اهداء الى اخوي Hamad18

[قنيص الفكر]

السلام عليكم

هذي ابيات بسيطه مني الى اخوي Hamad18

تقابلت وياه في هالمنتدى بالصدفه وتابعت له كم موضوع .. وما قول الا كلمة ونعم في حقه قليله .. من سنع فيه يدل على طيب شخصه الكريم .. وتواضعه .. واخلاقه .. وهذي من سمات الرجال الاصيل ..

واحدن ما تشوفه وايعني لك كثير
وواحدن لو تشوفه ما ايعني لك صفر

الاولي لو زهمته جاك كنه مغير
منطنخ بالشهامه وبالمراجل ظفر

مرتفع حيل قدره فوق كل اتعبير
خوته في زمان الآن ب 100 نفر

من تقابله كنك ملتقي لك أمير
يقفر بطيبه دروب التواضع قفر

في كرم نفس ذربه وش بتكتب تحير
والله ان قدره وسط قلبي انحفر

ع ــزام

[قوافي ( أم نهار )]

عليكم السلام ورحمة الله وبركاته
صح لسانك ملايين والنعم فيكم
قصيده طيبه والطيب يستاهل الطيب
حفظكم الله
تحياتي وتقديري واحترامي

[قنيص الفكر]

ما عليج زود اختي

والله ينعم بحالج

نورتي موضوعي

شكرا على تواصلج

[Hamad18]

تستريح بحياتك يـوم عندك ضـــــمير
وفي القــــلوب الوفيه لك مكان وقدر
انـــت غالي عليه مثل خوي الصغير
والغــــلا دوم يكبر كل ماهو كـــــبر
الرجال اْختــبرها قبل شـــور الشوير
وكم واحد بعـــيني يالســــنافي صغر
جرب اللي تحـــبه والمواقف كثـــــير
لايــــــغرك غــــناه ولا يردك فقــــر
اْما تكســب رجال الكـــايده والخطير
واْما تنجي بروحك قبل طعن الظهر

[Hamad18]

والسموحه منك ياقنيص الفكر تراها على السريع رد تلقائي والعذر يالغالي

[قنيص الفكر]

صح لسانك اخوي حمد

ما فيك حيله صراحه بياض ويه

دومك تتحفنا بانتقاء المفردات القوية

الله يعز قدرك يا النشمي