أسعار كاتم تيفال بين السبالة والشمال

[نديم الحيا]

السلام عليكم ورحمة الله وبركاته
أسعد الله صباحكم بكل خير
أمس رحت ابشتري قدر كاتم تيفال ستيل وقلت ابسعر في محلات الأواني المنزلية في شمال الرياض
وتفاجأت بأسعارهم 8 لتر بـ 720 ومريت كذا محل بدون تسمية
وجا في بالي شارع السبالة والوقت مبكر واروح للسبالة
والقى نفس القدر تيفال 8 لتر ونفس الموديل بـ 450 ريال فرق السعر 270 ريال بين محلات شمال الرياض وشارع السبالة
بصراحة اذهلني فرق السعر

[saad1985]

حياك اخوي صحيح المحلات الي في شمال الرياض غاليه جدا لكن عليك في السباله ارخص شي وصلي وموفق خير يارب

[هاني7979]

وعليكم السلام ورحمة الله وبركاته
وصباحك اخوي
بالنسبة للقدر الكاتم تيفال ستيل انا شايفه قبل اسبوع تقريبا 10لتر بسعر 445 لدى الدخيل للأواني المنزلية ببريده الفرع الجديد خلف الحسون سنتر
وعند الصانع للأواني المنزلية ببريده بسعر 475 10لتر برضه و 8 لتر اقل بقرابه 30 ريال على مااعتقد
فرنسي اصلي محفور بالقدر من تحت

[الفريح1]

فيه هاتف وزارة التجارة . يعتبر ذا غش المواطن والفرق كبير لو انه عشرة ريال نسكت عنه....

[خالد الخطير]

كاتم تيفال ١٠ لتر ستيل بالسباله يتراوح بين ٥٠٠ الى ٥٥٠ ريال

بقصر الاواني ٦١٢ ريال وبعد شهر بيكون عندهم خصم

و عند السيف قاليري ال ٦ لتر اعتقد حبه وحده امس شفتها فوق ال ٥٠٠ ريال بس بالظبط نسيت

و يكون بالعلم هناك واردين بالسوق

وارد العيسائي والي هو تحت ضمانه

وارد الامارات !!

طبعاً اعتقد الصناعه وحده

ولكن المحلات تبرر السبب

فيقولون وارد العيسائي علشان الضمان ال ١٠ لتر حول ٦٠٠

والسباله الي عندهم يقولون حول ٥٠٠ الى ٥٥٠ لانه وارد الامارات

لانهم حسب تبريرهم ان تجار يروحون للامارات ويشترونه برخص ويبيعونه هنا اغلى

بينما العيسائي وكيلنا يبيعه باغلى

يبقى الكلام الي فوق هو كلام الباعه !!

لكن ليه مافي توحيد للاسعار

وليه دايم يلعبون علينا باسم وارد كذا وكذا !!

كلها مبررات لا داعي لها لتصريف بضاعه او رفع سعر بضاعه

والمستهلك رايح بين هالشركات التجارية

[نديم الحيا]

حياك اخوي صحيح المحلات الي في شمال الرياض غاليه جدا لكن عليك في السباله ارخص شي وصلي وموفق خير يارب
حياك ربي اخوي سعد
لكن الفرق في السعر واجد ماهوب شوي

وعليكم السلام ورحمة الله وبركاته
وصباحك اخوي
بالنسبة للقدر الكاتم تيفال ستيل انا شايفه قبل اسبوع تقريبا 10لتر بسعر 445 لدى الدخيل للأواني المنزلية ببريده الفرع الجديد خلف الحسون سنتر
وعند الصانع للأواني المنزلية ببريده بسعر 475 10لتر برضه و 8 لتر اقل بقرابه 30 ريال على مااعتقد
فرنسي اصلي محفور بالقدر من تحت
حياك الله اخوي هاني
يعني أسعارهم ممتازة ومقاربة للسبالة وهي الأسعار الحقيقية للسلعة
أشكر لك مرورك

فيه هاتف وزارة التجارة . يعتبر ذا غش المواطن والفرق كبير لو انه عشرة ريال نسكت عنه....
تشوف ابلغ:cool:


كاتم تيفال 10 لتر ستيل بالسباله يتراوح بين 500 الى 550 ريال

بقصر الاواني 612 ريال وبعد شهر بيكون عندهم خصم

و عند السيف قاليري ال 6 لتر اعتقد حبه وحده امس شفتها فوق ال 500 ريال بس بالظبط نسيت

و يكون بالعلم هناك واردين بالسوق

وارد العيسائي والي هو تحت ضمانه

وارد الامارات !!

