هل انت مع أو ضد البطارية الاضافية ؟؟

[علي العساف]

السلام عليكم

كما هو واضح في العنوان

هل انت مع أو ضد البطارية الاضافية ؟؟

مع بيان السبب

[ابولولو]

ابو عساف أوفق بقوة للثانية خاصه اذا صارت حلوه وجميله وبنت ناس هههههههه

قصدي اذا لقيت مهندس صح يركبه لك ولا له غنى بالسيارة خاصة راعي البر واللي معي لمبات وماطور هواء ويشغل

أدوات كهربائه ثانيه

اذا تعطلت عليك البطارية وانت لحالك باالبر ابلش

اشوفه ضرورية جدآ لأَنِّي عرفت قيمة يوم من الأيام

[Mohammed5d]

معها وبشده تريحك خاصه اذا تستخدم ثلاجة
وفائدة الحقيقه عرفتها قبل سبوع فضت البطاريه الاساسيه وشغلت السياره بالاضافيه عن طريق منظم رفيق الدرب

[خالد الخطير]

وش اشهر ورشة بالرياض متخصصه !!

لتركيب البطاريات الاضافيه والتسليك ؟!

[قلب الداهية]

البطاريه الاضافيه مهمه لراعين الطلعات تشبك عليها الثلاجه وافياش الكنود واللبمات وغيرها
افضل محل للتسليك هو محل الصبي مخرج 15

[الواصل44]

مع اكيد ولا فيها اي خلاف

[Mohammed5d]

الصبي شغله ممتاز صار لي سنه مسوي تمديد كامل عنده وماشاء الله لايعلى عليه
فيه الغلا شوي بس يستاهل

[bb5599]

انا مع وجود البطارية الاضافية.. شرط التمديد والتسليك الممتاز..
لإن الحقيقة وانتم تعرفون خطر الكهرب اذا كان التمديد بدائي والادوات المستخدمة ضعيفة الجودة..

[سليمان الصقر]

لا وبكل تأكيد
لاسباب كثيره
ابرزها انها تخرب عليك الدينمو من خلال تآكل الفحمات بشكل ملحوظ
تكلفه عالية والفايده منها قليله
فرصة حدوث التماس كبيره
لا سمح الله لو احترقت الضمان مايغطيها

[ابو-محمد]

وعليكم السلام ورحمة الله وبركاته

أكيد مع تركيب بطاريه اضافيه

طبعاً حسب الحاجه

لكن لازم يكون التركيب بمعرفه واتقان

أو عن طريق محلات موثوقة ومجربه

بالنسبه لي جربت سوافي قبل كم سنه وشغلهم ممتاز

من جميع النواحي

[awn050]

يالغالي انقطعت بوسط النفود انا وعيالي كانو فاتحين باب الشنطه ولمبات الغماره شغاله وكنت موقف الظهر الين المغرب صليت المغرب وجيت اشغل الي طقطقة السلف ما فيها كهرب البطاريه ويدخلني خوف مايعلمه الى ربك وما لقيت احد يسعفني بالصدفه جاب لي الله ذالك الاجودي ووقفه ويشرك لي واشغل وعلي طول ركبة بطاريه اضافيه عند الصبي شغل عال العال وممتاز وشفني مركبها الحين شي اساسي بموتر البر ها الشغله

[Obu-Nasser]

اهم شي بالبطارية الاضافية هي التمديد، لان لو يصير خطأ بالشغل احتمال تحترق عليك السيارة!! لذا يجب ان تحذر، واشوف ان محل 4X4 اللي بطريق العروبة هو افضل محل يركب لك بطارية اضافية، لان التمديدات اللي يركبها استرالية rb متينة وقوية وتتحمل.

