المساعد الشخصي الرقمي

مشاهدة النسخة كاملة : رأيك يهمني عن الجيب الشروكي


المرتاح111
12/12/2006, 03:32 PM
السلام عليكم ومسّاكم الله بالخير أجمعين

ان ودي اشتري جيب شروكي وحبيت اخذ رايكم فيه قبل ما أتورط به
فيا ليت اللي عنده أي معلومات عنه يفيدني بها وأيضاً النوع الزين
وأسعاره ولا عدمت ردودكم وشوفت يوزراتكم ..

أنتظركم يا أخوان مكشات الله يخليكم لنا ..
فنجال
12/12/2006, 03:47 PM
عليكم السلام
اقول يالمرتاح ..ياخوي تراك رادن على نفسك تقول قبل ماترورط به ..هاانااخوك جود كلمتك وانحش :p .....
تحياتي اخوك ابوسالم
abu salhe
12/12/2006, 04:00 PM
لا يقربك ابد!!!!!!!!!!!!!!!!!!
لو تمشي على رجلولك؟؟؟؟؟؟؟؟؟؟؟؟
abo lafi
12/12/2006, 04:01 PM
السلام عليكم
بالنسبه للشروكي والله انه موتر بس عليك بالنظيف ولو انه غالي انا معي واحد موديل 98
وممتازوله معي سنتين وفيه قوه ماشاء الله
ولكن اذا عزمت لاتاخذ إلا قير اوتوماتيك لانه اصبر
عاشق هدوء
12/12/2006, 04:06 PM
اذا ماعندك مانع تغير اسمك من المرتاح الى الشقيان اشتره!
جهآم
12/12/2006, 04:08 PM
وعليكم السلام يالمرتاح إذا تبي ترتاح لايقربنك الشروكي . انا عندي واحد كل ماصلحت شي خرب شي وقد قال رحمه الله .الشروكي اوجع اوروكي . لا لا لا لا يقرررررربنك . لا تعدا التايوتا وانت ابخص والله الموفق .
المرتاح111
12/12/2006, 05:12 PM
يا مااااااااااااااااااااال العافية يا الربع والله ما قصرتوا وانا قد سمعت انه
علة لكن بغيت اتأكد ...
الله يجزاكم الجنة وشكراً لكم على المرور
غالي
12/12/2006, 05:16 PM
انا انصحك من واقع تجربه وليس كلام عن سمع .............. انك تبعد عنه
واذا كنت تبي تاخذ شيروكي ونفسك فيه
خذ النوع السياحي مره حتى لو يجي درايش يدويه يكون افضل وهذا كان معي موديل 1994 ماشيء زي العسل
وابعد عن القير التوماتيك لاتاخذ الا قير عادي
ملاحظه: والله يعينك على قطع غياره

اما الفل اوبشن كانتري وغيره
نصيحة اخو ابعد عنه
مطلع كانتري عام 1997 ب109 واخر شيء يمين بالله بايعه في عام 2003 ب20 الف ريال وحبيت يدي مقلوبه انه راح والله يستر على الي شراه
اول شيء اي بي سي يخرب ولايفرمل وكم مره بغيت اتوفى من هالسبب
وثاني شيء حراره وان ارتفعت وقف بك بالشارع وهالعالم تدفدف فيك :(
وثالث شيء كهرباء
وبلاوي الله لايوريك
ــــــــــــــــــــــــــ
ملاحظه ان لقيت شيروكي انتبه يكون مرهم في السابق
والله الموفق
فارس بريده
12/12/2006, 05:27 PM
الشروكي ما شاء الله

الشروكي عنده صلة رحم ما شاء الله عليه لكن مع مين

مع الورشات

ما يقدر يبطي عنهم لا افا مكا افا لازم يسير يلخذ علومهم
رانجلر2000
12/12/2006, 06:47 PM
بقولك سالفتي وانت الحكم

اناشريت شروكي رانجلر قبل سنه

وعدلته تعديل كامل يعني ماخذه العب به

اللي صار لي خلال السنه
مع اني كل نهايه اسبوع لازم اطب النفود

تغير قير(وللاسف شريت السياره والزيت كان ناقص..ولاشيكت..وطق القير)
حساس الكرنك...120ريال
وسلامت قلبك

اهم شي يكون تركيزك على الزيت والحراره

ولله الحمد الحراره عندي ماتعدت النص لا بالصيف ولا الشتاء

واستخدامه حلوووو

والعزم يطيح اللي براسك

....

