جيب عشه 83 مكينة لكزس ls400

[copeh]

×جيب عشه 83 مكينة لكزس ls400

السلام عليكمي
يااخوان عندي عشه موديل 83 مرهم له مكينة لكزس ls400 في الامارات
القير 4 نمر حق البلد مع الدبل
وللاسف الشغل طلع مشي حالك وابغى اعيد الشغل من جديد
بعض الاسئلة احتاج اجابة عليها
ماهو الحذاف المناسب×
ماهو الصحن والدسك المناسب
هل هناك بليته جااهزة ام يحتاج تفصيل بليته
الهلالات فيها صوت في الدفرنس الامامي والخلفي هل يحتاج اغيرها ولا بتخدم معي
فيه صوت حنه في القير طلع بعد الترهيم مدري بسبب نقص الزيت او بسبب شيء ثاني
هل اغيره ولا اخليه الين يطق واغيره
ياليت الاجابة على الاسئلة السابقة مع الاسعار ان امكن
لاهنتم جميع
ملاحظة خبرتي قليلة في الترهيم وعشان كذا غشوني الورش في الامارات

[باوزير]

اذا تقدر ركب مكينة تويوتا مع القير و الدبل

[copeh]

انا قد ركبت اللكزس والموتر ليس للتطعيس بل للكشتات والسفريات

[مدهوش]

تواصل مع بدر الحمد من اهل الزلفي وراح يوردك الماء باذن الله ويعتبر من اشهر الناس اللي اشتغلو بشد مكاين اللكزس

معلومة / لا تربطني به علاقه ولو اشوفه ما عرفته لكن شفت شغله مرارا ومرارا ترتيب طيب وشغل نظيف

بالتوفيق

[هويدي]

عندك ابويارا بالرياض وعبدالعزيز الحبيب

اذا تبي ارقامهم راسلني على الخاص

[copeh]

لا زلت انتظر الاجابة عن الاسئلة

[حان الرحيل]

انا انصحك...تتوقف عن هدر اموالك بدون فايده....
با اخي العزيز التعديل والترهيم ..يقوم به فءتين من التاس فقط الهواه الذين لديهم خبره ودرايه بهذه المواضيع ويعرفون العزوم والتسارع والقوه والمواصفات والمكاين والاكواد للمكاين وقوة الجر والعزم ونوع القير والدفرنسات وانواعها وامور فنيه كثيره لا يعرفها 95%من مستخدمي السيارات ...وهذا علم بحد ذاته ...انه يلزمك ان تكون لديك درايه بالدفرنسات وانواعها والبنيون الخاص بها وكم يتحمل دوره بالدقيقه ...فيه2000 دوره وفيه 15000دوره......وهكذا
2-الصنف الثاني من لديهم الاموال الكافيه ولديه الرغبه في ايجاد شي ليس لدى الاخرين...مثل موتر قديم 65 مثلا بمكينه 500حصان مثلا.....وهذي تكلفتها تفوق ال400الف ريال احيانا....يعني رغبه شخصيه طالما لديه المال.............
اذا كلنا ياعزيزي نرغب في التغيير ونرغب في التميز....لكن يمنعنا العقل احيانا من تنفيذ رغباتنا يا خوف من الله من اتلاف المال فيما لايفيد او قلة مواردنا الماليه......وبحسب بعض الخبرات لدي...انصحك..بالتوقف والله يعوض عليك....اترك ابو عشه فقد انتهى زمانه.....او اذا كنت مصر فركب له مكينة لانكروزر 6 سلندرات ..لاندكروزر....وراح تكلفك حدود 20 الف بالتجهيزات كامله....لكن عندك القر والدفرنس ..ما راح تعطيك المكينه كامل قونها بدفرنس العشه وقيرها......اسف على الاطاله وتقبل نصيحتي بصدر رحب فكلامي ليس موجه لك انما لنفسي ولجميع اخواني هنا......

[copeh]

اشكرك على الرد
لكن انا الان في مرحلة اللاتوقف فقد خسرت الكثير ومابقى الا القليل
اما مسالة العشة راح زمانه فانا اعارضك بهذه النقطة
الموتر الوحيد الذي اثبت وجوده اكثر من 30 سنة ولا زلنا ندخل بها اماكن تعجز عنها السيارات الحديثة

اما مسالة الدفرنسات اتوقع اتوقع انك لم تمر بتجارب سابقة لهذا الموتر
ابحث في النت وسوف ترى انه 90 % من الاجانب يرهمون مكاين امريكي ولم يواجهو مشاكل في الدفرنس
غير اثنين من اخوياي واحد مركب مكينة تاهو على قير ودفرنسات البلد ولم يواجه مشاكل
والاخر دينالي ولم يواجه اي مشاكل

ننتظر المزيد من الاراء