طبعاً اعتقد الصناعه وحده

ولكن المحلات تبرر السبب

فيقولون وارد العيسائي علشان الضمان ال 10 لتر حول 600

والسباله الي عندهم يقولون حول 500 الى 550 لانه وارد الامارات

لانهم حسب تبريرهم ان تجار يروحون للامارات ويشترونه برخص ويبيعونه هنا اغلى

بينما العيسائي وكيلنا يبيعه باغلى

يبقى الكلام الي فوق هو كلام الباعه !!

لكن ليه مافي توحيد للاسعار

وليه دايم يلعبون علينا باسم وارد كذا وكذا !!

كلها مبررات لا داعي لها لتصريف بضاعه او رفع سعر بضاعه

والمستهلك رايح بين هالشركات التجارية
ماحصلت الوكيل في السبالة ولا كان مريت وشفت الأسعار عنده
قالوا لي وكيله في العليا حول الداخلية
اشكر لك مرورك واضافتك

[مكشاتي مدني]

اخواني بالنسبة للقدوروجميع المواعين ترى قصر الاواني يسوي تخفيضات 50 % اخر السنة الميلادي وتحروة قريبا والسبالة مليانة تلقى القدر الضغط عند محلات بن شيهون وحاجة المنزل وباوراث وحاول كاسرهم شوي وتشوف ارخصهم تفر لك كم محل وتشوف انسب سعر بعض الناس الله يهدية يشترية من اول محل لازم تاخذ فرة بالسوق لين تشوف الارخص والله يوفق الجميع

[نديم الحيا]

اخواني بالنسبة للقدوروجميع المواعين ترى قصر الاواني يسوي تخفيضات 50 % اخر السنة الميلادي وتحروة قريبا والسبالة مليانة تلقى القدر الضغط عند محلات بن شيهون وحاجة المنزل وباوراث وحاول كاسرهم شوي وتشوف ارخصهم تفر لك كم محل وتشوف انسب سعر بعض الناس الله يهدية يشترية من اول محل لازم تاخذ فرة بالسوق لين تشوف الارخص والله يوفق الجميع
صادق اخوي مكشاتي حتى في السبالة الأسعار متفاوته من محل لمحل

[صياد الخبر]

السلام عليكم


في حملة منضمتها وزارة التجارة في الظهران مول شفتها
تعريفية للمواطنين والمقيمين
عن حقوقهم
اسمها اعرف حقك
وفي جانب اخر للشكاوى والتقليد


--
يقول من الاحباط العام لدى الجميع
لا يأتي للوزارة شكاوي
ولما جرب احد الاخوة الشكوة
فعلا تم التصرف وحجز البائع وتشميع المحل بما يثبت


لذى


تحركوا واشتكوا وسجلوا الاثباتات والادلة
الصحوة في نشوتها ف استغلوها لتطهير البلد
من السوق السوداء والايادي الاجنبية


بارك الله فيكم


بالتوفيق

[saad1985]

احب انبه اخواني المحاط الي في الشمال من غير الزيت والبنشر والبطاريات غاليه كلها من ابو يمن رافعين السعر ومن تجربه لاحد يتعامل معهم

[مانع767]

صادق كل الاجانب تلعب وتمرح ولاحسيب ولارقيب وابن الوطن كم خذ ومش وبقية العمال اللي واقف لك باب المحل واللي عند السيارة يدور الشرهه حسبنا الله ونعم الوكيل

[نديم الحيا]

السلام عليكم


في حملة منضمتها وزارة التجارة في الظهران مول شفتها
تعريفية للمواطنين والمقيمين
عن حقوقهم
اسمها اعرف حقك
وفي جانب اخر للشكاوى والتقليد


--
يقول من الاحباط العام لدى الجميع
لا يأتي للوزارة شكاوي
ولما جرب احد الاخوة الشكوة
فعلا تم التصرف وحجز البائع وتشميع المحل بما يثبت


لذى


تحركوا واشتكوا وسجلوا الاثباتات والادلة
الصحوة في نشوتها ف استغلوها لتطهير البلد
من السوق السوداء والايادي الاجنبية


بارك الله فيكم


بالتوفيق
حياك الله صياد الخبر
الوزير والكادر معه شغالين لكن الشق اكبر من الرقعة والتعاون مطلوب

[خالد الخطير]

سعر ال ١٠ لتر تيفال

الان بـ ٤٦٥ ريال بالظبط

هذا اقل سعر مر علي

[بر الوالدين]

