المساعد الشخصي الرقمي

مشاهدة النسخة كاملة : وين ألقى مثل هالسيارة ؟!


ابن الروضة
12/12/2006, 04:04 PM
السلام عليكم ..

سيارة جيب جديدة ، متوسطة الحجم ، متينة الصناعة ، استهلاك البنزين معقول ، فخامة معقولة ، مريحة ، للبر والمدينة ، قطع غيار معقولة ، تمسك سعرها ، سعرها يترواح بين 70 إلى 110 ألاف ريال .

وين نلقى مثل هالسيارة ، نبي الفزعة بارك الله فيكم .
خيال نجد
12/12/2006, 04:36 PM
باثفيندار... نيسان باترول Gl ...وكلها ...2007
هواوي2006
12/12/2006, 04:42 PM
غير تيوتا لا تدور وسلامتك ... سعر في الشراء و سعر في البيع ...



هذا والله أعلم ...
هوى القصيم
12/12/2006, 04:46 PM
لاند GX

وريح مخك....
الطير المهاجر
12/12/2006, 05:44 PM
السلام عليكم

اخوي انت في كلامك اختيارات كثثيرة لكن نقطة ان السعر ثابت

معناها حددت السيارات الي تبي

وطبعا ومايخفى عن الجميع ان تويوتا ونيسان في المقدمة

لكن التغيير مطلوب والناس ملت منهم وصارت في اختيارات افضل بميزات

لو تشوفها تويوتا كان ترتاع وبسعر اقل وميزات من الوكالة تويوتا من طلعت ماعمرها سوتها

فاذا كنت مقرقش ومخباك مليان وتبي سيارة تخدمك على الاقل من سنتين الى ثلاث

فعندي لك سيارة يمكن الجماعة يعيبونها لكن مجربة وسيارة مظهرها من الخارج من اول طعس تكفخ فيه

لكنها قارنوها بالكروزر في الرباظات والطلعات الكروزر قعد يكح قدامها

روح وكالة دوج واسالهم عن الدورانقو واطلع فيه وجربه .

وفي خيار اخر اذا كنت تبي الكشخة وتبي اذا جيت فوق الطعس الرجاجيل توقف وتسلم عليك

والسعر مية الف مستخدم اكيد بس جديد اكيد بتحصل في الرياض وفي الشرقية

خذ لك الرانج روفر طال عمرك

ثبات وقوة وفخامة وشكل ومواصفات يعني بالعربي مركب رجاجيل

تحياتي للجميع
ابن الروضة
12/12/2006, 06:03 PM
الكرام خيال نجد وهواوي 2006 ، وهوى القصيم ، والطير المهاجر .... بيض الله وجيهكم .

كفيتم ووفيتم ، وكل اللي ذكرتوه نبي نشوف اللي يناسب إن شاء الله ..
الجفن
12/12/2006, 06:16 PM
اقول يا اخوي تبي نصيحت اخو كــــد جرب المواتر بإختلاف انواعها عليك واحد من بالمواتر هذي فقط

جيب لكزس او فكس ار او جي اكس ار
على ان يكون الفكس ار وجي اكس ار تمتيك لان التموتيك مريح وصال ماله مشاكل مثل قبل
اتكل على الله وانشاء الله انك ما تخسر نصيحة اخو لخوه
imksa
12/12/2006, 06:48 PM
باث فايندر 2006 يبدأ من 97 اخذت منه se فتحه + مثبت سرعه + سيدي +تماتيك ( ما يجي الا تماتيك )

اخذته فيه اسم ماشي 40 كبلو 106000 ولله الحمد مريح وفخم شوي واعتقد يمسك سعره

http://www.turbopower.ws/photos/albums/1003/Nissan/pathfinder/normal_Nissan_Pathfinder_2005_001.jpg
بن نويشر
12/12/2006, 07:07 PM
يقولون أن الباجيرو شكل 2007 شيئ خيالي .. ولكن حاول تشتري من خارج الوكالة . وعلى فكره تراه حمار شغل الميتسوبيشي .

أسأل مجرب ,,,
Vortech
12/12/2006, 07:12 PM
اذا تبي جديد

خــــــــــذ لك جي استاندر

واذا انت عندك عايله وكذا يعني تبي مكيفين ثلاجه

رح للمعارض واخذ لك 2006 جي اكس يمكن تحصله بـــ 110000 الى 115000 وعلى السعر هذا بتحصله نظيف وماشي مسافه بسيطه ويمكن تحصله عند واحد محتاج يعني انت وحـــظك وتاخذه بسعر ارخص من كذا

ويمسك ســــــعره ومواصفاته خياليه


خذها نصيحه ياخوي وابعد عن اي سياره ثانيه..........

والسموحه
رش السحاب
12/12/2006, 07:13 PM
الصراحه انا يالغالي ولله الحمد جربت اكثر اللي ذكروا الشباب لكن يبقى الموتر توفيق من رب العالمين

احسم امرك واتكل على الله واطلب منه التوفيق

والله ييسرنا واياك لما يحب ويرضا
مروق
12/12/2006, 07:16 PM
حسب مواصفاتك ... ارشح لك البرادو

مواصفات فكسار مصغرة ,,, ومناسب جداا للديرة ووذف ومتين الصنعه

وفي البر ماعليه لكنه خطر بالسرعات العاليه
الطعس الذهبي
12/12/2006, 07:48 PM
انصحك بالباجيرو من متسوبيشي
::الرهيب::
13/12/2006, 12:41 AM
السلام عليكم...

أنصحك بـ
- الباثفندر 2003-2005
- الهدد (لاند GX)...

وإذا تبغى نصحيتي:
لاتستعجل في شراء السيارة...
وخذ راحتك في الاستشارة..عشان ماتتحسف لامنك شريتها..
استشر...وقبل ماتشتري استخر....

والله يوفقك...

الرهيب
ابن الروضة
13/12/2006, 03:47 PM
الأخوان الكرام : الجفن ، imksa ، سنيدي ، Vortech ، رش السحاب ، مروق ، الطعس الذهبي ، الرهيب ..

كفيتم ووفيتم ، وأنا عاجز عن شكركم جميعاً ، وشوركم على العين والراس ، ومن ناحيتي أباستخير إن شاء الله ، واللي في بالي الآن بعد قراءة التعقيبات ، الباجيرو والبرادو ..

ما قصرتم .