المساعد الشخصي الرقمي

مشاهدة النسخة كاملة : ماهي الأشياء المهمة في إختيار منفاخ (ماطور ) هواء مناسب ؟؟



القناص الشامي
11/11/2014, 09:10 AM
يا شباب ممكن تفيدوني بالإجابة على سؤالي لو تكرمتم ..
ماهي الأشياء المهمة في إختيار منفاخ (ماطور ) هواء مناسب ؟؟

ولكم تحياتي ،،،،

الصيادالمليح
11/11/2014, 09:18 AM
القوة و القدرة و مكان الصنع و القيمة

ناصح
11/11/2014, 10:30 AM
القوة و القدرة و مكان الصنع و القيمة
:good:

القوة و القدرة و مكان الصنع و القيمة

مكان الصنع الأغلب صيني :)
لكن مصانع الصين تصنع بحسب طلب التاجر هنا من حيث القوة والاعتمادية

القناص الشامي
11/11/2014, 10:42 AM
في بعضها مكتوب عليها 100PSI و 200PSI كيف اعرف المدة الي يعبي فيها الكفر ؟

مشكورين على المشاركات ... الله يعطيكم العافية .. المزيد

اليامي قطر
11/11/2014, 11:04 AM
انا شريت ماطور هواء لونه اصفر

ياباني والتركيب صيني لكن اصلي ماشاءلله للحين عندي

شغال وممتاز والسعر والله نسيت كم شاريه لانه يمكن له 3 سنوات عندي

جلعاد
11/11/2014, 01:27 PM
بالنسبة لي أهم شي مدة التشغيل المتواصل .. بعضهم ربع ساعه وبعضهم نص ساعه وبعضهم ساعة .. عشان اذا بغيت تعبي اكثر من سيارة ...وطبعاً سرعة النفخ ،، وطريقه تركيب الهوز على الكفر ، بعضها يكون كبس وبعضها يكون ربط ( له سنه مثل تركيب غطاء البلف ) والنوع الاول اسهل بالتركيب.....
وبالنسبة لي عندي ابو جمل تيربوا ممتاز ،... سريع وسهل التركيب على الكفر ( كبس ) لاكن سعره غالي شوي ( تقريباً) 480 ريال ... وفيه نوع عند الرماية بعد يمدحونه تقريبا سعره 265 ريال

الشولة
11/11/2014, 07:55 PM
السلام عليكم أخي العزيز
في رحلة البحث عن المواطير الصراحة إكتشفت إنه من المفروض تبداء بالبحث عبر هذا التسلسل:
١- الجودة (معناها كم المدة التي يعيشها هذا الماطور عندك على حسب إستخدامك).
٢- السرعة (معناها كم يحتاج الماطور من الوقت لتعبئة الكفر الواحد و كم من الوقت لتعبئة الأربع كفرات).
٣- الكفائه ( معناها كم المدة التي يستطيع الماطور العمل بها بدون توقف او تغير في الأداء).
٤- السعر.
*ملاحظات:
طول سلك الكهرب و قصر لي الماطور يعطي نتائج أفضل من قصر السلك و طول اللي لأنه يضيع الكثير من الجهد مع الليات الطويله.
نوعية رأس البلف في طرف اللي تبع الماطور ممكن تسهل عليك عملية النفخ أو تصعبها.
كثير من المواطير ترتفع حرارتها مع الإستخدام يجب بعد الإنتهاء من إستخدامها عدم وضعها مع اللي و السلك في حقيبة واحدة لكي لا تؤثر الحرارة على السلك أو اللي.
- السرعة تقاس بعدد اللترات المكعبة لكل دقيقه تقريباً وليس حسب ضغط الهواء الذي يستطيع الماطور تحمله.
أخيراً وليس أخراً أفضل الموجود في المملكة العربية السعودية بسعر مقبول نسبياً هي مواطير أبو جمل من الوكيل مؤسسة الشراع و لديه أنواع مختلفه لتلبية الرغبات لكن تأكد من حصولك على منتجهم الأصلي لكثرة التقليد في السوق.
متمنياً لك التوفيق في إيجاد الماطور الأنسب لك.

