مشاركه الجميع : المحماسه أو الطريقه الي تحمس بها القهوة في البر

[بدران الدوسري]

السلام عليكم

حيا الله الاخوان

ابد طرى على بالي أشتري محماسه لكن سعرها غويلي شوي

فجاء في بالي أفكار كثيره لحمس القوة في البر

فكلن يدلي برايه عن طريقته الي ماشي عليها في الحمس ونتشارك الافكار ونستفيد من بعض

أنا عن نفسي ياحبذا تصير صغيره ولا تاخذ حيز في العزبه

بانتظار الجميع

[ابو ما بغى]

وعليكم السلام
حياك ابو زايد
ياطويل العمر هل جربت تحمس في قوطي نيدو
وتصلح عصاه من اسيام او بدون عصا تمسكه ببيز وتنفضه كل شوي
ترى ماله شكل
موفق

[bbaass]

بالنسبه لي استخدم قلاية تيفال صغيره مخصصها للقهوه فقط

وطبعا الحمس يكون في البيت على الهيتر

[بدران الدوسري]

هلا بكم

شاكر أضافتكم

أخونا حبيب فكره والله

خابر واحد من الربع يقول مخصص قوطي صلصه الحديد للحمس ويمدحها :)

[ابوعثمان2]

http://www.mekshat.com/pix/upload01/prof009/mk17809_23232323332.jpg

[بدران الدوسري]

هذي المعروفه لكن تاخذ مكان في العزبه

وين تباع فيه

أمس مار برق الحيا والسنيدي ويقولون ماعندنا

[نفود حلوان]

المحماسه فيه نوع له مقضب من الجنب واسع من تحت ضيف من فوق خفيف ويكتم القهوه كتم حتى تعرق وله نكهه خاصه اكثر ماشوفه يباع بحايل

[جني صغير]

أنا احمسها بالغلايه القهوة

[بدران الدوسري]

شاكر اضافتكم

وبيض الله وجيهكم

[علي الشهري]

معي محماسة مثل اللي في الصورة

لكن في الأخير صرت أحمسها في البيت وأضعها في علبة زجاجية وأخليها في الثلاجة في السيارة، وإذا بغيت القهوة طحنتها بالنجر أو طاحونة الكهرب.

[Obu-Nasser]

انا اشتري القهوة محموسة وحطها في العزبة، او اجمسها في البيت وحطها في العزبة، واطحن منها على قد حاجتي.
الشباب اللي يحمسون القهوة بالغلاية!! وش لون الطريقة!؟

[خالد الخطير]

اشوف الحمس بالبر متعب للغاية

اولاً / لابد من شب النار او على موقد تحمس القهوه

ثانياً / لابد معك مبرد علشان تحط القهوه فيها علشان تبرد

ثالثاً / تطحن القهوه

رابعاً / تبدى في تصليح القهوه

وكل هذا ياخذ وقت وجهد

بينما تقدر تجهزها محموسه و مطحونه جاهزه بيومها قبل لا تطلع !!

طبعاً وجهة نظر

اما الحمس بالبر اعتبرها هوايه و وناسه اذا انت من النوع وسيع البال ولها لذة خاصه

[خليل909]

هذا المحماس مناسب جداً لعزبة البر ولاياخذ مكان في العزبه وقيمته ٥٠ريال
http://i.imgur.com/mxMPY6F.jpg

[بدران الدوسري]

الغريب دورته في كذا محل مالقيته