المساعد الشخصي الرقمي

مشاهدة النسخة كاملة : فزعتكم يا نشامى مكشات تكفوووووووون رايكم بهالسيارة


أسامة
10/12/2006, 03:57 PM
سلام عليكم
أدخل بالموضوع بدون مقدمات الطرارين : قدر الله علي ... إلخ
دخت وأنا ادور سيارة بر ، مرة يوكن ومرة لاند كروزر ومرة سفاري ومرة شروكي ومرة قلابي ومرة شيول
المهم لقيت اخيرا السيارة التالية وأبي شوركم الله يرحم والديكم :
السيارة هي : تيلر بليزر 2003 استعمال امريكي LTZ أفخم نوع ، كل شي فيه بس مو ناقص الا المرة على سنة الله ورسوله ، والمواصفات حقيقة روعة
ماشي 84000 ميل يعني بالكيلو قرابة 13000 كم
الموتر كأنه جديد ما ادري وش يسون فيه كلش يلمع ما شاء الله
طبعا يقول ما جاه صدوم وعلى الشرط والفحص
حده 62000 ريال شامل ضمان ثلاث سنوات على المكينة والقير والدفرنس
المشاكل من وجهة نظري :
- عداده بالميل
- قراءة العدادات بالميل والحرارة بالفهرنهايت
- قزازه الخلفي والشنطه تظليل شد بلد
سؤالي وطلبي : (حشا هذا امتحان ثانوية عامة )
س1 / إيش رايكم بالموتر عموما ؟ أنا راعي بر حبيب ، ماني راعي كرف ومطامر (وقريشاتي على قدي)
س2 / سعره غالي مرة ؟ إذا الفرق الفين ثلاثة ماهي مشكلة
س3 / هل يمكن تغيير لغة العدادات للغة العربية سواء يدوي أو في الوكالة ؟
س4 / هل ممكن تغيير قراءة العدادات(مركز الرسائل) للكيلو ، والحرارة للدرجة المئوية حقتنا (حلوه حقتنا) ؟
س5 / هل القزاز المضلل شد بلد يرفضه المرور ويلزموني بتركيب عادي ؟
شباب لا تخيبون ظني وردوا علي تراني مليت ، والبران قضت وأنا جالس اتفرج بس بمكشات على الصور
الله يحفظكم من أولكم لآخركم
أنجشة
10/12/2006, 04:08 PM
نصيحة أخ محب لك

ارتك البليزر عنك


البليزرات الأوله هي الي كانوا الناس يحرصون عليها

أما التاليات فلا تزبن ولا توكل عيش

نصيحه اتركه ونخوك

وتبي شوري اذا كان انك بتاصل هالمواصيل 62 الف

فزدها شوي وطق لك ربع باترول 2006 وكاله

واشهد بالله انك بترتاح والله تدعي لي ونخوك

موتر قوه وعزم ولاعاد هو يصرف زي الأولات وفزه عجيبه يطربك

اما البليزر فنصيحه اتركه

وارسل لي رقمك على الخاص وابشر اتصل فيك واشور عليك شور بالتفصيل الممل

أنــجــشــة الــــعـــز
أسامة
10/12/2006, 04:13 PM
الله يجزيك الخير ياخوي انجشة العز ويبارك فيك ، فعلا المؤمن مرآة أخيه
بس الباترول الربع كم سعره ؟
عموما أنتظر رأي البقية ورأيك أخوي أنجشة على عيني وراسي
ولد عبدالله
10/12/2006, 05:31 PM
ونا اخوك مثل ماقال اخونا اترك البليزر

وزد شوي منا ومنا واشتر باترول ربع لو مستعمل 2006
والباترول 2007 وكاله بــ 80 الف
السياحي طبعا

