المساعد الشخصي الرقمي

مشاهدة النسخة كاملة : رأيكم يا اخوان بالهايلكس الدبل



خبايا انسان
05/11/2014, 12:55 AM
السلام عليكم ورحمة الله وبركاتة

اسعد الله اوقاتكم

العلم يا اخوان ان دراهمي على قدي وماتجيب لي الا هايلكس دبل جديد

وانا ابي موتر استخدام يومي وسفريات ومكشات .. وحبيت استشير المجربين كيف استخدام الموتر من جميع النواحي ..

ماعمري جربته .. ولكن تيوتا معروف يكد

هل تنصحوني ف الموتر ؟

ابوفريحح
05/11/2014, 09:35 AM
وعليكم السلام

الهلي مــايحتاج قويه وجباره كد ومد ولا تشاور خفيفه وصغيره احسن من الجيب

عند اخوي 14 حتى قلص الغرفه نربطه فيها وماشاء الله ماتقصصر

بس نصصيحه لاتــأخذ وارد عبداللطيفف اللي عندنا ماوصلت 10 الاف
خرب المسجل والتخشيبة الطبلون تنفخ

مــامثل البريمي تجي من الاردن .

موفق خير

* ابو باسل *
05/11/2014, 09:40 AM
شريتها وسته شهور بعتها ما واطنتها ابد غير مريحه وضعيفه جدا هذا رايي الشخصي والله يوفقك .

طلال مكشاتي
05/11/2014, 09:44 AM
ماجربتها انا ،لاكن رح جربها انت افضل في محلات الايجار تحصل عندهم هايلكس دبل.

محب الجهاد
05/11/2014, 11:53 AM
افضل شي تسويه استأجرها ورح عليها وركب معك العائلة وأخذها يوم او يومين وخذ خط طويل ونفود وتستطيع تكوين صورة واضحة افضل

mhm-191
05/11/2014, 12:15 PM
كان معي دفرنسين شاريها وكاله 2010 وكديتها 4 سنوات وتوني بدلتها بشاص ,, الموتر مامثله , لاصرفيه بنزين , ومريحه نوعا ما , وتوديك المكان اللي تبي وانت مرتاح ( صح انها ماتقارن بالشاص ) والموتر عملي ومايطلب شي غير الزيت والسيفون ,, ولو تدخل رابطه الدفرنسين بيفيدونك اكثر , وعليك بالبريمي . استخر قبل كل شي

يكفيني نظرة
05/11/2014, 12:23 PM
انا جربت 2006

كانك تحب الموتر النشيط لاتاخذها تبي تهلكك بضعف عزمها وثقيله ..
وركبت انا لها مراوح كهرب وخرب الدينمو وقيمته عام 2007 ب 1700 ريال !!!
ميزاتها حجم متوسط لاكبيره ولاصغيره وفيها قليل من الراحه .

بالاخير لو تخيرني بينها وبين امريكي اخذت الامريكي (فورد صحن) وماشابهه مع العلم اني من مستخدمي التويوتا والنيسان والان معي تويوتا بس خلاص ولى زمنهن .

راع الهيل
05/11/2014, 04:02 PM
الهايلكس عزمها متوسط صرفيتها حلوه الراحه وسط
اذكر قبل شهر سعرها خليجي 88 الف

وعندي اقتراح لك خذلك باجيرو 2014 او2015 سياحي سته سلندر دبل مكيفين خليجي سعره 84 الف والفل ب112 الف

كانك ماتحتاج صندوق شف اقتراحي وفكر فيه

ابونبيل
05/11/2014, 04:56 PM
انا معي دفرنسين ١٣
الموتر اذا تبيه للمكاشيت فهو رقم واحد من ناحية انه يشيل ٥ ويشيل عفشك واغراضك
اما اذا انت من النوع الي يبي يراقي ويتقاوم مع خلق الله الموتر مراح يعجبك عزمه متوسط يجيب طبلونه ولله الحمد لكن ما هو حق مراقى وتطعيس لك انه يوصلك للمكان الي تبيه
اما الراحه فهو متوسط ما اقدر اقولك انه مريح لكن انا مركب تانكي ماء ١٠٠ لتر والموتر صار اريح
بختصار اذا انت راعي مكشات بشكل مستمر لا تعداه وعليك بالخليجي الي يجي مفصول المرتبه
وبالنسبه للخطوط استعمالي له خط ومكشات بختصار وبالنسبه لي اشوف ان الموتر لو هو شاص بعد فترة بتتعود عليه ولو كان قاسي واستخر وكان قدرت تجربه جربه

