المساعد الشخصي الرقمي

مشاهدة النسخة كاملة : إستفسارات حول ونيت الجمس موديل 96


فـــــلاح
10/12/2006, 12:45 AM
تحية طيبة يا النشاما


وشلونكم


عساكم بخير


، ،


أبشركم إني شريت جمس موديل 96


دفرنسين دبل مكينه 350 ماشي 250


، ،


قبل كل شي أبي كل واحد يعطينا سعره إللي يتوقعه عشان أشوف


وأبي سلمكم الله تعطوني أفكار حلوه أركبها وأسويها بالموتر إللي شريت


، ،


المواصفات التكميلية الموجودة بالسيارة للمعلومية هي :


كفرات شاهين / جنوط شنبر / والباقي شد بلاده


، ،


وش فيه أفكار حلوه أسويها يا اهل الجموس


عطونا رايكم تكفون وإليا قلت تكفون لا تخلوووووني


، ،


أيضاً فيه بعض المشاكل الموجودة بالسيارة


سلك الجلنط مقطوع ( علاجه سهل ما اختلفنا سلك جديد )


طيب عندك الفرامل ما تمسك إلا اذا دعست عليها للآخر


وعندك الكفر الخلفي بعد الـ(100) يبدأ يرج ، هل العيب في الجنط وإلا يبيله ترصيص


والمشكلة الكبيره هي ( تهريب زيت من عند عصا القير ) هل هي جلد ووجه وإلا وش السالفة ؟


عطوووووووني حل يا النشاما


، ،


وبغيت آآآخذ شوركم بغيت أركب ( سدة ) وش رايكم تصلح للموتر وإلا لا


وهل هي تضر الموتر وإلا ما عليه خلاف


، ،


وأدري إني طولت عليكم ، بس أنتم كريمين وأنا أستاهل جعلي ما أخلى منكم


أخوووووووووووووكم


فلاح
.أبوعبدالرحمن
10/12/2006, 01:04 AM
اخوووووووووووووووووووووووووووووي

فلاح

بالنسبة للسعر مالي خلفية في الامريكي

اما من ناحية الافكر

ركب عقرب على الصندوق وتانكي مسح وبطارية اضافية للانوار واللمبات لان بطارية الجموس دائما نكبة

وركب كنود وما جلان


اما بالنسبة للسدة ان ارى انه ماله داعي اصلا صوت الموتر ما شاء الله تبي تركب سده بعد


وترى السده فيها اذية للمسلمين


ايه صح نسيت اقول لك الله يعطيك خيره ويكفيك شره

اخوك محب الباري
هاوي الله
10/12/2006, 02:18 AM
أهم شي :

طرمبة بنزين + سير مكينه = احتياط ( اسبير )
GMC79
10/12/2006, 04:42 AM
بالنسبة للتهريب لاتقلق اتركه لاتصلحه ترا تبلش شيك على زيت القير كلما غيرت زيت المكينة
هويدي
10/12/2006, 07:55 AM
الف مبروك الموتر الله يعطيك خيره ويكفيك شره

بس نصيحه ونا اخوك بد الاشياء الاساسيه بالموتر وبعدين كمله بالاضافات

ومن ناحيه السعر على حسب نظافته وغالباً اسعارها تتراوح مابين 23 الف الى ثلاثين والنظافه تحكم

كان معي اخو موترك 97 كان يخطب مني بثلاثين ومن بعد الخطبه الموتر بدا يطلب وتعبت ونا اصلح وبعته بـ 23 بخراباته بالصيف

الخرابات تهريب زيت القير يحتاج وجيه والسبب كنت طايح براعي مشحمه نصاب حسبي الله عليه كل ما مريته قالي ناقص وزاده الين اعدم الوجيه شيك على زيوت الدفرنسات والقير واحرص على عدم الزياده لانها هي اللي تسبب التهريب وان شاء الله ما عليها خوف مثل ما تفضلو الشباب بس اهم شي لا ينقص واجد

