منظم رفيق الدرب / استفسار

[مجنن الوبران]

بسم الله الرحمن الرحيم

السلام عليكم ورحمة الله وبركاته

اخواني بغيت اسألكم عن جهاز منظم الشحن رفيق الدرب

http://travelmate.com.sa/str/image/cache/data/4%20Elec%20Equip/IMG_4899-250x250.JPG

عندي اللمبة الزرقاء تأشر وتطفي ورى بعض زي الفلشر

ما ادري هذا معناته البطارية الاساسية قاربت على الشحن كامل او فيه عطل بأحد الاسلام

مع اني مشيك على جميع الاسلاك كلها تمام


بأنتظار الي جربو الجهاز يفيدوني

[الاشهب 507]

أنا عندي سؤال لك
إذا سمحت لي
هذى المنضم
كم سعر تقريبا
وهل هو ينضم
كهرب السيارت
ام ينظم بين البطاريتين
واسف لخروجي عن الموضوع
وشكرن لك مقدمن
الأشهب 507

[أَبوابراهيم]

أنا عندي سؤال لك
إذا سمحت لي
هذى المنضم
كم سعر تقريبا
وهل هو ينضم
كهرب السيارت
ام ينظم بين البطاريتين
واسف لخروجي عن الموضوع
وشكرن لك مقدمن
الأشهب 507
ينظم بين البطاريتين

[الاشهب 507]

شكرن لك
ودي اركب
واحد بس ماحصلة
إلى ينضم كهرب
السارة كل هم بين البطاريتين
خلا لانخرب على الرجال موضوعه
ونخبط افكاره اعتذر منك ياصاحب
الموضوع
الأشهب 507

[مجنن الوبران]

هلابك الاشهب

هذا منظم شحن للبطارية الاضافية

اذا عبت البطارية الاساسية وصارت فل شحن يصير يشحن الاضافية

ومجرد تطفي السيارة يقفل الجهاز الكهرباء مايخليها ترجع للبطارية الاساسية

=============

وياليت احد يفيدنا بخصوص اللمبات الي ذكرت فوق

[sameer_1798]

اضائة اللمبة الزرقاء يعني الان يشحن البطاريه الاحتياطيه وبمجرد امتلائها تنطفي اللمبه وتجلس اللمبه الحمراء فقط لمراقبة الشحن .
ايضا لو اللمبه الزرقاء كانت شغاله يشحن والسياره مطفيه واستهلكت انوار السيارة من الرئيسيه اول ماتنخفض كهربة الاساسية يفصل شحن الاحتيطايه يعني بتطفي اللمبة الزرقاء عشان ماتتفرغ البطاريتين
لكن اذا كانت تأشر ما ادري والله بس انت تاكد انك موصل كل الاسلاك مضبوط ومافيه شيء مرخي أو عندك مشكله في سرعة المكينة او الدنمو تأكد انه يعطيك كهرب فوق 12.8فولت

[سليمان VIP]

عندي منظم النوع الازرق واللمبة الزرقاء اذا هي تطفأ وتشتغل معناته يوجد مشكله
قد تكون البطاريه الإضافية فيها مشكلة ولا تقبل الشحن
جرب تفصل اصبع البطارية الاضافية وتوصلها مع بطارية أخرى وشوف الوضع يتغير عندك او لا

[الصيادالمليح]

لو تتصل على مؤسسة رفيق الدرب وهم يعطونك المعلومات الصحيحة

[أبو نجد 1]

قد يكون الخلل من الدينمو
لانه اللمبه الزرقاء تعني ان الدينموا بدا يشحن الاضافيه اذا كان الدينموا ممتاز
شيك على البطاريه الاضافيه
اذا كان كلهن شغلات اشبك الجهاز في سياره ثاني اذا بدت تشر اللمبه الزرقاء الخلل من المنظم اذا اشتغلت بشكل مستمر (طبعن ما تشتغل الا اذا شغلت السياره)
رجعه للسياره الاولى ووصل سلك مباشر من السالب للسالب

علمنا وش يصير معك

[مجنن الوبران]

ياهلابكم جميعا

واشكركم على ردودكم وملاحظاتكم

المشكلة عرفتها وطلعت من الدينمو حق السيارة

فحصته عن كهربائي على على جهاز والكهرب الي يطلع منها ثابته وضعيفه وحتى يوم ادعس بنزين ماتزيد الكهرب ابد

ولا يرتفع انبير جهاز الفحص

والكهربائي قال الدينمو ذا مابيطول ومايعطي كهرب زين


علشان كذا اللمبة الزرقاء كانت تأشر عندي وهي الدينمو كان يعطي كهرب ويرجع ينخفض واللمبة مثل الي يقول

هاه وصلت كهرب 13 فولت لا ماوصلت :D

وقامت تأشر

الف شكر لكل من تواجدك هنا لا عدمناكم وبيض الله وجيهكم