ابي احسن كفربالون مايمسح بسرعه

[سوبربانلي]

السلام عليكم

انا استخدم الماكسس 900 ممتاز معي مافيه رجه وكل شي تمام


لكن يمسح بسرعه بالكثير 4 شهور وخاصه لاحملت الموتر وصارعليه


ثقل ومع الخط ابي احسن منه يعيش على الاقل 9 شهور اوسنه


وينفع للحجر والبر


ومشكورين

[التعـ King ـديل]

ركب هيرو او مالون اذا تبي 16

او هيرو 17

[سوبربانلي]

ماقصرت

المالون يطول مايمسح
وناس مدحو سيام تاير وانا الى الحين مادري وش اجزم عليه

[التعـ King ـديل]

السيام تاير الاصلي وقف عام 2011 والجديد منه مامدحه احد

المالون 16 حلو على الموتر ويطول ولكن 17 ثقيل على الموتر الا اذا موترك 8 سلندر

[سوبربانلي]

الموتر جي اكس ار جنط 16

والظاهر النيه مالون ان شاءالله

وماقصرت الله يعطيك العافيه

[SGL 4200]

عليك بالشاهين حق الوكيل وانتبه من الي معاد تصنيعه في الامارات يجيك علا انه جديد
من وقع تجربه 8 سنوات وايركب في موتري الاهو
يتحمل الجحر وفي البر ما يمسك الرمال الموتر

[االملتاع]

الموضوع يحتاج تقييم
لو يرتب احد الاعضاء الي له خبره باسماء الكفرات البالون ويحط موضوع جديد يكون فيه تقييم

[التعـ King ـديل]

الموضوع يحتاج تقييم
لو يرتب احد الاعضاء الي له خبره باسماء الكفرات البالون ويحط موضوع جديد يكون فيه تقييم



تم تنفيذ طلبك :good2:

[ابوفريحح]

السلام عليكم

انا صراحه غير الماكسس ماركب الان مركب ولي تقريبا سنه وشهرين ولا تمسحن ويوميا
اطلع للبر للحجره عند الوالد نياق واسافر عليهن الانواع الثانيه ماجربت بس الماكسس ممتاز

[االملتاع]

تم تنفيذ طلبك :good2:



:good::)

....

[الصيادالمليح]

سبب مسح الكفرات بسرعة هو أن وزن السيارة ما تتناسب مع تحمل الوزن للكفرات

فكل كفر له وزن يستطيع تحمله وهو مكتوب في جميع الكفرات من الجانب

وما عليك إلا انك تعرف وزن سيارتك وخصوصا بعد التحميل و تقسم الوزن على أربعة

و الناتج تقارنه بالرقم اللي مكتوب في الكفر فإذا كان الرقم قريب من الرقم المكتوب على الكفر فاحتمالية ان الكفر ينمسح قبل موعد تغييرر الكفر

و إذا كان الرقم أعلى من المكتوب في الكفر فالكفر غير مناسب بتاتا للسيارة و راح ينمسح بسرعة و يعتبر خطر الاستخدام

و لابد يكون الرقم اعلى بمقدار النصف تقريبا حتى يكون مناسب جدا و لا ينمسح بسرعة و يتحمل الكرف و التحميل

و إذا كان الكفر لا يحتوي على معلومات عن تحمل الوزن فيجب تبليغ وزارة التجارة بشكوى لأن الكفر غير أصلي أو يكون تقليد

بغض النظر عن نوعيته او صناعته


و اتمنى السلامة للجميع إن شاء الله

[مرير الشوق]

انا اشوف مافيه فرق كبير جدا

ولكن انا افضل شخصياً الهيرو ومن ثم المالون

[الوسام عمر]

عليك بالشاهين الياباني (ازفلت+نفود+حجرة) واترك البالون ورجتة وتخريبة لاذرعة الدركسون

[سوبربانلي]