[ابو ساره العنقري]

عن نفسي لا

اشوف جهاز الاشتراك الجديد يغني عنها

اشركت موتري فيه واشتغل من دقه اللهم لك الحمد

قيمته 300 ريال والاضافيه 1200

اقلها تسلم من الالتماسات

[وثاب]

امس عند محل بالدمام

يركب بطاريات اضافيه ومراوح ومواطير تفخ هواء ولمبات

حقيقه شغله بتركيب البطاريه الاضافيه من دون مبالغه افضل من شغل الوكاله

التمديد التثبيت المظهر الخارجي خطير

مثل الشغل ذا

الا معها وبقوه

[مشعل الفهد]

ضد البطاريه الاضافيه الا السيارات القديمه
اما السيارات اللي موديلاتها جديده لايمكن الاستفاده منها لان الدينمو مربوط بكمبيوتر السياره ولا يشحن البطاريه الاضافيه لان الكمبيوتر يقطع الشحن بعد اكتمال الشحن للبطاريه الاساسيه...........
هذا كلام من اهل الخبره

[XRAY MAN]

يازينها والله ممتازه تبارك الرحمن وتخدمك وتريحك وتقدر تشرك موترك تشغل ثلاجتك لمباتك وأنت مطمئن بإذن الله

[حمود الصقري]

مع البطاريه الثانيه وبشده من واقع تجربه
راحة البال والطمأنينه
توفير اجهزه اكثر
اشراك البطاريه الاولى عند الحاجه
اهم شي ركب منظم رفيق الدرب معي اكثر من عامين بدون مشاكل

[XRAY MAN]

ضد البطاريه الاضافيه الا السيارات القديمه
اما السيارات اللي موديلاتها جديده لايمكن الاستفاده منها لان الدينمو مربوط بكمبيوتر السياره ولا يشحن البطاريه الاضافيه لان الكمبيوتر يقطع الشحن بعد اكتمال الشحن للبطاريه الاساسيه...........
هذا كلام من اهل الخبره

والله هالخبراء ماعندهم إلا الدجه ياطويل العمر

لو ماهيب تشحن ماشتغلت لا ثلاجه ولا نور ولا لمبات ولا كنود ولعلمك البطاريه مع الإستخدام خصوصاً إستخدام الثلاجه يخلص شحنها في 8 ساعات تقريباً

يعني تبيني أغير بطاريه كل 8 ساعات :D

[عاشق الهدد051]

و عليكم السلام
انا مع تركيبها بشرط الحاجة لها
و تركيبها عند ناس معروفين بشغلهم
الزين اما بدون هالشرطين لا و الف لا

[جلعاد]

امس عند محل بالدمام



يركب بطاريات اضافيه ومراوح ومواطير تفخ هواء ولمبات


حقيقه شغله بتركيب البطاريه الاضافيه من دون مبالغه افضل من شغل الوكاله


التمديد التثبيت المظهر الخارجي خطير


مثل الشغل ذا



الا معها وبقوه


وش اسم المحل ووين مكانه وشلون اسعاره؟؟

[بن نويشر]

إذا كانت مجرد كماليات ﻻ تركب .
إذا كنت راعي رحﻻت جماعية وخفافي فخذ معك بطارية شحن متنقلة نوع تايجر . او ركب بطارية اكبر قوة 95 امبير.
إذا كنت راعي تجهيزات ورحال متقدم وعاشق البراري دوما وراعي صيد فلزوم منها بﻻ شك . وافضل منفذ حسب خبرتي عندك ورشة ذئاب الصحراء ذو الجودة المميزة ..

[وثاب]

وش اسم المحل ووين مكانه وشلون اسعاره؟؟


اسمه البتار

طريق الملك فهد جنب القناص حي 91

غالي

مركب بطاريه اضافيه على هايلكس 1300 ريال

بس الشغل نضيف نضيف تعجز عن قولة نضيف

مره وشف شغله بالسيارات اللي عنده

سيارتي دوج درانجو

قال ما فيه محل للبطاريه

لكن نحطها بين الشبك والاديتر

والسعر 1800 ريال

ما جاز لي المكان وهونت

[صالح السالم]

كانت ضرورية جداقبل وجودأجهزة الشحن الحديثة .
عن نفسي سيارتي جديدة وأخشى من ماس الكهرباءاشتريت جهازي شحن بقيمة ست مئة ريال وشحنتهماووضعتهمامع العدة.