وانا راضي عنه رضى تام
GMC79
12/12/2006, 09:39 PM
هذا الرابط يفيدك ان شاء الله
http://www.mekshat.com/vb/showthread.php?t=55704
السالمي
12/12/2006, 10:31 PM
الجيب سيارات الفاهمين

ولو فيه نقص ماشفتوه بالشوارع من موديل 85 وهو متوفر

ياليت تسمعوني ياللي تعيبون الشروكي

الجيب سياره امريكيه والسيارات الامريكيه تحتاج تشييك كل 6 شهور
والتشييك يكون على الفلاتر والبواجي واسلاك البواجي

واذا حافظت عليه بيعيش معك

اغلب اللي يشتكون من الشروكي متعود على الياباني وفيه فرق بالاستخدام بين الامريكي والياباني

الامريكي اذا حافظت عليه يعيش معك اكثر من الياباني

حنا كان عندنا كابرس 87 شارينه في 50 الف وعاش معنا 14 سنه وبعناه ومكينته ستاااااااااااندر مافكت لاهي ولا القير

وانا عندي الان قراند شروكي ماهو شروكي قراند اللي يسبونه اكثر من الشروكي

والله اني ماخليت مكان مارحت له فيه قبل اسبوعين واصل فيه للدهنا والصمان والسفانيه ماعمري رديته عن درب

لاكن محافظ عليه وحرارته ماتتعدا الربع لاني مغير البلف

والان ابي ابيعه وابي اخذ واحد جديد

عيال عمي في حفر الباطن معهم شروكي سبورت 91 له عندهم اكثر من 10 سنوات ومايقنصون الا عليه

لانه قديم شوي ومايخافون عليه كل طريق يطبه بس محافظين عليه

الشروكي اقوى الجيوب واقلها استهلاك للوقود تانكيه عن تانكيين

واذا لقى من يفهم له بيعيش معه

والسياره اذا عاكست معك تبي تعيفها وتخاف منها مهما كان نوعها
مهراس
13/12/2006, 06:18 AM
السلام عليكم ورحمة الله وبركاته

انا مع الأخ السالمي وأحترم رأي الجميع بان الأنواع الأخرى فيها ميزات تختلف عن الجيوب الشيروكي والقراند شيروكي. والله يوفق الجميع

أبو فهد
ما يهاب
13/12/2006, 08:23 AM
أخوي المرتاح السلام عليكم
الجيب الشروكي فيه مشكله وتجي من غير سابق انذار وهي اذا كنت في البر تحس إن الموتر يتلفت اذا شاف ما حولك أحد يبي يساعدك طفى ولا يمكن يشتغل أخوي أنصحك إن تشيل الشروكي من راسك وتاخذ يا تايوتا أو نيسان .
Bader-M
13/12/2006, 05:57 PM
يمتاز الشوركي

1- قلة صرف الوقود
2- سعر قطع الغيار
3- سهل الصيانه
4- العزم العالي
5- السعر

العيوبه
1- الضيق
2- التكيف

الاسعار

98 -99
يتراوح بين 21 - 24 الف ريال

2000- 2002
من 25 - 30 الف ريال

هذا الاسعار بنسبه للرياض

تحياتي اليك
بواسامه
13/12/2006, 06:06 PM
السعيد من وعظ بغيره
المرتاح111
13/12/2006, 06:47 PM
يا ماااااااااااال العافية يا الربع وانا اشهد انكم ما قصرتوا أبد
غيث الحيا
13/12/2006, 06:50 PM
رأي شخصي وبعد تجربة سنة ونصف ..أرجو ألا ألام عليه

( فر من الشروكي فرارك من الأسد )
جراند شروكي
13/12/2006, 07:29 PM
يا السالمي اخوك يبي يشتري جيب شروكي وتوني جاي من المعارض داخ راسي فاذا ودك تبيع الموتر علمني بمواصفاته وردلي خبر وكم حدك فيه ....................
Vortech
13/12/2006, 08:59 PM
هههههههههههههههههههههههههههههههههههههههههههههههههه

ما يهاب شكلك مقروص من الموتر خخخخخخخخخخخخخخخ

الموتر عجيب كان عند عيال عمي واحد موديل 95 قير عادي

كرفناه كرف ولا قال شئ

ولكن مشكلته انه يطب

وعر اشهد انه وعـــــــــــــــــر لو تحط له مساعدات ان شاء الله لكزس راح يطب عندك

ولا علي من احد اوعر سياره ترى الشيروكي اوعر حتى من الشاص....

وضيق.... كانك راكب في ددسن ههههههههه

وسلامتكم
السالمي
13/12/2006, 09:33 PM
اخوي قراند شروكي


اللي عندي قراند شروكي لاريدو 94


من الصدام الى الصدام اذا لقيت فيه دقة شاكوش لاتاخه


مكينه قير دفرنس عموووووووود على الشرط قبل الفحص


والحراره اذا تعدت الربع لاتاخذه


الموتر مسيوم في 18 الف من صديق وابي فيه 21 الف

وهذي صورته في شعيب المسعودي






http://www.9q9q.org/index.php?image=TdjJjITXSGHea3
المرتاح111
13/12/2006, 11:23 PM
الله يجزاكم خير وما تقصرون
وانا هونت من الشروكي عسى الله
يرزقنا بأفضل منه .. لا هنتو يا النشاما