استفسار عن حداد ممتاز في الرياض

[الفرم]

السلاك عليكم ورحمه الله وبركاته
احب ان اعبر عن سعادتي بمشاركتي في هذا المنتدى الراءع
واول مشاركه لي هي استفساااار

عندي سياره تويوتا باص قديمه معاد فيها حيل تشتغل ابي ابيع معداتها واقلبها صندوق متنقل واحطه ع عربة جر يعني غرفه واسحبها ورى سيارتي ابي الله يجزاكم خير ورشه تفكفك لي السياره وتفصل البدي عن الحديد ثم اركب تحتها كفرات واجرها ورى موتري

ابي منكم اسم ورشه
واسم حداد يركبلي كفرات للبدي

وشكرا لكم

[Obu-Nasser]

السلام عليكم
بالنسبة للحدادين نادر تحصل حداد يفهم لان اغلب اللي بالسوق تعلموا فينا يعني ماعمره لحم صيخين في ديرته، واذا جيت تبي تشتغل تحصلهم مايفهمون و يدوخونك عشان تفهمه كيف يشتغل.
احرص انك تكون عند الحداد وهو يشتغل وتتابعه بنفسك ترى بعضهم يلحم لحام مش حالك.

[ساقان]

الافضل للغرفه اربع كفرات والشاص عند القص راح يكون كفرين والحمل يبي يصير على الهوك ثم يصعب سحبه والافضل لك تبدا بداية صحيحه

[GMC89]

انامن رايي تشيل المكينه و القير وتفضي الموتر من داخل وتشيل الديكورات و الدركسون وكل شي يعني تخليه فاضي من داخل صن توديه لاي حداد يركب لك صاجات فالموتر من داخل بحيث انه يسكر محل القزاز الامامي والقزاز الجانبي ويلحم الابواب ويترك لك الباب اللي ورا ومن الجنب يفتح لك دريشتين من كل جنب كل دريشه ٥٠سم* ٥٠سم
و الدرايش تلحم عليها مفصلات عشان تفتحها و تسكرها على راحتك بعدين ادهنه بويه و مدد له انوار خارجيه

[الدوسري2010]

حدد موقعك لكي يفيدونك الاخوان