الماكسس ممتاز جدا معي

مركبه على جنوط الوكاله جي اكس ار2001 المقاس 900


والترصيص عادي وماعينت منه لارجه ولامشاكل واسافر عليه واقنص


لكن المشكله خلال سنه ركبت 3 طقوم واكثر مايمسح بسرعه وقت الموسم


لان عليه تانكي ماء 100 لتروعزبه واغراض واجد لكن الله والعالم المشكله


من الهواء دايم اخليه 30 وهل الخبره يقولون هذا السبب انه يمسح بسرعه

[سوبربانلي]

الماكسس ممتاز جدا معي

مركبه على جنوط الوكاله جي اكس ار2001 المقاس 900


والترصيص عادي وماعينت منه لارجه ولامشاكل واسافر عليه واقنص


لكن المشكله خلال سنه ركبت 3 طقوم واكثر مايمسح بسرعه وقت الموسم


لان عليه تانكي ماء 100 لتروعزبه واغراض واجد لكن الله والعالم المشكله


من الهواء دايم اخليه 30 وهل الخبره يقولون هذا السبب انه يمسح بسرعه واشكر الجميع على تفاعلهم / وكم الهواء المفروض للبالون

[قصيمي1405]

سبب مسح الكفرات يكون بسبب بعض الامور

ضعف الهواء - عدم وزن الاذرعه

وانا ركبت كفرات جديده بسرعه انمسحن بسبب ضعف الهواء ، مقارنة بحمولة السيارة

[اليامي قطر]

المالون والهيرو عراااااض مرره وثقال

موتري الهدد عليه ماكسس وقفته تماااااام وياربي لك الحمد

ممتاااااااااازه

[راعي الرود]

انا توني مركب طقم ماكسس ابو جمل على جكسار 2000 جنط 16
من ابدع مايكون من ناحيه الرجه وغيرها لا يوجد بعد الترصيص
ولا يوجد تنسيم مع الشفه مثل الدفعات اللي نزلت في 2011
بالنسبه للنقشه اتوقع ان اي كفر بالون حده سنه و كثر الله خيره

[بيت الدرجه]

السلام عليكم

ساتكلم عن تجربه مع البالون لسنوات طويله
الماكسس قديمـا كان ممتاز وكانت صناعتيه تايوانية
اما الآن فيتناميه وللأسف اصبحت أقل من ناحية الجوده
هناك البريسا يعتبر الآن أفضل من الماكسس وجودته أحسـن

" السبب في أن الكفر الماكسس يمسح انه عند المشي بالسيارة يكون الضغط على المنطقة الوسط من الكفر وهذا يجعل الكفر يمسح بسرعه , ويكون هناك تموج عند قيادة السيــاره بالطرق كأنهم راكب قارب ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,
أما افضل الأنواع حاليــا
هي المـالون والهيرو
صنــاعة تايوانيــه

لكن هي أعرض بقليل من الماكسس والبريسـا

وعرض الكفر هذا لـه فائده مع الجنـط عرض 8 أنش مثلا في جنط الـ 17
يجعل حمـل السيارة والضغط على مستوى الكفر كامــلا وليست المنطقــه الوسط
وهذا يجعل من الضغط على الكفر متوزع ولا تمسح الجره بسرعه

لكن المالون والهيرو أغلىئ شوي من الماكسس وا لبريســا

..................
ملاحظه ..
اذا كانت سيارتك فوق 100 ألف وقد تصل لل 200 ألف
ماأتوقع انك راح تخسر لما تدفع زيادة 150 ريـال بالكفر واحد
مقابل سلامتـك وسلامـة وآمـــان السيــارة

........................
بالطرق السريعــه اثبت المالون والهيرو
رساوة أكبر من الماكسس والبريســا
..........................

جميع ماقلته من واقع تجربه لجميع الكفرات

..............................

