لا ربيع ولا رعي ولا مقناص ولا كشتات في الكويت .. شاهد بنفسك

[قتال]

السلام عليكم ورحمة الله وبركاته ،،،

حسبي الله ونعم الوكيل على صدام اللي حرمنا من الربيع والرعي والمقناص والكشتات في الكويت ..

http://www.mekshat.com/pix/upload/images/Mainpix1.jpg

تصوروا أكثر من نصف الكويت محمي ولا يمكن أن تدخل هذه المناطق نهائياً .. مع العلم بأنه يوجد كثير من المناطق المحمية من قبل حماية المنشآت والإعلام والبترول والمناطق العسكرية و.. و .. و .. الخ .. في باقي المنطقة غير المحضورة .

وسيبدأ الحضر من تاريخ 15/2/2003 يعني بكره ... وسأبدأ من بكره ألعنك يا صدام .. شوفوا المأساة بعيونكم ..

http://www.mekshat.com/pix/upload/images/local1.jpg

http://www.mekshat.com/pix/upload/images/Mainpix.jpg

من كبر الكويت يعني ... :confused: :confused:

نقول الحمد لله على العافية .. والله يجيب اللي فيه خير إنشاء الله ويكفينا شر جار السوء .. اللي عذبنا وعذب أهله .. :mad: :mad: :mad:

الصور من موقع جريدة الرأي العام
أخوكم / قتال

[راعي الحمره]

حسبي الله ونعم الوكي وكما قال تعالي( وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ), والله يا خوي قتال الواحد منه يصبر والصبر جميل وانشاء الله ان الازمه ما اطول وترد الاوضاع احسن من قبل , ما اقول الى اللهم ارحم المسلمين برحمتك والسلام عليكم ورحمة الله وبركاته .

مع تحيات
اخوك راعي الحمره

[الخضاري]

السلام عليكم



الله يعينا يالربع ما في مكان حتى ندعي طيورنا فيه و الله ان الطيور الي عندي كاسرين خاطري




يالربع احرمونا البر و طلعته ........ قولوا يالله عسى فرجنا قريب

انا منوتي نقلة الطير وهدته ......... و جمعتنا للدعو قبل المغيــب





اخوكم المحروم من البر وهدة الطير الخضاري

[قتال]

وعليكم السلام ...
أخواني راعي الحمره و الخضاري حياكم الله في هذه المشاركة .. وعيدكم مبارك .. أكيد أنكم تحسون في معانات أهل الأبل وأهل الغنم والمخيمات الي تم ترحيلهم من شمال الكويت لجنوبها .. صحيح أن المسافة ما هي بعيدة بالحيل بس 100 كيلو ، لكن المشكلة أن المنطقة الجنوبية أكثرها مشبك .. وهي بالأصل مليانه بشر .. بس الله يعين ... ويجيب كل خير إنشاء الله ويفكنا من صدام وزبانيته .. وكما قال أخونا راعي الحمره فصبر جميل ...

تقبلوا تحيات أخوكم / قتال ..

http://www.kuwait25.com/ram/hathal-ya_alah_faz3etek1.ram