المساعد الشخصي الرقمي

مشاهدة النسخة كاملة : تغيير زيت القير لمكينه 5.7



turkighafees
09/11/2014, 02:20 PM
السلام عليكم ورحمه الله وبركاته


تغيير زيت القير لمكينه 5.7
للتندرا لان معي تندرا هو الاول وبعدين الكزس واللاند كروزر اي موديل من الجدد



اليوم استفدت فايده وحبيت انقلها لكم للفائده ...

عندي سيارتي تندرا مكينه وقير لكزس 5.7 والمكينه هذي نزل معها نوعين من القيور
(غير مطور)و(مطور)

النوع الاول (غير مطور)

نوع فيه عيار زيت القير ، لا تزيد عن المشي كحد اقصى حد 60000 كلم واذا زاد الممشى يكون فيه احتمال عند تغيير زيت القير يكون ما يعمل القير بشكل جيد ابدا ومن الممكن انه ما يمشي معك كيلوات معدوده واذا كان ممشى السياره ازود عن 100 الف كلم ينصح بعدم تغييره والانتظار لين يخبط القير بعد استعمالك له السنه او السنتين ... والله يعوض عليك

النوع الثاني (مطور)

واما اهذا النوع يكون بدون عيار زيت القير وهذا النوع مطور عن النوع الاول تمشي فيه متى ما بغيت تغيره اي ممشى والنصيحه من الوكاله 120الف كلم او 80 الف ميل

والله الموفق
نصيحتي كل واحد يشيك على سيارته ولا يتاخر عن تغيير الزيت للقير ،لقيت القير في التشليح 10000 الى 12000 ربال

وللمعلوميه
التندرا قيره مطور 2010 الي معي
اخوكم
تركي الغفيص - ابوعبدالله

عاشق الهدد051
09/11/2014, 08:59 PM
و عليكم السلام ورحمة الله و بركاته
جزاك الله خير الافادة
بس ما تشوف ان ١٢٠ الف كلم في اجوائنا
كثيرة بالحيل انا اشوف كل ٧٠ او ٨٠ افضل
و احسن للقير و محتوياته مثل الكلتشات و غيرها
طبعا انت ابخص في موترك و انا الصراحة ما جربت
الموتر لكن هذا رأيي في الزيت
و الله يوفقك