ملاحطة أخرى ...
سبق واني شريت كفرات هيرو من الكويت مقاس 17
وكان تاريخهم جديد ولله الحمــد وأقل سعرا من الرياض بحوالي 30 ريــال

..............................
محلات بصفر شارع الغرابي القديــم والواقع بجانب لزوف بعد محلات الطمره للثلاجات على اليسار
موزع لهيرو بالسوق ولزوف ايضا تجد عنده المالون

............................................
اكرر ان المالون والهيرو اعرض شيء بسيط من الماكسس و البريســا
ومن يقول انها اثقل ,, ثقلها بسيط جدا من واقع قياس وزن الكفرات
وهذا الشيئ تعوضه من ناحيـة الجنــط
مثلا تركب هيرو على جنوط كروم بتكون نفس وزن الماكسس على جنط حديد
لان الفرق بين الوزنين عوضته بنوعيـة الجنــط

لكن المالون والهيرو
مقابل رساوة بالخط وآمان وجودة تصنيع


تحياتي لك

[االملتاع]

كلام جميل يا (( بيت الدرجه))
شكرا لك استفدنا من كلامك وفعلا الفرق بين الماكسس والبالون بسيط

[رياح الشرق1]

اخوي ابعد عن البالون الثقيل لانه عدام ودماار شامل للموتر وخاصة ان موترك مقصات وعكوس مو دفرنس مثل النيسان

[سوبربانلي]

كانت الكفرات قديم معروفه صناعته

اما الحين دخل الغش في كل شي يجيك الكفر معاد تصنيعه بدبي


اوبعض الدول والمستهلك مايدري عنه

[P O W E R]

بالنسبه لي افضل ثنين المالون والهيرو لاتنسيم ولا رجه لكن افضل الهيرو لانه اخف من المالون

المالون اعرض وثقيل بالحيل الهيرو اخف شوي طبعا اتكلم عن الـ 16

[ابوسند9]

اخوي
اذا ما يهمك الشكل ركب مقاس 900 على 825 خفيف مررره طبعا ماكسس ,, طبعا الماكسس انت وحظك يعني يمكن ينسم مع جنب الجنط ويمكن لا
يعني ممكن كل ثلاث ايام لازم تمر بنشر تغلق هواء
وطبعا الما كسس نوعين
ما كسس نفس الشكل القديم وهذا الافضل لكن انت وحظك كفر ياخذ ترصيص وجد وكفر اقل وكفر يسنم مع شفت الجنط
وماكسس برسا وهذا برضو حظوظ لكن الشكل القديم افضل
اما مالون والهيرو عيبهم الثقل واشوفهم افضل من الاسيام الاصلي القديم
اما الاسيام ,, عن تجربه اسواء كفر جربته حتى يوم كان صناعته اصلي تيلندي ,, ثقيل بالحيل ,,واذا بقى نص العمر في المناطق الوعره توقع انه يضرب عليك في اي لحظه لانه ليس بالون خالص ففيه نسبه كبيره من الكفر العادي اي اسيامه وخيوطه واجد
وفيه ميزتين فقط
شكل للي مو راعي قنص ووعر
ويبطي ما يسحل
و اهم نقطه في البالون انه بعد ممشى من 10 الى 15 الف كيلو ,,تقلب الكفرات ,, اللي امام تضعها خلف اي ترجع خلف , يعني يسار يرجع يسار ويمين يرجع يمين ,, واللي خلف تركبها عملية اكس اي عكس

[ابونورررررر]

عليك بابو جمل 920دعسه شاهين والله روعه وكد

[ابونورررررر]

ولا يمسح مركبهن لهن سنه ماشاء الله اخوالجديد وانا راعي بر وقنص

[Moha Bin aziz]

ركبت الماكسس والله لايعيده دخلت الجبل وتجرح من على جمب تقول مجرحه بسكين ورجه قويه ، لكن التنسيم الحمد لله ماعانيت منه لان الدفعه الجديده مدحوها عن سابقتها طبعا تاريخ ٢٠١٤ اسبوع٢٥

