المساعد الشخصي الرقمي

مشاهدة النسخة كاملة : زيت الشاص


GMC 111
14/11/2014, 12:56 PM
السلام عليكم ورحمة الله وبركاته

ابشركم يالربع شريت شاص بريمي 2014 من معارض النسيم

عاد خويكم مامن خبره بالتويوتا انا طلعت الموتر من المعرض اصفار

مدري وش وضع الصيانه وتغيير الزيت يعني ارجع لمين هل اروح لعبداللطيف جميل؟؟

هل الوكيل عندنا يضمن الموتر ولا لا انا مامعي اوراق ضمان من وكيله البريمي وش الحل وكيف ادخله على ضمان الوكيل عندنا

وعلى كم تغيير الزيت هل هو 5 الأف ولا 10

وسمعت انه يتم تغيير الزيت بالتويوتا لأول مره عند العداد 1000

والله يجزاكم خير مقدمآ
اسبيدر مان
14/11/2014, 09:36 PM
ماشاء الله
الف مبروك وعساه مركوب السعد
الصيانه
تروح اذا مشى الموتر 1000 كيلو الى مركز الصيانه عند ابوجميل وتفتح ملف وتدخل السيارة عندهم طبعا الصيانه مجانيه لكن انت تدفع قيمة الزيت والسيفون واذا رغبت بالغسيل يغسلون لك السياره مجانا
وبعدها كل عشرة الاف تمر عليهم والله يعينك على اسعارهم
وبتوفيق
kbobe
14/11/2014, 09:49 PM
الله يطعمك خيره ويكفيك شره الزيت حق الوكاله تغير على ١٠٠٠ او ٢٠٠٠ ورح افتح ملف لصيانه عند جميل لئن سيارك خليجيه المهم الزيت غيره كل 5000
GMC 111
15/11/2014, 04:37 PM
الله لايهينكم يالربع ماقصرتو
عايض الاحمدي
16/11/2014, 07:49 AM
ما شاء الله الله يعطيك خيره ويكفيك شره
خذها مني اول زيت غيره على ٢٠٠٠
ولا تنسى تحط الجلدة الزرقاء الي بين الصره والكرتير تنباع عند ابو جميل ممتازة تمنع الزيت تماماً بعكس الوردات الثانيه الي تنشطب ،
هي عباره ورده زرقاء وسطها وصله ألمنيوم والجزء الاسمك من الجهتين وجهه للكرتير،وخذ لك زيت سوبر جي تي الاسود
وعوافي
الله يعطيك خيره ويكفيك شره
الشرقيه 03
16/11/2014, 08:08 AM
انتبه تحط اي زيت ثقيل 50-20 نصيــــــــــــــحه

افضل الزيوت الزيوت الخفيفه مثل:
يترومين a1 تخليقي بالكامل واخر تصنيف SN
موتر كرافت نصف تخليقي 30-10 واخر تصنيف SN
وفيه غيرها اهم شيء لاتحط ثقيل وهذا ليس كلامي
هذا الكلام تلقاه في دفتر المصنع بالضبط

والله يعطيك خيره ويكفيك شره
حبل الوريد
17/11/2014, 01:27 AM
يا رجال الشاص عطي الله لو تبي تغير بالوكاله لهطوك دراهم قيمة الصيانه
تبي تبيعه ما ركبت فيه مسمار ان شاء الله
عليك بالكاسترول ١٠ دبليو ٣٠ كل ٤٠٠٠
أبو راشد 33
17/11/2014, 03:52 PM
العلم أنك تمر شارع الريل طال عمرك و تشتري كرتون زيت المناسب حسب الكتلوج
وبعدها تمر محلات قطع غيار و تاخذ فلاتر أصلية
و أول تغيير بعد 5000 عند أقرب بنشري و خل عنك الوكالة غلا على غير سنع
الواحد يشتري موتر جديد عشان يريح راسه مو كل 5000 كم محضر في الوكالة

الله يبارك لك في موترك و يعطيك خيره و يكفيك شره