افيدوني الله لا يهينكم .

[صقر شمر .]

السلام عليكم و رحمة الله و بركاته .
انا جديد و مبتدئ بعالم الصقارة .
و أبي اهل الخبرة ينصحوني وش نوع الطير الي اشتريه و وش اوصافه .
و ايضا وش احسن سوق للصقور بالسعودية يعني اكثر منطقة يمدحون سوقها بالصقور ..
و شكراا .

[سعود العنزي1]

وعليكم السلام ورحمة الله وبركاته

مرحبابك بعالم الصقاره
انصحك ي خوي بالوكري

[صقر شمر .]

اشكرك اخوي سعود لكن اقصد اوصاف الطير طوله و عرضه و شمالي ولا سوداني و لا ايران و هناك و وش افضل سوق للصقور يمدحونه .

[ابوخالد--]

خذ لك شمالي هو طير الديره واما المقاس مفتوح من التبع لين الوافي وعليك بالقرناس البيتي الصايد ابو طبوع زينه
حاول تشتري من رجال عن طريق معرفه،،و افضل انك تخاوي صقاقير تعرفهم عندك بالديره بتتعلم اسرع معهم وعن طرقيهم بتلقى لك طير مشروط
والله يوفقك و فالك الخرب

[صقر شمر .]

اشكرك اخوي ابو خالد و ماقصرت و الله يرزق الجميع .