[االملتاع]

اخوي
اذا ما يهمك الشكل ركب مقاس 900 على 825 خفيف مررره طبعا ماكسس ,, طبعا الماكسس انت وحظك يعني يمكن ينسم مع جنب الجنط ويمكن لا
يعني ممكن كل ثلاث ايام لازم تمر بنشر تغلق هواء
وطبعا الما كسس نوعين
ما كسس نفس الشكل القديم وهذا الافضل لكن انت وحظك كفر ياخذ ترصيص وجد وكفر اقل وكفر يسنم مع شفت الجنط
وماكسس برسا وهذا برضو حظوظ لكن الشكل القديم افضل
اما مالون والهيرو عيبهم الثقل واشوفهم افضل من الاسيام الاصلي القديم
اما الاسيام ,, عن تجربه اسواء كفر جربته حتى يوم كان صناعته اصلي تيلندي ,, ثقيل بالحيل ,,واذا بقى نص العمر في المناطق الوعره توقع انه يضرب عليك في اي لحظه لانه ليس بالون خالص ففيه نسبه كبيره من الكفر العادي اي اسيامه وخيوطه واجد
وفيه ميزتين فقط
شكل للي مو راعي قنص ووعر
ويبطي ما يسحل
و اهم نقطه في البالون انه بعد ممشى من 10 الى 15 الف كيلو ,,تقلب الكفرات ,, اللي امام تضعها خلف اي ترجع خلف , يعني يسار يرجع يسار ويمين يرجع يمين ,, واللي خلف تركبها عملية اكس اي عكس

@@@@
الاسيام كم سعره
وهل عرضه مثل المالون

[thanks.9]

المالون كويس من ناحية انه ما يتمسح بسرعه و من ناحية النظره.
لكن من ناحية الراحه و الاستخدام
انا انصح ب المكسس 900 - عزالله انه كفر لين و مريح على الموتر
انا مركب مالون - عزالله انه قاسي و جفس على الموتر.

[FAHAD - 506]

يأخوان انا ناوي بأذن الله اني اركب بالون علی موتري هدد جنوط 17 الحديد وكالة ومحتااار بين الهيرو والماكسس وفيه نوع اول مره اسمعه منكم برسا ... الهيرو مشكلتهة طامنه شوي وعريض والماكسس تقلون انه ردي بس فيه احد ردود الأخوان يقول جت دفعه زينه يالييت تصملوني علی احد هاثنين ابي الزين وقفه وتحمل

[اليامي قطر]

يأخوان انا ناوي بأذن الله اني اركب بالون علی موتري هدد جنوط 17 الحديد وكالة ومحتااار بين الهيرو والماكسس وفيه نوع اول مره اسمعه منكم برسا ... الهيرو مشكلتهة طامنه شوي وعريض والماكسس تقلون انه ردي بس فيه احد ردود الأخوان يقول جت دفعه زينه يالييت تصملوني علی احد هاثنين ابي الزين وقفه وتحمل


ركب الماكسس يامال الشحم

والبريسا نوع من الماكسس لكن ثقيله اشوي

الماكسس صناعته فتنامي وممتاز وقفه واستعمال

[ابو لياا]

ولا واحد يعيش اكثر ردود الاخوان للاسف مو في محلها الكفر يمسح من الهواء الموجود داخله

بفهمك شلون اذا البالون هواه 25 بمسح بسرعه كبيره 3 شهور بالكثير

35 من 4 الي 5 وينتهي بالكثير وهكذا معك

في ناس جلس معهم البالون سنتين ولا غيروه بتسالني ليش بقولك الهواء 70 خلفي وامامي 60


الهوااااااااااااااااااااااااء هو عمر الكفر جميع الكفرات مو بس البالون اتمنى فهمت

[FAHAD - 506]

