أين اجد عيار هواء بروكستون (Brookstone)

[ذيب القفار]

السلام عليكم و رحمة الله و بركاته
إخواني الكرام من يعرف أي معلومة عن عيار الهواء من شركة بروكستون Brookstone أين ممكن أن أجده في الرياض إن أمكن لأني بحثت عنه في شارع الغرابي ولا يعرفون عنه أبد طبعاً سبب البحث عن هذه الشركة بالذات هو كونها عملية لأقصى درجة فإن الوالد يمتلك نفس العيار منذ أكثر من 15 سنة ولازال يعمل بكفائة و يعطي أرقام صحيحة.
لذلك أتمنى من مٓن لديه أي معلومة عنه أو عن شركته أن يدلي بدلوه و شكراً
جزاكم الله خير الجزاء و غفر لكم و لوالديكم
http://i.imgur.com/YoE2ELF.jpg

[m1m2m3m4m5m6]

موجود بس غالي حدود 250 ريال!!!

[ذيب القفار]

شكراً لك أخي العزيز على سرعة الرد
الصراحة السعر مبالغ فيه ب٢٥٠ ريال حتى وهو أصلي لكن السعر غير مقبول بس ياليت تقولي وين المحل اللي يبيعه.
أنا حصلت عيار من نفس الشركه لكنه زي نظام القلم و أنا الصراحه ما يعجبني هذا النظام لكن سعره مقبول بالمقارنه مع السعر اللي تقول عليه وهذا شكله
http://i.imgur.com/VoHcdAj.jpg

[m1m2m3m4m5m6]

انا لقيته يباع في النت ,, وهذي تكلفته بالشحن ,, ارتفاع سعره لانهم يعاملونه معاملة التراثي

[ذيب القفار]

الله يجزاك خير أخوي فعلاً إذا عرف السبب بطل العجب شكله فعلاً منقطع من سنين عشان كذا يعاملونه معاملة التراثي يله يبيلنا ندور البديل الجيد و المشكله اللي منتشر عندنا في السوق و قرأته صحيحه هو الإلكتروني و أنا ما أثق في الإلكتروني خوفاً من إنتهاء البطاريه أو إذا طاح منك ممكن يخرب وتنحاس قرأته و أبو قلم إذا طاح منك في الرمل يخرب.

[نفود الشمال]

الالكتروني زين وممكن تخلي معك اثنين واحد احتياط

انا جربت واحد شف اكتب

CRAFTSMAN DIGITAL TIRE GAUGE WITH BRIGHT LED LIGHT (batteries included)

في محرك البحث لموقع امازون . معي ممتاز

وحاليا ناوي اطلب عيار ميشلان

الالكتروني يبدو لي ادق

[ذيب القفار]

الله يجزاك خير أخوي بس الصراحة مالي في الإلكتروني مع إنه دقيق لكن ما أحب شغلة البطاريات مع وجود البديل اللي بدون بطاريه لكن إذا أنت تبغى عيار مشلان تراه موجود في الغرابي و عند وكيله المحيميد في شارع الريل.

[Hagaanaf]

يحفظك الله
كل هذا من اجل الدقه في عيارك للهواء ، اجزم انك مغرم بالعيار نفسه وتحب اقتناءه ، وليس الهدف انه اصلي ويعطي قرأه ممتازه
والا يحفظك الله عيار ميشلان العادي عند المحيميد لايعلى عليه ويعطي قرأه صحيحه (100%)
وهناك عيار ياباني كله حديد ايضا هذا يعطيك قرأه صحيحه ويأتي منه لونين ( ابيض نيكل ، واصفر نيكل )
حق المحيميد بـ (110) ريال يوم خبري ، اما الياباني فهو لايتجاوز الـ (30) ريال

[ذيب القفار]

السلام عليكم و رحمة الله و بركاته حيا الله أخوي Hagaanaf تبي الصدق الزين يفرض نفسه تخيل هذا العيار يستخدم من ما يقارب ٢٠ سنة و مازال يعطي قرأه صحيحة و يعمل بجوده عاليه بالرغم من ما تعرض له من طيحات و طقات و غيرها وهذا هو سبب الإعجاب فيه الصراحة ولا أني راح أحصل في السوق شي يمشي حالي لكن وأنا أخوك جودة الصناعة القديمة راحت وفعلاً كلامك صحيح موجود في السوق اللي يعطيك قرأة صحيحة لكن لكن كم بيعيش معك هنا السؤال و المشلان هو أقرب الخيارات لكن يعيبه سعره كنه بورصه كل سنه يرتفع لدرجة إني أعرف راعي محل زينة في الغرابي يقول أنا ماعاد أجيبه لإرتفاع سعره على الزبون و اللي يجي بعده في الدقه و الجودة هو الإيطالي أبو لي أسود و أصفر والمشكلة فيه إنه صعب تثبيت راسه على بلف الكفر و للمعلومية يوجد منه تقليد نفس الشكل حتى أصحاب الخبرة ما يعرفون يميزون بينهم نفس الكرتون و نفس الشكل بالتمام و التجاري يطلع على المحلات بنصف سعر الأصلي و يبيعونه على الواحد على أنه أصلي بمكسب دبل السعر يعني لازم تشتريه من عند تاجر فيه أمانة و الأصلي ينباع ب٤٠ ريال و التجاري بعضهم يبيعه من ٢٠ ريال إلى ٤٠ ريال و باقي السوق تايواني و صيني وكلها جودة رديئة و قرأة خاطئه.
أما الياباني اللي تقول عنه ما مر علي في الغرابي و الصراحة سعرة ممتاز ياليت لو تعرف وين ينباع تدلنا عليه الله يسعدك.

[ريان2002]

السؤال المهم ياذيب ليس كم سيعيش معك المعيار بل أنت كم ستعيش هذا هو المهم الله يطول بعمرك على طاعه ويحسن خواتيمنا جميعا
أنا أشور عليك والرأي لك تأخذ معيار الرمايه اللي من شركة ARB سعره حول السبعين على ما أذكر وله لي أحمر ولا أقصد اللي فيه خاصية تنسيم الكفر لأنه غالي
أنا عندي واحد شبيه للي وصفته لك شريته من ساكو ب ٦٠ ريال قبل حوالي أربع سنوات ولا زال يخدم ولو خرب بأي وقت ماراح أتحسف عليه رخيص وله معي مده

[ذيب القفار]

أخوي ريان 2002 فعلاً الأعمار بيد الله سبحانه و تعالى والله يعينا على طاعته و يجمعنا وياكم في الفردوس الأعلى إنه عزيز كريم.
الصراحة يالغالي أنت و بعض الشباب تمدحون حق شركة ARB و البعض أيضاً يذمه بأنه يعطي قرأة مختلفه بزيادة خمس وحدات ضغط أو حولها و اللي مخوفني فيه إني مره عند الرماية و قالي الموظف ترى مب كل منتجات ARB أسترالية لا فيه منتجات لهم صينية وهذا اللي خوفني منهم.
أنا حالياً أدور عيار قياسه يكون صحيح و جودته عاله من الأنواع اللي بدون لي ولا تكون إلكترونيه الله ييسر لنا و نجد ضالتنا.