المساعد الشخصي الرقمي

مشاهدة النسخة كاملة : خايف


الوشيقراوي
11/12/2006, 10:56 AM
حيا الله كل من دخل للموضوع... وأتمنى للجميع ربيع يسر النفس والخاطر

والموضوع هذا أكيد تكلموا فيه كثير... بس لأهميته ودي أثيره مرة ثانية... وأكيد تبون تعرفون وش أنا خايف منه؟

والله اني خايف يجي يوم ما نلقى مكان أخضر... لا تقولون اني أبالغ... في يوم من الأيام قبل عشرات السنين ما كان أحد يتوقع ان بعض الحيوانات راح تختفي وتنقرض...بس للأسف صار!!:no:

السيارت كثرت...والناس بعد....صار البر الملجأ اللي يلجأ له كثير من الناس هرباً من المدينة...

طيب ما في حل؟:confused:

أكيد... أنا راح أقول اللي براسي وأبي أسمع منكم كلكم حلول وأفكار..


أول وأهم شي... لازم كل واحد يطبق الواجب اللي عليه وما يقول أنا واحد وش راح أسوي مادام الناس كلهم يتصرفون كذا... هذي النقطة مهمة جداً ياجماعة.


لازم نلتزم بالمشي عالجادة (جادة السيارات)... يعني والله قهر يوم أشوف روضة او بساط أخضر وألقى فيها 16 الف جادة!! الكل يبي يمشي على طريق له لحاله!! طيب ليه؟؟؟


لازم يصير كل واحد منا عضو بحماية البيئة...اشلون؟ موب يروح ويشترك بالهيئة الوطنية... أقصد لازم كلنا ندافع عن حقنا بالبيئة والطبيعة الحلوة ونضرب على يد كل عابث... بالكلمة الطيبة والنصيحة... إذا شفنا أي شخص أو جماعة تتعبث.


عدم رمي المخلفات بنهاية الكشتات... وتذكروا.... كل فرد لازم يطبق الكلام هذا على نفسه...فالمجتمع هو مجموعة أفراد.


إذا قررنا نقعد بمكان وأكيد راح يكون بعيد عن جادة الطريق... المفروض نخفف السرعة وما نحوس الطبقة الخضرا....
الله يوفقنا ويحفظنا ويرزقنا...
جرير
11/12/2006, 11:08 AM
صح.......لسانك
ابو هبايب
11/12/2006, 03:25 PM
الله يعطيك العافيه أخوي الوشيقراوي وأنا اللي يضايقني أكثر لما أشوف أكثر من مكان فيه مشب نار المفروض اننا نشب في موقع واحد ، لما تشوف أكثر من موقع فيه مشب نار يضيق صدرك
مصحصح صح
11/12/2006, 03:38 PM
كلام رائع من اخونا الوشيقراوي ...

كلنا يد واحدة على العابثين في بيئتنا وجمالها ونظافتها

بالنصيحة نصل الى المطلوب

تحياتي لكم
طبيب بيطري
11/12/2006, 03:39 PM
الوعي والتثقيف هما الحل الوحيد



ويجب على كل انسان يخرج الى البر ان يضع في مخيلته هذه العبارة





( دع المكان احسن مما كان )

ولك جزيل الشكراخوي الشقيراوي
المرقاب
11/12/2006, 03:46 PM
معك 100/100
وأهم شي أنا نكون رجال قد المسؤلية ماهو حكي بس والا أماني.
زباير السليع
11/12/2006, 04:09 PM
أعود وأقول ياحبي لأهل أشيقر==جيراننا وأشقاؤنا==بلاإطالة بماإني قررت بأذن الله زيارة ما أستطيع من الأماكن الربيعية وعليه فقداشتريت مجموعة من الهنايا الرمزية وقررت أنني إذارأيت إنسانا يفسد الخضرة أو يشوه الأمكنة فسألحق به وأعطيه هدية مناسبة لعمره وجنسه طالبا منه وراجيا أن يساعدنا ويحترم مشاعر الناس وألايعودلهذا مع اطراء ومدح لشخصه -لعل وعسى-أ خاف من واحد همجي يجرب هباله في-وللأسف أعترف بأنني جبان وخصوصا مع الجهله والمتخلفين وهؤلاء هم من سأتعامل معهم
زباير السليع
11/12/2006, 04:12 PM
هه -عدوى- من العجلة -هنايا- يعني هدايا خذوا ما جاكم واحمدوا لله
عاشق VXR
11/12/2006, 04:16 PM
صح لسانك ...
والله يهدينا لطاعته والخوف منه ومرافبته في كل وقت ...
وجزاكم الله خير على طرح هذا الموضوع والرد عليه ...
الوشيقراوي
13/12/2006, 02:50 PM
الأخ جرير...صح بدنك

الأخ ابو هبايب... اي والله وانت صادق... شي يغث

اخوي مصحصح صح... صدق انك مصحصح... لك مني كل تقدير واحترام...

طبيب بيطري... وانت صادق... بس المشكلة ان التوعية بيلها تظافر جهود... البيت والتعليم والاعلام والأنظمة..

المرقاب... بوجودك اخوي ووجود الاخوان الواعين أمثالك يكون فعل مو بس كلام.

زباير السليع... وياحبي لك أنت والله... هذا بس من ذوقك.... مشكور على الجهد الرائع

الأخ عاشق Vxr...

آمين يارب... مشكور عالمرور.
الوشيقراوي
13/12/2006, 02:57 PM
تدرون وش أحلى شي؟ تسوير الرياض (جمع روضة) مثل روضة خريم والتنهات وغيرهن.... يعني لو كل روضة تتسور بالطريقة نفسها بس بشرط... مهوب يمنعون الناس!!!! ويخلونها لفئة معينة!!!! أقصد تتسور للحماية وليس للإستيلاء... شكلي طبيت بالغويط :D :j

صدقوني راح تكبر هالرياض وتزين يوم بعد يوم وسنة عقب سنة...

المفروض يكون عندنا وزارة تعنى وتهتم بالطبيعة والبيئة.... وياليت مجلس الشورى يساهم في تحريك الأمور.

وياليت نسمع اقتراحات وأفكار من الجميع
مشعل_1001
13/12/2006, 05:48 PM
صح السانك وموضع تشكر علية
مشعل_1001
13/12/2006, 05:50 PM
صح السانك وموضع تشكر علية
غيث الحيا
13/12/2006, 05:59 PM
كلام سليم وتشكر عليه .

أتذكر عبارة كانت توقيع لأحد الأعضاء أو المشرفين وهي عبارة مشهورة ومعناها يعضد لموضوعك

( أترك المكان كما تحب أن تراه ).
الوشيقراوي
16/12/2006, 11:35 AM
الأحبة غيث الحيا ومشعل 1001...

يعطيكم العافية ومشكورين على حسن المرور.