المساعد الشخصي الرقمي

مشاهدة النسخة كاملة : ي اخوان عزم استفسار بخصوص عزم ال GX 2007



رايف العتيبي1
31/10/2014, 06:48 PM
السلام عليكم ورحمة الله وبركاته
يا اخوان عندي موتري هدد 6 سرندل قير عادي الموديل 2007
العزم والله يغث
مافيه عزم ابد يالله يمشي
احسه ثقييييييل حيل
صراحه كثير ناس نصحوني من ال 6 سرندل يقولون ثقيل ويالله يشيل نفسه وياليتني سمعت نصيحتهم
المهم يالربع هل كل ال 6 سرندل كذا
ولا الموتر فيه مشكله للعلم راعيه يعبيه 91 وانا افكر اول شي اغير البنزين ل 95 هل بتنحل المشكله ؟

التعـ King ـديل
31/10/2014, 06:54 PM
قبل نحل لك المشكله او نعرف هل فيه مشكله بالاساس او لا

انت موترك اللي قبله وش كان

يالبى الهلا
31/10/2014, 07:02 PM
افصل الدفع الرباعي يفز مع القومة اللي مخلية ثقيل الدفع الرباعي وركب مراوح كهربائية وكفرات بالون
وركب فلتر رياضي وشوف العزم كيف يتغييييير خاصة اذا كان قير عادي جنااااان صدقني ماراح تندم علي شريت الجيب وكل مواترك منا وبعد جيب فقط

ابوراكان تبوك
31/10/2014, 08:28 PM
ما ادري هل موترك فيه مشكله او لا

عموما الجكسار والهدد ماينفع بدون ماتفصل الرباعي + تركيب فرار

عندي جكسار مافيه رباعي مستمر بس اذا نسيت الفرار على 4*4 اعرفه بالخط على طول غثيث جداااا لكن لاصار الفرار 2*4 يعني مفصول فرق الخف تقريباً 30%
الفرار انا مركب جهه وحده يسار بـ 350 تقريبا لكن بعد التجربه لو قيمته دبلات راكب راكب

فما بالك اذا موترك رباعي مستمر + بدون فرار

فيه انواع من الهدد بدون رباعي مستمر ما ادري اذا موترك كذا او لا

تبي رأيي اذا الموتر جايز لك
1- تأكد من عدم ضعف الكلتش
2- اذا رباعي مستمر افصله وركب فرار
3- غير بواجي ngk بنفس رقم الوكاله
4- غير فلتر الهواء
5- غير صفاية النزين
6- لاتعبي الا بنزين 95
واتحدى اذا مافرق معك كثير وخصوصاً موترك هدد وعايدي

جنرالهم
31/10/2014, 09:06 PM
اتفق مع كنق التععديل
وش كان موترك قبل
يمكن ن=تكون مشلكتك مثلي قبل كان معي صغيره
واخذت هدد 6 فل كامل قير عادي
واشتكي من العزم
المهم بعد ماجربت كذا موتر عرفت الجيب مايصلح له الا 8 ساندر وبس
قارن حجم الموتر بشكل عام مقارنه بالمكينه
ف لا توسوس من العزم ولا شي
واذا تبي زياده بالعزم افصل الدفع الرباعي المستمر
وغير بواجي واسلاكها وصفاية بنزين وحول 95 احمر فهو اقضل بالعزم من 91 ( وجهة نظري )
وركب فلتر وهدرزوتشوف الفرق كيف

Almana_M1
01/11/2014, 11:27 PM
يمكن عندك دبة البيئة (الكربون ) منسدة شيك عليها

راعي الرود
02/11/2014, 03:51 AM
اذا الموتر ماشي واجد
ترا دبات البيئه تبي تطيح عزم الموتر بسبب الكربون
و الدبه الوسطيه كذلك انا معي موديل 2000 كان عزمه شين غيرت الدبه الوسطيه بدبه وطني و تنفس الموتر فرقته عن اول بالحيل

ابونبيل
02/11/2014, 05:02 AM
دسك الكلتش غالبا هو السبب

سفاري66
02/11/2014, 09:26 PM
١- دسك كلتش وفحمات
٢- غير سلك البنص الي من دواسة البنزين إلى المكينه
لانه مع الوقت يجيم
٣- ارفع دواسة البنزين لانه مع كثر الدعس برجلك والوقت تنثني
مثال بدل ماهي ٧ سم تقل تصير ٣ سم
٤ - بواجي

أبو زبن
22/11/2014, 02:48 AM
الوالد معه نفس موترك 2006 طبعاً يجي دبل مستمر والموتر ما شاء الله نشيط ومغير يدور الخطوط وﻻ به ثقل ما أوافق اللي يقولون ركب فلتر وهدرز الرأي أبداً
اذا البواجي لها مده غيرها مع الأسلاك وفيه دبات بالكنداسه تفرغها لأنها تردي عزم الموتر وتكتمه وأهم حاجه ﻻ توسوس وتسوي شغلات مالها داعي وتكلف وعقبين تكتشف ان العله بسيطه

مع العلم الوالد يعبيه بنزين 91 واتوقع ما يصلح له إلا هو