تقول شمال الرياض

يا رجال مع إحترامي لسكان شمال الرياض فهم ملعوب عليهم

ما عندهم مانع يشرون الـ ببسي بريالين و 3 ريال

وأغلبهم طفارى يشخصون علينا وهم من جنبها

[نديم الحيا]

احب انبه اخواني المحاط الي في الشمال من غير الزيت والبنشر والبطاريات غاليه كلها من ابو يمن رافعين السعر ومن تجربه لاحد يتعامل معهم


صادق كل الاجانب تلعب وتمرح ولاحسيب ولارقيب وابن الوطن كم خذ ومش وبقية العمال اللي واقف لك باب المحل واللي عند السيارة يدور الشرهه حسبنا الله ونعم الوكيل

المحطات ماعليها اعتماد في الأسعار شغل أجانب ومايجيها الا المضطر

[نديم الحيا]

سعر ال 10 لتر تيفال

الان بـ 465 ريال بالظبط

هذا اقل سعر مر علي

حياك ربي ياخالد
سعره ممتاز لكن وين؟

[قوقل النفود]

يااخوان انا استخدم نوع تيفال صيني ستيل ممتاز جدا ٦لتر ١٨٠ ريال و١٠لتر ب٢٠٠ريال
واانا استخدمه من شهر تقريبا والله ممتاز ولابه اي عيوب
صح ان الشركه صينيه لكن تصميم الكاتم افضل من ائع

[نديم الحيا]

يااخوان انا استخدم نوع تيفال صيني ستيل ممتاز جدا 6لتر 180 ريال و10لتر ب200ريال
واانا استخدمه من شهر تقريبا والله ممتاز ولابه اي عيوب
صح ان الشركه صينيه لكن تصميم الكاتم افضل من ائع

حياك ربي ياقول النفود
تقصد اللي مطلي بتيفال من الداخل؟

[خالد الخطير]

حياك ربي ياخالد
سعره ممتاز لكن وين؟

بسوق المعيقلية فيه كم محل جنب بعض

انا طحت فيه من شخص عزيز

ارسل لي موقعه وتساب

لذلك ماني حافظ موقعه بالظبط

واعل لي عوده بوصف دقيق له

لكن مبدأياً ارسل لي رقمك خاص

وبارسل لك موقعه وتساب

والشيخ قوقل مابز بيكمل المهمه لين يطيحك على المحل بالظبط !!

وانا انصح فيه قدر التيفال الفرنسي الستيل

لان عندي بالبيت 8 لتر شريته قبل سنتين

و استخدمه بالبيت وبالاستراحه وبالبر

مسكين طلعت عيونه وكانه جديد

ولكن خليت ال 8 لتر للبيت

واخذت 10 لتر ماينزل السياره للمهمات الطارئه :D

[قوقل النفود]

حياك ربي ياقول النفود
تقصد اللي مطلي بتيفال من الداخل؟


هلا بك اخوي نديم الحيا
اقصد الكاتم اللي شكله من الخارج مثل السب الفرنسي
ومن داخل تيفال
واشوفه يؤدي نفس الغرض لكن يبي حذر بالغسيل والطبخ
عشان مايخدش من الداخل

[ftc2003]

بالتوفيق للجميع

[قوقل النفود]

الله يوفقنا واياك

[بدران الدوسري]

الله يجزاك خير

اذكر قد سولفت مع واحد في محل على شارع السبالة يقول معظم الاواني المنزلية تلقاها في محلات ابو ريالين أرخص من عندنا

على كلامة يقول السبب لانهم ينزلون كميات كبيره فيبيعونها برأس مالها على عكسنا الي ناخذ ربح من الاواني تاصل لـ 50 ريال

صراحه كلامة اقنعني نوعا ما , والرجال نصوح

[خالد الخطير]

الله يجزاك خير

اذكر قد سولفت مع واحد في محل على شارع السبالة يقول معظم الاواني المنزلية تلقاها في محلات ابو ريالين أرخص من عندنا

على كلامة يقول السبب لانهم ينزلون كميات كبيره فيبيعونها برأس مالها على عكسنا الي ناخذ ربح من الاواني تاصل لـ 50 ريال

صراحه كلامة اقنعني نوعا ما , والرجال نصوح

وهذا الحاصل

انا لقيته بمحل واحد بالسباله 500 ريال الـ 10 لتر

وباقي المحلات بالسباله 550 ريال الـ 10 لتر

و بقصر الاواني 612 ريال الـ 10 لتر

و باسواق العويس من 550 ريال الى 600 ريال الـ 10 لتر

وبمحل بالديرة 465 ريال الـ 10 لتر

وواضح تفاوت السعر علشان ايجار المحل !!