استشارة بأفظل سلك للبطارية الاضافية

[مجنن الوبران]

بسم الله الرحمن الرحيم

السلام عليكم ورحمة الله وبركاته

بغيت استشيركم بأفظل سلك لتمديدة بين البطارية الاساسية والبطارية الاضافية

مع العلم ان البطارية الاضافية مكانها بشنطة السيارة ويبيلها سلك على الاقل 10 متر

ما اقدر احطها بالكبوت مافيه مكان لها ابد حاولت بكذا طريقة وبدون فائدة

مالي الا الشنطة

فياليت الي عنده خبرة بقوة اسلاك التمديد ووصول الشحن عن طريقها بالوجه المطلوب يدلنا عليه

[Abukhaled-503]

وشو موترك ؟ السلك ١٦ مل

[مجنن الوبران]

موتري قراند شروكي

وياهلابك ابو خالد

[شيخ الرعوجي]

السلام عليكم

السلك الأساسي بين البطاريتين لابد يكون 16ملم
وللتمديد للثلاجة منن الإضافية لابد يكون 6ملم
وللتمديد للإضاءة عادي جداً يكون 2ملم أو 4ملم إذا كانت أكثر من لمبة.
# ملحوظة:
السلك بشكل عام لابد يكون ناعم خاص بتمديد السيارات يختلف تماما عن المخصص للمنازل وذلك للحفاظ على قوة الجهد للبطارية.
دمتم بخير

[الاشهب 507]

سلك مكينة لحام
35 ملي وتوصله
ميه في الميه منغير
مقاومه وخذ مدين تايون
ممتاز جدا بس في شغله
المتر الواحد ب 10 ريال
وناعم ويوصل توصيل كامل
وقوي جدن بس ضبط الشطر طون
صح وتوكل على الله وحازل تحصل
مكان توصل فيه سلك من سلك مكين
الحام. إذا زاشي توصل من السالب
في البودي علشان تقوي كهرب السياره
واسلاك التأريض وترا فيه 50 ملم إذا حصلته
افضل وامتن صح سعره غلي شوي
لكن تراه يستاهل سعره
أنا اكلمك من تجربه سواء في تبديل اسلاك
البطاره لموتر او الاشتراك وممتاز جدا
وفيه موضوعين قريته لاخوي كبسولة 2
هو الي دلنى عليه من مواضعه المميزه
الأشهب 507
الأشهب 507

[مجنن الوبران]

ياهلابكم جميعاً

معلومات قيمة صراحة لي

وانتبهت لنقطة معينه الي هي السلك لا بد يكون ناعم لاني ناوي اركب اسلاك عادية من حقات تمديدات كهرب البيوت


ان شاء الله ابحث عن السلك بمحلات القطع واحصلة


والف شكر مره اخرى لتواجدكم وردودكم

تحياتي للجميع

[الاشهب 507]

لا لا ماراح تحصله في
محلات القطع
تحصله في محلات مواد البناء
والكهرب كله سلك مكينة لحام
الأشهب 507