المساعد الشخصي الرقمي

مشاهدة النسخة كاملة : سؤال عن احداثيات فياض المستوي ؟؟؟


طخيمان
12/12/2006, 02:39 PM
يا جماعة الخير سؤالي عن فياض المستوي (أم حزم) اللي عند شعيب الخويش الشمالي والجنوبي

ودي أعرف كم عدد الفياض واحداثياتها الله لا يهينكم والله يعطيكم العافية ...
المشراق
12/12/2006, 02:46 PM
خي الكريم الخويشات ما يبيلها إحداثيات إذا انك تعرف طريق أم حزم شقراء حيث أنك ستجد لكل واحد لوحة على الخط مكتوب اسمه عليها 0
طخيمان
12/12/2006, 05:56 PM
المشراق

طريق شقراء ام حزم سهل والخويشات مهيب مشكلة فيه لوحات
لكن الفياض تدخل أكثر من 20 كيلو بر وبصراحة ما ادلها انا اللي خابره انه قبل كم سنة رحنا ودخلنا من عند الابراج من بين برجي 163 و 164 ومشينا ودخلنا النفود إلين طحنا في الفياض

عشان كذا أبي الوصف الدقيق أو الاحداثيات ومشكورين
رسلان
12/12/2006, 06:23 PM
الفياض كثيرة جد ًفهي بامتداد النفود ...
وهي واقعة مابين أصفر المستوي ونفود صعافيق ..
تمتد لمسافة 40 كم أو تزيد ...
كما ذكرت من طريق أم حزم - روضة الحسو وعبر الطريق الترابي مع امتداد أبراج الكهرباء الكبيرة باتجاه الجنوب وبعد انتهاء العرق الصغير الاتجاه جهة الغرب مع القرشع وبالوصول للنفود تصل للفياض ومع الجال باتجاه الجنوب تمتد الفياض بكثافة كبيرة لك التنقل والاختيار أيها تشاء ...
سرت فيها الخميس الماضي مايقارب 38 كم وتوقفت ... ويوجد المزيد لو أكملت المسير ...
فارس بريده
12/12/2006, 08:07 PM
حيا الله الاخوان

يا ليت يكون الوصف اكثر دقه

نبي نتعبكم يا ليت الوصف من ام حزم نفس الديره

وان حصل الاحداثيات يكون افضل واريح

والله يجزاكم الجنه

مشكورين
القرم 500
12/12/2006, 10:08 PM
وانا محتاج زيارة المنطقة نبي واحد يفيدنا بوصف واضح لان ما معي قارمن ويا ريت ارفاق خريطة مصغرة ويحدد بها المسافة بالكيلو
مفتون بالصيد
12/12/2006, 10:20 PM
لا تعب نفسك يالقرم طقلك قارمن وريح بالك وهذا رأيى
خبرااي
13/12/2006, 09:58 AM
هذي الصوره من قوقل ايرث تقدر تدخل الا حداثيه الموجوده بالصوره وتتفقد الطرق اللي الاخوان بعضهم اشارو لها وهذي الصوره تم المستوي وتقاطع ام سدره على طريق الرياض القصيم والزلفي شمال مثل مافي بالصوره
http://www.mekshat.com/pix/upload/images24/mk35178_p-for-mstoi.jpg
طخيمان
15/12/2006, 10:47 PM
مشكورين يا اخوان كل ن باسمه وما قصرتوا والله يعطيكم العافية
أبو سهيل
16/12/2006, 11:34 AM
الحر "طير شلوى" عطاك إياها بالتفصيل الممل في هذا الموضوع :

http://www.mekshat.com/vb/showthread.php?t=66399
طخيمان
16/12/2006, 07:43 PM
مشكور اخوي أبو سهيل وما قصرت