أفضل طاحونة قهوة على ولاعة السيارة

[كسول]

بسم الله الرحمن الرحيم

السلام عليكم ورحمة الله وبركاته

أخواني الاعزاء مثل ماهو بالعنوان / أفضل طاحونة قهوة على ولاعة السيارة
بالنسبة للجودة اهم شي

بارك الله فيكم جميعاً ....

محبكم / كسول -- ابومحمد

[كسول]

ياعيال تكفون ما هو أفضل نووووووووووووووع ابروح اشري الان بإذن الله

[بدر العبدالعزيز]

السلام عليكم اخوي كسول

شف الرابط لمحل الصحراء اتوقع الاستيل ممتاز وانا ماجربته

http://www.mekshat.com/vb/showthread.php?t=547765

[كسول]

تسلم أخي الغالي / بدر
ماقصرت بيض الله وجهك

[m2006m]

السلام عليكم
الاستيل حلوه جداا من واقع تجربة سنتين ولله الحمد وطحنها ممتاز
من محل الصحراء اعتقد سعرها ب 150 ريال

[sfr]

انا شفت عند محلات القاضي نفس الطاحون القديمة البرتقالية مرهمه وتشتغل على ولاعة السيارة وأظن سعرها بين 150 و 180

[طارق99]

والله من رأيي ياخوي أنك تاخذ طاحونة مولينكس البرتقالية الصغيرة اللي على الكهرب وتمر أحد محلات الرحلات وتشري لك محول 150واط وتخليهن بالعزبة أفضل لك.
والشي الثاني لو سافرت ورحت لشقة تلقى الطاحونة جاهزة..

أقول لك عن تجربة أستخدم الطاحونة بالبر وبالشقة وبالفندق..
الله يوفقنا وإياكم للإيمان والعمل الصالح..

[أبو شيري]

والله من رأيي ياخوي أنك تاخذ طاحونة مولينكس البرتقالية الصغيرة اللي على الكهرب وتمر أحد محلات الرحلات وتشري لك محول 150واط وتخليهن بالعزبة أفضل لك.
والشي الثاني لو سافرت ورحت لشقة تلقى الطاحونة جاهزة..

أقول لك عن تجربة أستخدم الطاحونة بالبر وبالشقة وبالفندق..
الله يوفقنا وإياكم للإيمان والعمل الصالح..



عطاك العلم أخونا طارق


هذا هو الأفضل يعني وين ما تروح تعمل على الطاحونه برا وبحراً

[Mohammed5d]

فعلا كلام الاخ طارق صحيح ابعد عن الولاعه اشتر لك محول تستفيد منه في السياره والطاحونه على كهرب وتقدر تشغل عليه فرامه البصل او اي شي

[التميمي 3535]

شريت الطاحونه من برق الحيا تصليح العمران بريدة مره ممتازه القهوه تجلس عندي 5 شهور مقفله في علبه حديد
ماشاء الله تبارك الله تحس بالكيف بالقهوة ( الولاعه بالسيارة افضل وخاصه بالعزبه إذا بتسافر انزل تحت بالمواقف اطحن حق دله مافيه مشكله احسبها رياضها خفف الوزن لاني اكره استخدام المحول في السيارة )
تحياتي

[خالد الخطير]

نفس التساؤل عن المطحنه

هل نشتري مطحنه نوع معين من المحلات ونقلب الفيش لولاعه !!

او نشتري من الجاهزات ؟! وهل فيه نوع ينصح فيه

ولا رايكم نرجع للنجر :D

[منصورالشمري]

والله من رأيي ياخوي أنك تاخذ طاحونة مولينكس البرتقالية الصغيرة اللي على الكهرب وتمر أحد محلات الرحلات وتشري لك محول 150واط وتخليهن بالعزبة أفضل لك.
والشي الثاني لو سافرت ورحت لشقة تلقى الطاحونة جاهزة..

أقول لك عن تجربة أستخدم الطاحونة بالبر وبالشقة وبالفندق..
الله يوفقنا وإياكم للإيمان والعمل الصالح..

:good2::good2::good2:

[ابوعزااام]

لايصلح انك تغير راس الفيش لااااااااازم محول كهرب لان كهرباء البيت غير كهرباء السياره

[ابوعزااام]

نفس التساؤل عن المطحنه

هل نشتري مطحنه نوع معين من المحلات ونقلب الفيش لولاعه !!

او نشتري من الجاهزات ؟! وهل فيه نوع ينصح فيه

ولا رايكم نرجع للنجر :D
مايصلح لااااااازم محول كهرباء لان كهربا البيت غير كهربا االسياره

[كسول]

مرحباً بالجميع وأهلاً بكم جميعاً
مشكورين على المرور والتعليق ومنكم نستفيد
فبارك الله فيكم ونفع الله بكم
بعد مشاورة وتحليل واخذ بعض التجارب من الاخوة
رحت البارح لمحل العمر ببريدة وشريت طاحونة على ولاعة
حيث مدحها أكثر من شخص من واقع تجربه وعليها ضمان ويجري عليها بعض التعديلات راعي المحل
واعتقد ان محل برق الحيا يتعامل معه
وعنده الان طلبية جالس يجهزها حوالي 400حسب كلامه
مشكورين مشكورين مشكورين

[كرى]

مرحباً بالجميع وأهلاً بكم جميعاً
مشكورين على المرور والتعليق ومنكم نستفيد
فبارك الله فيكم ونفع الله بكم
بعد مشاورة وتحليل واخذ بعض التجارب من الاخوة
رحت البارح لمحل العمر ببريدة وشريت طاحونة على ولاعة
حيث مدحها أكثر من شخص من واقع تجربه وعليها ضمان ويجري عليها بعض التعديلات راعي المحل
واعتقد ان محل برق الحيا يتعامل معه
وعنده الان طلبية جالس يجهزها حوالي 400حسب كلامه
مشكورين مشكورين مشكورين
وش صناعتها
كم قيمتها

[كسول]

وش صناعتها
كم قيمتها

صناعتها / صيني بس يبدل الدينو بواحد ثاني صيني نوع مضمون
قيمتها / 130 ريال

[محلات الكشاتة]

متوفر لدينا
البرتقاليه
وسعرها٥٥ريال

[خالد الخطير]

متوفر لدينا
البرتقاليه
وسعرها55ريال

وش نوعها ؟

وهل فيشها زي الولاعه !! مرهم !!