال الحجز لان الجمارك ماتحجز غير باءيصال
عشان تراجع الجمرك به ومثل ماقلت لك مايروح عليك شي اما اذا قالك مافيه ايصال حجز فاعرف اني الي صادر دربيلك هم الشركه نفسها وحطوه بظهر الجمارك والمصادره عند الجمارك لها شروط فا مستحيل تصادر دربيلك

[هارون97]

فية موظفين في الجمارك نفسة ردية انا امس جاي والرقعي صادر على ابرة ام خمس تخيل يقول ممنوع واخذاها جعلة مايربح

[Abdullah349]

أنا سبق وطبت دربيل ساكتون مثلك من بريطانيا وحاولت بشتى الطرق بس ما فيه فايده الله يعوضنا ويعوضك خير الجمارك نفسيات وهذا آخر عهدي بالدربيل يوم وصل الرياض
http://www.m5zn.com/newuploads/2014/10/12/jpg//94ad2f359d7621c.jpg (http://www.m5zn.com/out.php?code=15505466)

[صياد الخبر]

اخوي تمر على مدير الامن الجمركي بالمطار وتسال عن اغراضك وتشوف سبب المنع هل الشحنه مقييد استيراده او مسموح اومطلوب شي اخر
اخوي انا موضف جمركي وبانسبه للدرابيل الكميات مقيده برخصة استيراد وبيان جمركي للترسيم واعتقد انها غير معفاه
انت قابل مدير الامن او رئيس النوبه حق الشحن واطلب من ارمكس ايصال الحجز لان الجمارك ماتحجز غير باءيصال
عشان تراجع الجمرك به ومثل ماقلت لك مايروح عليك شي اما اذا قالك مافيه ايصال حجز فاعرف اني الي صادر دربيلك هم الشركه نفسها وحطوه بظهر الجمارك والمصادره عند الجمارك لها شروط فا مستحيل تصادر دربيلك



السلام عليكم


تعقيب اخونا هلال فند كل شيء ..


ليس ساكتين ؟؟


سواء كنت بالمدينة او بالرياض او بالدمام


اذهب للناقل اراميكس وخذ منه العلم ليه انحجز وعطني الوصل !!
صحيح بتتعنى للرياض على شي اقل من قيمة عنوته لكن لجل تحط النقط على الحروف
وتعرف ليش توقف .. مستقبلا لما تجي تطلب شيء معين تعرف الي لك والي عليك


اسأل الله ان يسخر لك الحديد والعبيد


وان يرد لك حلالك



بالتوفيق

[الهوى جنوبي]

غريبه ارامكس ما تشحن دربيل البندق لأنها من الاشياء الممنوع شحنها .
راجع موقعهم على النت في قائمه بالممنوعات