بعد هذه القصة هل التصوير نعمة أم ....

[عاشق الكيف]

السلام عليكم و رحمه الله و بركاته

ما أطول عليكم لقيت أخوي الصغير أمس بعد صلاة العشاء ضايق
صدرة سألته ليش قالي صديقي .... حصل له حادث و رحت أزوره
بالمستشفى يقول ...... لما صار الحادث العالم تجمعت كلهم يصورني ب
الجوال :no: :no: و لا واحد أتصل بالإسعاف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا ما راح أعلق أترك التعليق لكم ؟؟؟؟

[بوفايز]

و عليكم السلام:

اخوي عاشق الكيف الله يفك ضيقة صدرك وصدر اخوك ومن يعز عليكم والله يشافي صاحبكم والله يهدي الناس اللي تدور الفرجة بس واللي حصل لصاحبكم اهون من غيره. ناس صار لهم حادث ومعاهم حريم وبنات. اللي وقفوا ما وقفوا يساعدونهم وقفوا يصورون الحريم والبنات وانت تعرف كيف تصير حالتهم وقت الحادث وكيف بعضهم ينكشف سترهم. الله يستر علينا وعليكم ولكن في ناس مافيها خير الله يبعدنا عنهم.

بوفايز

[فايز العامر]

الله يرحم الحال..

مرة من المرات حضرت حادث إنقلاب لخمس عمال (أعاجم) في الشرقية، وكانوا هم وسيارتهم طايرين ورى شبك الطريق، جيت والعالم متجمعين قلت يمكن يحتاجون شي أبي أوقف وأقدم اللي أقدر عليه، والمصيبة يوم نزلت ورقيت الشبك وجيت العمال المتسدحين (كل واحد في جهة) وكلهم مصابين، ولا واحد من اللي واقفين ساعدهم أو سألهم إذا يبون شيء،، واللي رفع ضغطي وهو الشاهد من الموضوع أن فيه واحد من المصابين طاير بعيد شوي، وعنده واحد من المتجمهرين واقف، ورحت أبي أشوف وش عنده، إلا وألقى الخبيث واقف فوق راس العامل ويصور والمسيكين العامل يستغفر ويقول، حسبي الله لا إله إلا هو عليه توكلت وهو رب العرش العظيم (واضحة جداً وكأنه عربي)، والله أني بغيت أتوطى ببطن اللي قاعد يصور،،،
بس خويكم ماقصر معه...





رعاد...

[أعالي المزن]

السلام عليكم ورحمة الله وبركاته
إخنه في البحرين نفس الشيء انحب التجمهر ، ولين صار حادث أول سؤال يتسائلون عنه هو " ها في أحد صاده شيء ، المشكلة يقولونهه بدون قلق ولكن طماشة ، بس في نفس الوقت فيه اهتمام ، لا زم تلقه واحد اتصل بالإسعاف ، وعلى فكره الآسيويين عندنه نحترمهم أكثر من إحترام الخليجين لهم ، و بالنسبة للتصوير فإن الداخلية منعت تصوير الحوادث .

و أخيراً أقول للذين يصورون هاذي الحوادث تخيلوا لو كان الحادث لأخوك أو والدك أو أهلك أو عيالك ، تخيل نفسك منسدح على الشارع وفي نفس الوقت واحد واقف يصورك وانت قاعد تتألم .

المسألة لها علاقة بقوة الإيمان من عدمه