ركب الماكسس يامال الشحم

والبريسا نوع من الماكسس لكن ثقيله اشوي

الماكسس صناعته فتنامي وممتاز وقفه واستعمال

تستاهل الطيب ياليامي ماقصرت ياذيبان ابشرك تم تركيب الماكسس مابقي الا الأكواع وتكمل الخلطه المبلونه ههههه:D

[اليامي قطر]

تستاهل الطيب ياليامي ماقصرت ياذيبان ابشرك تم تركيب الماكسس مابقي الا الأكواع وتكمل الخلطه المبلونه ههههه:D


ههههههههههههههههههههه

[سقم المعادي 1]

احرص على اختيار نوع البالون الجيد

ماودك يصير معك مثل ماصار مع الرجال :

http://scontent-b.cdninstagram.com/hphotos-xpa1/t51.2885-15/10684241_1459618927654307_998927847_n.jpg


http://im32.gulfup.com/AKk72.jpg

[راكان 11]

يالربع
معي شاص فتك جديد
وش أفضل كفر بالون تنصحوني فيه
الجنط 16 حديد العادي

[اليامي قطر]

يالربع
معي شاص فتك جديد
وش أفضل كفر بالون تنصحوني فيه
الجنط 16 حديد العادي


ابوجمل فتنامي ورصصه ليزر :)

[احمد النزهه]

احسن بالون ونلي تايواني ركبت ثلاث طقوم قوي بالففود لين دعسته اقوى من الماكسس
انصح به وارفع من اي بالون جربته على ثلاث مواتر بس لازم ترصيص ارضي وجنط حديد
لايفوتكم حلو

[مجنون جمس]

والله أنا من وجهة نظري الشاهين الأصلي أفضل بكثير من البالون
لا من ناحية خط ولاتحميل ولا بر
من عرفت نفسي وأنا ما أستعمل إلا شاهين

[راعي الهدد 44]

أنا لي تجارب سابقة مع الماكسس جيد لكن لا تستخدمه كثير في سفريات الازفلت
وحولت الآن على الشاهين الياباتي (سوموتومو) رفيع ولين وجوانب الكفر متينة وجيد جداً في (الازفلت +الرمل + الحجر)
ويصبر فووق السنة بالراحه وريح على الموتر .

[تشقوينا]

افضل شي الماكسس وانا مستخدمه لي الحين 9 شهور



وللحين باقي فيه نص عمر



وللمعلومية الهواء دايم من 35 الى 40



ملاحظة ( قبل الماكسس كنت مركب سيام تاير الصراحه ولا بريال بعته بخساره على طول )

[bobnan]

اخي الكريم انا ركبت مالون والمالون قاسي وماهو لين ويغرز
ركبت هيرو الهيرو ضخمه وعمرها الافتراضي 8شهور وقويه على دودة السياره ممكن تخرها عليك
افضل مابالسوق هو الماكسس افضل الموجود

[عمري قطر]

افضل تواير بالون

اسيام اهم شي تكون صناعتها تايلنديه

شرط تايلنديه

[john silver]

الماكـــــسس البوجمــــــل هو اللي طاغـــــي الان بالســـــــوق

[Khaled1101]

انا ركبت ماكسس وقعدت معي سنه كامله
وحذفتها فيها ربع
وانا اداوم يومي 140 كيلو رايح راجع
غير الطلعات والتمشيات
السبب انا اعبيها فالخط 40
والبر 20
وعاشت معي
اما الي يمشيها فالديره والكفر علي عشرين تبي تمسح بسرعه

[مطر وسم]

معي جيب فورتشنر شاريه جديد 2012 كفرات برجستون لحد الان امشي عليها ماتمسحت باقيه على وضعها تقريبا ماشي عليها 130 الف كيلو مشاء الله اشوف انها افضل كفرات على الاطلاق قوه وتحمل غير طبيعي