[علي العساف]

الف شكر على مشاركاتكم

[الصيادالمليح]

البطارية الاضافية مهمة ومفيدة لأصحاب الرحلات و المغامرين

أما اللي جالس طول الاسبوع في بيته و في نهاية الاسبوع يروح يجلس على الكورنيش أو في شاليهات او استراحات فما أعتقد يحتاج يركبها

[R I V A L]

انا ولله الحمد عندي اشتراك محمول يشحن الجوالات ويشغل السيارة من اول دقه
وصارت للوالد خلصت بطاريته وهو في العزبة
وانا معاه بس بسيارتي
وقالي رح للمحلات جب لي بطاريه
قلت له ليش وعندي هالجهاز !!!
شافه وضحك علي قالي رح انت وجهازك هذا اللي يدوب يشحن لك جوالك
قلت له يصير خير
واشبكه واقوله دق سلف الحين
ويوم دقه كأنه مركب بطاريه جديدة !!!!!!

قالي يا ولد اشوف الجهاز
خذه مني وعينك ما تشوف الا النور
قالي رح خذلك واحد ثاني
هههههههههههه

المهم خذيت لي واحد ثاني واحطه فالموتر للحالات الطارئة
واشوف سعره ودرجة الامان فيه افضل بكثير من بطاريه اضافيه !!!!
اقل بطاريه مع التوليف تكلفك حول 1200____1300
من غير خطورة الالتماس او او

هذا الجهاز شاريه من السوق الصيني بسعر 250 درهم

[عابد-]

انا ولله الحمد عندي اشتراك محمول يشحن الجوالات ويشغل السيارة من اول دقه
وصارت للوالد خلصت بطاريته وهو في العزبة
وانا معاه بس بسيارتي
وقالي رح للمحلات جب لي بطاريه
قلت له ليش وعندي هالجهاز !!!
شافه وضحك علي قالي رح انت وجهازك هذا اللي يدوب يشحن لك جوالك
قلت له يصير خير
واشبكه واقوله دق سلف الحين
ويوم دقه كأنه مركب بطاريه جديدة !!!!!!

قالي يا ولد اشوف الجهاز
خذه مني وعينك ما تشوف الا النور
قالي رح خذلك واحد ثاني
هههههههههههه

المهم خذيت لي واحد ثاني واحطه فالموتر للحالات الطارئة
واشوف سعره ودرجة الامان فيه افضل بكثير من بطاريه اضافيه !!!!
اقل بطاريه مع التوليف تكلفك حول 1200____1300
من غير خطورة الالتماس او او

هذا الجهاز شاريه من السوق الصيني بسعر 250 درهم





كلام عين العقل:good2: كنت مع الاضافيه ولكن الان مع جهاز الشحن الجديد والصغير وغير المكلف

[سالم محمد]

البطارية الإضافية ضرورية لراعي البر وخاصة اللي معه ثلاجه واجهزه يستخدمها والسيارة طافيه
اما جهاز الشحن مع احترامي لراي الاخوان الا انه خيص بيص يمكن اذا جاء وقته ما تلقاه لانه صيني وحضك نصيبك يمكن يسلك معك ويمكن ينكبك نكبة عالميه هههههههههههه

[SNIPER07]

هلا و غلا

البطارية الاضافية مهمة جداً و لا توجد طلعة بدونها

و لكن لا تعمل على السيارة خارجية اشحنها و اطلع

و لله الحمد الوضع ممتاز

[الحربي حاتم]

موضوع مفيد من أهل خبره

[طلال مكشاتي]

امس عند محل بالدمام



يركب بطاريات اضافيه ومراوح ومواطير تفخ هواء ولمبات


حقيقه شغله بتركيب البطاريه الاضافيه من دون مبالغه افضل من شغل الوكاله


التمديد التثبيت المظهر الخارجي خطير


مثل الشغل ذا



الا معها وبقوه

اخوي معليش اسم المحل وموقعه وين

[ابوريناد1979]

عن نفسي لا

اشوف جهاز الاشتراك الجديد يغني عنها

اشركت موتري فيه واشتغل من دقه اللهم لك الحمد

قيمته 300 ريال والاضافيه 1200

اقلها تسلم من الالتماسات

انا مع راي اخوي بوساره ، والمشكله بتصير تصين بطاريتين بدل وحده خصوصا مع ارتفاع اسعار البطاريات
وماشوف حاجه ماسه للاضافيه مع لمبات اللد الجديده ماتصرف شي .