قناص الوعول
06/11/2014, 01:12 AM
سعر الهلي غالي شوي مقاربه لسعار الجيوب لاكن مرغوبه عند البيع واهرب من الامريكي كله خربات سيارة سنتين وتبيع بخسارة قويه

خبايا انسان
06/11/2014, 03:14 AM
الله يكتب الي فيه الخير.. شاكر لكم .. النية ان شاء الله هايلكس

dhoomi
06/11/2014, 04:08 AM
الهيلوكس حليله والله
وتبي تعجبك

نقا التنهات
06/11/2014, 10:37 AM
مهيب شينة للي سواقته راكدة وماله في المغامرات والتحديات خصوصا في الرمال ..اما الراحة الهايلكس معروف مهنا زود تطامر في الطرق السريعه كأنك راكب خيل الا اذا الموديلات الجديدة اختلف المركب مادري !
ميزتها صرفية البنزين وقلة الأعطال مهما كديتها تضل قوية ومتماسكة .
الله يوفقك ويرزقك باللي يسرك ..

صاروخ الغطغط
06/11/2014, 08:47 PM
انا جربتها ممتازه بس فيها ملاحظات.1 اذ غرزت واعشقت ﻻلدبل الخفيف كن حيلها يفتر مغير اعشق الثقيل لين تطلع وحطه بالخفيف اذ كنت بنمرة 2 وشابك الدبل الخفيف مع طلعت نفود يفتر عزمها القوه قويه تحمل وسع داخل غمارتها

كومبو
06/11/2014, 11:39 PM
كان مع 2006 استخدمته 7 سنوات
ثم بعته وأخذت لي 2013

الموتر ما شاء الله
استخدام يومي وسفريات ومكاشيت ما عليه مشاكل
إلا في السفر ما ينفع معه السرعة فوق 140 - 160 كلم لأن صوت المكينة بيكون شوي عال

حبل الوريد
07/11/2014, 01:34 AM
ثقيلة عزم وعليك بالاردنيه تطيح مبلغ كبير ومواصفات حلوه
البريميه ارخص منهم جميع واقل منهم مواصفات

خبايا انسان
08/11/2014, 05:56 AM
بحثت في المعارض

الاردني والقطري قالوا مايدخل الضمان ؟

والسعودي غالي صرفت النظر عنه

وش تنصحون يا اخوان

owwn
08/11/2014, 11:55 AM
اشتر من اليحيى اضنه ارخص واحد
وبالتوفيق

كومبو
08/11/2014, 12:09 PM
بحثت في المعارض

الاردني والقطري قالوا مايدخل الضمان ؟

والسعودي غالي صرفت النظر عنه

وش تنصحون يا اخوان

لا تسمع من أي أحد
أنا معي هايلوكس وجيب لكزس بريمي وبريفيا الفطيم 2010 2012 2013 وغيرت أشياء كثيرة على الضمان
أهم شيء أن الاستكر اللي موجود عند باب السائق مكتوب عليه مطابق للمواصفات السعودية والخليجية

القناص82
12/11/2014, 12:28 AM
اشتر وارد الكويت او الفطيم مافيها ترهيم شد بلد

رياح الشرق1
12/11/2014, 01:01 AM
اخوي ليش ماتاخذ ددسن دبل مثل الهايلكس وازين وسعره جديد اصفار 2014 63 الف شف كم توفر عن الهايلكس بحدود 37الف هذي بقيمة سياره صغيره نضيفه وتنفعك سفر ومدينه مدام فلوسك عل قدك

مسير عليكم
13/11/2014, 09:59 AM
حي الله اخوي خبايا انسان
ان كانك تبي موتر دبل وصندوق خذ الهايلكس ولا تشاور مابه حسوفه صح انه ثقيل بس هو احسن الخيارات بالنسبه لفئته
وكان اهم شي دبل وسعره طيب عندك الاكستيرا سعره طيب في المعارض مر المعارض وشفه بتلاقي مديلات 12و13 بقيمه الهايلكس