وخربت على روس العكوس الاماميه بسبب اهمالي للمساعدات كانت متفقعه والموتر وجهه يهابد لين جيمت علي وغيرتها عند مخرطه بمستعمل بـ 800 وبعد كم شهر بدت تطقطق

والسده صوتها مزعج وتخليك تفجر الموتر وتكسره ولا لها ظرربس ما انصحك لو بغيت صوت حليو خذلك دبه سعوديه نص تفريغ وركبها مكان دبه الوكاله بيطلع صوته طرب

وعلى طاري الدبه عندي دبه الوكاله اذا تبيها تفرغها وتركب وعندي هنقلين بطربال اسود وصندوق عده بقفل يثبت ورا الغماره اذا لك نظر راسلني على الخاص ومالك الا طيبه الخاطر


واي استفسار حاظرين

اخوك الصغير هويدي
فـــــلاح
10/12/2006, 03:00 PM
بارك الله فيكم جميعاً ، ولا عدمتكم


بس من إللي يقول لا تصلح تهريب الزيت ؟؟

وشلون ما أصلحه ، أجل أخليه يهرب وبسسس !!!!
GMC79
10/12/2006, 09:36 PM
بارك الله فيكم جميعاً ، ولا عدمتكم


بس من إللي يقول لا تصلح تهريب الزيت ؟؟

وشلون ما أصلحه ، أجل أخليه يهرب وبسسس !!!!
ياحبيبي لو كل ما ندّى بتصلح تتعب وكل السيارات تهرب زيت اما من المكينة او القير وهذا شيء عادي مع ممشى 250 الف وانا سيارتي يهرب القير من 150الف كل 4 شهور ازيده

احرص على الزيوت شيك عليها واللي ناقص زده وبس
ابونايف2200
11/12/2006, 09:58 PM
السلام عليكم
فيه اشياء اساسيه لازم تغيرها علشان ترتاح منها الدينمو ,طرمبة المويه ،طرمبة البنزين واسعارها ورخيصه وفيه سلك الدبل تراه كهرب ويتعطل اذا تقدر تشتريه سعره 450 تقريبا اشتره وخله معك احتياط وتركيبه سهل بس لازم يكون معك مفك مختوم 32 او تروح لورشة الكليب شارع الجمعيه عنده خابور مرهم لو فصل عليك الكهرب تركب الخابور في حالة الطوارئ اسئل عن عبدالعزيز الكليب في الورشه ويعلمك عن الخابور وبالنسبه للصندوق اذا ماهو مدبل مر ورشة النويصر جنب الكليب وخلهم يدبلون الصندوق لان مسامير شد بلد تتكسر دايما
وبعدها نم بأذن الله
تحياتي
ابونايف2200
11/12/2006, 10:01 PM
:good: السلام عليكم
فيه اشياء اساسيه لازم تغيرها علشان ترتاح منها الدينمو ,طرمبة المويه ،طرمبة البنزين واسعارها ورخيصه وفيه سلك الدبل تراه كهرب ويتعطل اذا تقدر تشتريه سعره 450 تقريبا اشتره وخله معك احتياط وتركيبه سهل بس لازم يكون معك مفك مختوم 32 او تروح لورشة الكليب شارع الجمعيه عنده خابور مرهم لو فصل عليك الكهرب تركب الخابور في حالة الطوارئ اسئل عن عبدالعزيز الكليب في الورشه ويعلمك عن الخابور وبالنسبه للصندوق اذا ماهو مدبل مر ورشة النويصر جنب الكليب وخلهم يدبلون الصندوق لان مسامير شد بلد تتكسر دايما
وبعدها نم بأذن الله
تحياتي
فـــــلاح
12/12/2006, 12:33 AM
ما قصرتوا ما قصرتوا

ها وش بعد عطوووووووووووونا