[وثاب]

اخوي معليش اسم المحل وموقعه وين


سم طال عمرك

اسمه البتار

الدمام

طريق الملك فهد

حي 91

بين القناص والرمايه

وهذي احداثيه للقناص وهو ما بينه وبين القناص الا 50 متر

http://wikimapia.org/2032047/ar/%D8%A7%D9%84%D9%82%D9%86%D8%A7%D8%B5-%D9%84%D8%AA%D8%AC%D9%87%D9%8A%D8%B2-%D8%A7%D9%84%D8%B1%D8%AD%D9%84%D8%A7%D8%AA-%D8%A7%D9%84%D8%A8%D8%B1%D9%8A%D8%A9

[اسدهم]

والله انا ضد البطارتين وبعدين
كنا اول نمشي ببطارية وحدة وماشية امورنا ولمبة صفرا تجيب الهم والحمدالله الان ونا استخدم بطارية وحدة عليها ثلاجة ولمة ليد وبس

[علي الشهري]

3 سيارات
خلال 12 سنة ركبت إضافية
وكلها عند سوافي
وليس هناك أي مشكلة
وﻻ غنى لراعى البر عنها

[خيال الغلبا]

مشعل الفهد لايهمونك هذولا خبراء الدجه

واسال مجرب

انا لي عشر سنوات استخدمها ......والان مركبها على 2012من احلى مايكون

[قناص مزاجي]

محل 4X4 اللي بطريق العروبة

[ولد ميسان]

السلام عليكم شباب ..

وين محل 4x4 اللي بالعروبه .. ياليت لو توصفون مكانه

[المداوي2]

تبي الجواب شف موضوع مشاكل الثلاجاث ..وامسك راسك
وان كان ولابد ركبها علي الموتر اللي قيره تماتيك وان كنت اري راعي البر ماياخذ قير تماتيك

نصيحه
عندك البطاريه الاضافيه ومراوح الكهرب اياك اياك تركبها مشاكلها اكثر من منافعها ولو علي المدي البعيد..

[XRAY MAN]

تبي الجواب شف موضوع مشاكل الثلاجاث ..وامسك راسك
وان كان ولابد ركبها علي الموتر اللي قيره تماتيك وان كنت اري راعي البر ماياخذ قير تماتيك

نصيحه
عندك البطاريه الاضافيه ومراوح الكهرب اياك اياك تركبها مشاكلها اكثر من منافعها ولو علي المدي البعيد..

وش المشاكل بالضبط ؟

[الهطال]

ضد البطاريتين . خذ لك بطاريه حجم كبير تغنيك عن الأخرى لأنه في الأخير بعد سنه سوف تغيرهم جميع . وفي هذا الوقت خرج الشاحن اللي يمد السيارة بالأشتراك يغنيك في حالة لو سمح الله ب إنتهاء البطارية

[حلم البحر]

الله يعطيك العافية على الطرح المفيد

بالنسبة لي مع البطارية الاظافية

بشرط تكون مركبة عندكهربائي شغلة تمام

خاصة الي راعي طلعات كثيرة وراعي الصيد اعتقد يحتاجها لي الان اكثرمن سنتين بالسيارةولله الحمد بدون مشاكل سويتها بصناعية الرواف ورشة العثيم ابوابراهيم الله يجزاه خير

شغل متعوب عليه..

[سحاب نجد راعي شقراء]

الله ينور قلبك بنور الايمان يالغالي

انا مع تركيب الثانيه الا اذا انت مثلي من حمام الدار:p ماتبعد وكلش حولك ولا عليك خطر

شفت موضوعك وذكرني انا امس الجمعه رحت لمشوار والحمد لله انه قريب للبيت والحمد لله انه مهوب في بر
معي لاند كروزر مافيه الا العافيه يعني ماحسني شي فيه ويوم وقفته عند احد المحلات وخذت عازتي وركب السياره ودق سلف ولاها بدون مقدمات خاشعه على عروشها مثل الي شايلين البطاريه عنها
وسويت اشتراك من جمس يكون وسويت اشتراك من لاند كروزرثاني ومافيه ادنا فايده
وهذا ترا طبع البطاريات الاكترونيه
جبت جديده سي ديلكومقاس 80 امبير وركبتها ولا ياسلام

