ارجوا الافادة خزان الوطني

[مرير الشوق]

السلام عليكم ورحمة الله وبركاته :)
.
.
.


اخواني مطلوب موقع المحل اللي يبيع خزانات وتانكي الوطني بالرياض

علماً بانه مطلوب تركيبه بـ جيب لاندكروزر 2007

انا افضل ان يكون واقف ..

على العموم مطلوب موقعهم بالرياض وين احصله

واللي يقدر يفيدنا بميزاياه او عيوبه وينصحنا بشي آخر فليتفضل مشكوراً

ولو حصل مستعمل ونظيف جداً مافيه مانع يا اخوان ;)


والله يجزاكم خير :good2:

[عاشق دياري]

وعليكم السلام ورحمة الله وبركاته ..

لهم فرعين في الرياض وحد في لبن ولا اعرف اي شارع

وواحد على شارع خالد بن الوليد
توجهت للشارع الجمعة الفائتة ولا اعرف مكانه بالظبط
واسال قالوا بعد تقاطع الملك عبد الله وما يفتحون الجمعة والسبت اجازة

اتمنى اني أفدتك

[مرير الشوق]

الله يجزاك خير اخوي عاشق دياري

وجاري البحث عن موقعهم بطريق خالد بن الوليد

واللي عنده معلومات اكثر يفيدنا لاهنتم

[بن نويشر]

اخبر انه منقطع ، حسب ما قيل لي ..

[مرير الشوق]

يوم جاء وقته انقطع عاد ههههه

مريت السوافي قبل فتره وسالت عن حق الااندكروزر وقال لي حول الـ 1000 ريال

شغل حلو بس غالي بالحيل

[abubassam400]

مرحبتين اخوي

شف الرابط ذا
http://www.npco.com.sa/pages/show/36/الرياض-–-غرناطة-

[مرير الشوق]

الله يجزاك خير ابو بسام وماقصرت على الرابط

يبي لي امرهم اليوم واعطيكم خبر

[مرير الشوق]

السلام عليكم ورحمة الله

قبل يومين مريت الوطني ولا حصلت ولا خزان يقول الموظف في انتضار كميه تجي للمصنع

الله يكتب اللي فيه خير للجميع

[مرير الشوق]

السلام عليكم ورحمة الله

قبل يومين مريت مصنع الوطني ولا حصلت ولا خزان

ويقول الموظف في انتضار كميه تجي من المصنع

وشكراً

[(هزاع)]

السلام عليكم

موقهم بشارع خالد بن الوليد

اذا دخلت شارع خالد بن الوليد من الشمال من تقاطع طريق الدمام

اول اشاره على يدك اليمين بزاوية الاشاره

اما جودته

انا استخدمه ولازلت واعتبره جيد جدا

وانصح عند شرائه ان يملا ربعه بالماء ويضاف اليه ثلاث اكياس ملح لاجل الريحه وطعم البلاستك

ويترك بالسياره تخضه يومين

اهم شي المحابس والوصلات تكون من الستنستيل وبتعد عن الحديد لجل الصداء

واي خزان لابد ان يربط بسبت بالموتر

بالتوفيق

[مرير الشوق]

الله يجزاك خير يا هزاع

ماقصرت على المشاركة الطيبه والاضافه الكريمه

جاري تنفيذ الخطه بحذافيرها

[thamer805805]

اتصلت على فرعهم الي في شارع خالد بن الوليد ويقول منقطع واممكن تنزل دفعة بعد شهر
وهذا رقم الهاتف 0112487784

[يكفيني نظرة]

انا جربت كم واحد من الوطني 90 لتر واقف على لاند و70 لتر مستطيل والان معي 40 لتر مثلث بحكم صغر الموتر وكلها ممتازه ولكن يوجد ملاحظه لاحظتها على الاخير اللي هو 40 لتر الا وهي ان السعه المعروضه غير صحيحه لان اللي معي يقولون سعته 40 لتر وهو مايجي 35لتر عن تجربه وسألت محل وقال كم واحد اشتكوا نفس الموضوع ان السعه اقل من المعلن عنها واتوقع انه مع الوقت والبرد يتقلص.

[ابو البر]

السلام عليكم


موقهم بشارع خالد بن الوليد


اذا دخلت شارع خالد بن الوليد من الشمال من تقاطع طريق الدمام


اول اشاره على يدك اليمين بزاوية الاشاره


اما جودته


انا استخدمه ولازلت واعتبره جيد جدا


وانصح عند شرائه ان يملا ربعه بالماء ويضاف اليه ثلاث اكياس ملح لاجل الريحه وطعم البلاستك


ويترك بالسياره تخضه يومين


اهم شي المحابس والوصلات تكون من الستنستيل وبتعد عن الحديد لجل الصداء


واي خزان لابد ان يربط بسبت بالموتر


بالتوفيق

مساء الخير
نفس اللي كنت بقوله
الله يجزاك خير
انا استخدم هالخزان من سنين والحمد لله موفي مكفي وخفيف وزنه .
مشكلته بالبدايه ريحة البلاستيك .