بس موتر لك وللزمن

او مر معارض النسيم وبتلقى Gx
2001 بها الاسعار
والله يرزقك الرزق الحلال
ذئب القصيم
10/12/2006, 05:42 PM
نصيحه وانا اخوك كام قالوا الاخوان خل عنك الامريكي وخراباته البليزر الي انت تقول عنه من شينه طامن تقول كورالا بعين مهب حق بر حق مدينه والله الي يكتبلك الي فيه الخير
الدحبول
10/12/2006, 05:44 PM
الموتر 6 سرند أو 8
abu salhe
10/12/2006, 05:50 PM
لا يقربك امريكي هجججججججججججججج!!!!!!!!!!!!!!!!!!
باث فبندر احسن وبنفس الاسعار؟؟؟؟؟؟؟؟؟؟؟؟
المربد
10/12/2006, 06:06 PM
ان كان المسالة استعمال شخصي ، وما عندك عائلة يحتاجون سيارتك دائما
الوانيت غمارتين يغنيك وتشبع به مطامر والحافظ الله ومتى ما تبي تقدر تبيعه بناقص شيء قليل.
واترك عنك الامريكي اللي ما تلقى له قطع في كل مكان.
وبعدين عندي صديق معه وانيت امريكي غماره ونص ، دائما يشتكي من طرمبة البنزين ما يمر عليه شهرين ثلاثة الا وقطعت .
أسامة
12/12/2006, 08:16 PM
الله يجزيكم الخير من أولكم لآخركم
بس ياليت إذا أحد يعرف إجابات الأسئلة ينورنا
وفقكم الله
عاشق البران99
12/12/2006, 08:32 PM
وبعدين عندي صديق معه وانيت امريكي غماره ونص ، دائما يشتكي من طرمبة البنزين ما يمر عليه شهرين ثلاثة الا وقطعت .

آسف أخوي أسامة على التطفل على موضوعك :

لكن لدي تعليق على كلام أخونا المربد بخصوص خرابات طرمبة بنزيم الونيت الامريكي ( شفروليت أو جي إم سي ) ،،،

الحل طال عمرك بعد تركيب الطرمبة الجديدة أحرص أنك تاخذها أصلية وانتبه ينقص البنزيم عن الثلث فترة طويلة ( يعني كل ماقرب يوصل الربع فلل ) ،،،

لأن الطرمبة إذا كان التانكي مليان يكون أبرد لها وماتخرب ،،،
ما يهاب
13/12/2006, 08:45 AM
الأسم : مايهاب
ج1 / الموتر ممتاز ديره وخط وبر لا كن الدبل ما يتحمل مثل ما يتحمل الجيب
ج2 / السعر المعقول من 53 الى 58 حسب اللون والنظافه
ج.4.3 / يمكن تغير الطابلون كامل تفك حقهم وتشري من التشليح حقنا ههههههههه
ج5 / يسمح المرور بالقزاز الخلفي فقط
Mohammad
13/12/2006, 10:33 AM
من كثر ما قرانا وسمعنا الامريكى للسفلت وبس
سياره ثقيله جدا وخرابات وتتهربد وسعرها يطيح

مثل ما قالو هجججججججججججججججججججججججج عنها ولو بلاش
الكونترولCONTROL
13/12/2006, 10:40 AM
حده 62000 ريال شامل ضمان ثلاث سنوات على المكينة والقير والدفرنس
=============================================
يا اخي 62 الف حط عليها 10000 و خذ لك لاند كروزر شيك في جيبك
------------
اما التلير بليزر و طقته هذي خشاير !!!!!!!
=======
بعد 3 سنوات لو ودك تبيعه ينشب بحلقك .....
===============================================
و بعدين ما ينطح البر أبدا و لا هوب موتر يعتمد عليه الا بالخطوط ....
و الله اعلم
القرم
13/12/2006, 11:07 AM
اخوي اسامة... من تجرب شخصية لي مع البليزر اقول لك انحشششششششششششش ولا برياااااااااااااااااااااال ما ينفع للبر ابد ابد ابد صرت اذا شفته بالشارع حول اصدمه من كرهي له... يغرك بقوة محركه بالديرة بس اما اذا طلعت عن الخط بانت لك عيوبة... وكله كوم وقطع غيارة كوم... شف لك باث فايندر من موديل 2003 وفوق ونم عن همك
أسامة
15/12/2006, 12:43 PM
الله يجزيكم الخير يا اخواني على نصحكم وشوركم
الله يوفقكم جميعا
المرتاح111
15/12/2006, 12:58 PM
اننننننننننننننننننحش قطع غياره نار
يكفيك ان القزازه الخلفيه الوكالة في حدود الستة آلاف فما بالك بالمحركات
طخيمان
15/12/2006, 06:58 PM
والله لو انا مكانك اخوي

آخذ فور تشنر 6 سلند واؤكد عل 6 سلندر

او برادو 6 سلندر نظييييف

أو باترول 2003 او 2004 مستعمل نظيف

او جي اكس ار مستعمل نظيف

لأن هذي المواتر معروفة ومشهود لها بالراحة و القوة وهي معروفة وما تبلش بقطع الغيار والبيع