ترا سلك الاشتراك مايسرك الا في بعض الحالات وكانك راعي بروطربقه لا بالله ركب ثانيه نفس المقاس 80 امبيرللجيب ونشاء الله ماتحتاجها ولا حال الحول لبق عند حاويه الله يكرمك ونطلها ولا عند راعي البطاريات تراهم يشرونها وركب الجديده مكانها - عمرك اغلا من كلش
لا تاخذ اقل تبي الرخص -وياشاري الدون بدون تحسبك غابن ونت مغبون

عطني اذنك ابا اسمعك ونت ابخص مني - ومش عليها - ترا مالك الا ماابليت -

واحد من ربعي انكتب له عمر جديد معه جمس حوض جديد وطلع يدور بعارينه ايام الصيف وغرز ومن الصبح الين عقب العصر وهو احفر ودفن وفظت عليه البطاريه ومكانه بعيد ولا معه ماء الا غرشه وفظت وجاني اخوه الكبير وعلمني انهم فاقدينه من الصبح ورحت ادوره انا في سياره جيب وخوه معه جيب شاص وجديد وقلت لخوه رح في سياره ونا في سياره ونا اعرف خدانه وبعارينه حنا مسيان وبعد عشرين كيلو صحرا لقيت سيارته على بطنها مغرزه ودور الرجال مالقيته ونزل اشوف جرته وين متجه وتبعها وبعد عشره كيلولقيته في انفاسه الاخيره طايح مغما عليه ورشرشه وغسل وجهه وراسه يوم ردت له الروح وبعد الماء عنه وخلي ربع علبه ام نص ريال بس لاني عارف ومر علي قبلها يبي ياخذ الي معك غصب كانه يقواولا تغيفلك وخطفها منك خطف وشربها ولو يشرب الماء كثير تنفلح كبده ويموت لازم القليل الين يقوا يجلس زد عليه شوي ولاتاخذك العاطفه يبي يصيح ويقطع قلبك بصياحه وينتخي ان قوا ونت خلك كنك ماتوحي ولا قل ابشر ابشر وكل ثلث ساعه او نص ساعه عطه ربع ام نص ريال ولو فيه قهوه احسن في فنجال الين يشتر ويدرك الي حوله وياخذ ويعطي معك لو بعض الاموروبعد ساعه زدله الماء يعني ام نص ريال كامله بس بعد ساعه كامله من شربته الاولى انكانه يدرك الي حوله ولا حط رجلك للمستشفى:D

ترا كل هذا انت ماطلبته :D

انت تقول مع ولا ضد تركيب بطاريه ثانيه بس

وناجيتك كلي بزمي وعراي - والله يحملك الصبرعلي:p

[الكدن1]

البطارية الاحتياطية زينه لولا تكاليفها ومشاكلها
من مشاكلها:
* استهلاك فحمات الدينمو
* ماتشحن سريع
* عمرها الافتراضي 8 شهور
* تشبع من عادم السيارة كل شوي شغل تشحن ويكرهونك اخوياك (ازعجتنا/ذبحتنا بريحة الشكمان هههههههههه
انا بطلت من البطارية الاحتياطية ركبت بطارية(اوبتيما اعلى امبير الصفراء)لها 4 سنوات بدون مشاكل
ثلاجة/كنود/لمبات
ومن مميزاتها/الشحن السريع/تشغيل ماطور الهواء او عمل اشتراك بدون تشغيل السيارة/تتحمل الاهتزازات
طبعا انا مااطلع للبر بسيارة واحدة واذا قدر وطلعت بسيارة واحده معي جوال الثريا للضرورة

[mmar221]

السلام عليكم ورحمة الله وبركاته
ارى ان الذي معاه ثلاجة في السيارة لازم يركب بطارية اضافية على ان يكون التركيب عند مختص
اما الذي يحتاجها خوفا من تعطل البطارية الاساسيه فارى ان يشتري الشاحن الجديد وذف وصغير الحجم و يشغل السيارة في حال تعطل البطارية
انا عندي جهاز قوته 28000 الف يشغل السيارة اكسبدشن بكل سهوله وقد جربته بنفسي