القناص الشامي
12/11/2014, 10:21 AM
الله يعطيكم العافية على المشاركات والمعلومات القيمة ... مشكورين

القناص الشامي
12/11/2014, 10:31 AM
لقيت نوع أبوجمل 2 سلندر صيني ب 120 ريال نفس الي بالصورة

http://cdn.top4top.net/i_a5529de6091.jpg

القناص الشامي
12/11/2014, 10:32 AM
ايش رأيكم فيه ؟

كاتم2
12/11/2014, 03:14 PM
الافضل انك تمر محل الشراع لأنه هو الوكيل وغيره لاتشتري منه طبعا اقصد ماركة (أبوجمل)
بالنسبه للي في الصوره أذكر اني سألت الشراع عنه وقال تقليد لأني مالقيت عنده نفس اللي بالصوره
أرخص ماطور عند الشراع تقريبا ب 250 ريال وله فروع في الدمام والرياض
ملاحظه
كل مازاد عدد الامبير كل ماكان أقوى وسعر أغلى
بالتوفيق

يزيد 999
13/11/2014, 01:41 AM
هج عن اللي بالصورة ياخذ وقت طويل بالنفخ وأسلاك الكهرب مع الإستخدام تقطع وترتفع حرارته بسرعة وماتقدر تنفخ فيه كل الكفرات مرة وحدة أنصحك تروح للشراع نفسه وتشري من عنده عشان تطمن قلبك +تاخذ عليه ضمان وأفضل نوع عنده (التيربو) 480ريال وفيه النوع اللي بعده (سلك طويل ولي قصير) 360 الظاهر وأنا مجربه ممتاز جدا وفيه اللي تحته ب 250 أتوقع

القناص الشامي
13/11/2014, 08:12 AM
ممتاز .. وين موقع محل الشراع الي بالدمام ....

ومشكورين على المشاركات القيمة

no fear 78
13/11/2014, 08:27 AM
السلام عليكم
شوف يا خوي انه شريت منه زين للسيارات الصغيرة
للكبير انت و حضك
موقع محل الشراع في الدمام في شارع التيوتا

قطب 999
13/11/2014, 08:51 AM
هذا اللي في الصوره تقليد

ابوعبدالله 33
13/11/2014, 11:22 AM
السلام عليكم
بالضبط مثل ماقول الاخ الشوله ان طول سلك الكهرب وقصر لي الهوا يعطي دفع اكبر للهواء. بالاضافة الى ماقالوه الاخوان

Esam
13/11/2014, 11:51 AM
فعلاً ابوجمل حق الشراع ابو لي قصير ممتاز
وعلى ما اذكر شاريه بـ360

شنطة عده
14/11/2014, 01:30 AM
شريت نفس هذا . رخيص ويسد اللزوم ولا باس به (انصح فيه للاستخدام العادي وما يصلح للاستخدام الشاق)
عدلت فيه بعض الاشياء
تقصير لى التعئبه وتطويل السلك

http://cdn.top4top.net/i_a5529de6091.jpg[/QUOTE]

الشولة
14/11/2014, 02:58 AM
السلام عليكم و رحمة الله و بركاته
أخي الكريم في الحقيقة صورت الكرت حق الوكيل مؤسسة الشراع لكن الصورة ما كانت واضحه لذلك سوف أعطيك رقم تلفون فرعهم في الدمام و تواصل معهم لكي يعطوك عنوانهم
رقم التلفون : ٠١٣٨٣٢٧٧٤٤
وللمعلومية في أخر مره كنت عندهم إرتفعت أسعارهم فأقل ماطور لديهم لسيارات الدفع الرباعي ب٣٤٠ريال و أغلى ماطور ب٤٧٥ريال أما المواطير حقت السيارات الصغيره تكون أرخص وليس لدي علم عن أسعارها و أنا أنصحك بالماطور اللي قيمته ٣٤٠ريال لأن سلكه طويل و لي الهواء فيه قصير و الصوره على الكرتون لجيب رانجلر عنابي و أعتقد إسمه عندهم CDE
الله يوفقك و تحصل مبتغاك

القناص الشامي
16/11/2014, 09:32 AM
الله يسعدكم جميعا .. ومشكورين على المرور والمعلومات القيمة