[شايم الخمشي]

البطاريه الاحتياطيه ضروريه لراعي المكاشيت الطويله أكثر من يومين
خصوصاّ اللي مركب ثلاجه

أنا سلّكت كهرب عند الصبي وسألني تبي ثلاجه قلت لا وقال كم مدة طلعاتك قلت ليله وقيله قال مافيه داعي للبطاريه
خصوصاّ إن البطاريه شي استهلاكي يتغير كل سنه

مع العلم إني مركب لمبتين وفيشين كهرباء والحمد لله 8 ساعات بالراحه بدون تشغيل السياره

[النـداوي]

متابع متباع

[المغيسلية]

عن نفسي لا

اشوف جهاز الاشتراك الجديد يغني عنها

اشركت موتري فيه واشتغل من دقه اللهم لك الحمد

قيمته 300 ريال والاضافيه 1200

اقلها تسلم من الالتماسات
:good::good::good2::good2:

[قناص الصحرآء]

بطارية وحدة مع الشاحن المتنقل تكفي بإذن الله

[ابوحسام9]

راعي المكاشيت البعيده ويشيل معه ثلاجة يركبها ولا يتردد

[tarnado]

انا مع تركيب بطاريه اظافيه لهواة البر المحترفين
والدائمين
اما الي يطلع خفافي فيه جهاز كبر الجوال شفته مع صديق لي
وكانت بطارية السياره فاظيه قال لاتشيل هم اسويلك اشتراك
الحقيقه استحقرت الجهاز من صغره فيه اسلاك للاشتراك
وشيكه قال دق سلف والمفاجئه كأن بطاريتي جديده من اول دقه
المهم الرجال يبيع فيها وشرح لي عنها قال تقدر تدق سلف اكثر من عشرين مره
وبدون البطاريه بعد وتشحن جوالات ومزايه كثيره اسم الجهاز سنايدي
في اليو تيوب :rتحصلون شرح عنه سعره قالي 300 الحقيقه روعه ويسد اللزوم للطواري
قالي يحتفظ بشحنه شهر وزياده

[بن بليهد]

بزعمي انه ظروريه مع ماتور الهواء وواير السحب

[هارون97]

ذا تعطلت عليك البطارية وانت لحالك باالبر ابلش

اشوفه ضرورية جدآ لأَنِّي عرفت قيمة يوم من الأيام

[الذئب الاليف]

وعليكم السلام ورحمة الله وبركاته



انا مركب بطارية اضافية وتسليك 100% ومامثله بس المشكله بالصيف كل 8 ساعات لازم تشغل السيارة علشان تشحن لان الثلاجة شغاله اما باالشتاء كل 14 ساعة اشغل

وان شاء الله سيتم ازالتها والتخلص منها

ركب بطاريه اوبتيما مكان الاساسية وتمديد ممتاز يريحك حتى ان الثلاجة تشتغل عليها 24 ساعة بدون تشغيل السيارة حسب افادة الزملاء واحد معاه 2009 لاند وواحد معاه سيرا 12

والله يطرح البركة

ولا نستغني عن الافادة

[سليمان VIP]

وعليكم السلام ورحمة الله وبركاته

انا مركب بطارية اضافية وتسليك 100% ومامثله بس المشكله بالصيف كل 8 ساعات لازم تشغل السيارة علشان تشحن لان الثلاجة شغاله اما باالشتاء كل 14 ساعة اشغل

وان شاء الله سيتم ازالتها والتخلص منها

ركب بطاريه اوبتيما مكان الاساسية وتمديد ممتاز يريحك حتى ان الثلاجة تشتغل عليها 24 ساعة بدون تشغيل السيارة حسب افادة الزملاء واحد معاه 2009 لاند وواحد معاه سيرا 12

والله يطرح البركة

ولا نستغني عن الافادة


ما نوع البطارية الإضافية ؟
ما نوع الثلاجة عندك ؟

انا مركب بطارية اضافية اوبتيما الصفراء
والثلاجة ما تكمل 10 ساعات
طبعا جربتها وهي فارغه تماما
ربما اذا كانت مليانه الوضع يختلف
الثلاجة الرماية 60 لتر