المساعد الشخصي الرقمي

مشاهدة النسخة كاملة : تانكي ماء



Eng. Mohammed
16/11/2014, 10:33 PM
السلام عليكم ورحمة الله وبركاته ..
اسعد الله اوقاتكم بكل خير ..

حبيت استفسر عن افضل تانكي ماء من ناحية الطعم والعزل ..

انا حاط في بالي فيبر لأن سعره رخيص واخاف آخذه واتحسف ..

بغيت نصحيتكم بما انكم ابخص مني بهالامور وفيكم الخير والبركة ..

السيارة فورتشنر وموقعي الرياض .. وان حصل بالقصيم موب مشكله ..

وجزاكم الله خير الجزاء

بايسن حار
17/11/2014, 01:11 PM
افضل شي الالمنيوم لأنه خفيف ومضمون ولايصدي بس مشكلته غالي 600 ريال
الفيبر كثير جربوه ويمدحونه ومصنعهم في لبن اسمه الوطني

hamad3983
17/11/2014, 09:04 PM
ركب تانكي الوطني ، وادع لي

استخدمته 3 او 4 سنوات ماشا الله تبارك الله

بعدين ركبت تناكي ثابت تحت السياره

الوسم
17/11/2014, 10:29 PM
على قد دراهمك
تانكي الوطني اللي مصنعه في بريده مصنع من الألياف كل يمدحه وأنا ما جربته
تانكي السنيدي أرخص شوي ولكن أكثر اللي جربوه يقولون يطعم
توانك المعدن : الستيل وهذا لك وللزمن بس غاااااالي مررة وثقييييييل ولكن كل ما زاد الوقت رخصت قيمته وأنا مجربه ولا تنشد عنه يهبل تانكي الألومينيوم غالي ولكنه أرخص من الستيل بس فيه ناس ما مدحوه من ناحية أنه يتفتق ويهررب ولكن ما يطعم أبد ولا يصدي وأنا ما جربته
الإختيار الآن عندك

ابو-محمد
18/11/2014, 04:39 PM
وعليكم السلام ورحمة الله وبركاته

استخدمت خزانات الوادي

وخزانات الوطني

وفصلت المنيوم

أفضل شي الفيبر من ناحية خف الوزن وسهولة تنزيله من سياره إلى أخرى

بالنسبة للفورتشنر ركبت له خزان الوادي 90 لتر منسدح مضمون 5 سنوات

http://img38.imageshack.us/img38/9725/14139281.jpg

اذا الغيت المراتب الخلفيه يركب بالملي

وقوي يتحمل الأغراض فوقه وميزته يتعبى من عند الشنطه

عيبه على الفورتشنر ينزل الموتر اذا عبيت التانكي

طبعاً السياره مساعدات وكاله ولو هي لي غيرت مساعداتها

وبالنسبه للطعم بصراحه كلها اطعمت معي في الصيف

والسبب اللي اذا ضربته الشمس تغير الطعم

والحل تغير اللي

ملاحظه الصوره حصلتها في بحث قوقل للصور والواضح ان الخزان راكب على برادو

وتجاربي لخزان الوادي على عدة سيارات

1. فورد اكسبدشن 2000

2. صالون موديل 99

3. صالون موديل 2009

4.فورتشنر 2009

5 فورتشنر 2014

6. فورد اكسبدشن 2005

7. فورد F150 2005 " في الحوض"

وكلها يركب في الخلف بحيث تشيل أو تسفط المراتب الخلفيه

ماعدا الصالون 99 و 2009

المراتب تكون بوضعها الطبيعي

المميـز
19/11/2014, 05:12 AM
:

تانكي الوطني ٩٥ لتر وقافي خلف المرتبه وضمام خمس سنوات
يجي على الفورتشنر بالمللي وسعره ٢٢٠ ريال

:

الساهر2003
19/11/2014, 09:46 AM
عن نفسي استخدم تانكي المونيوم من اكثر من ٨ سنوات
حتي تاريخ اليوم اي واحد يشرب منه يحسبه جديد ( قراااح )

ولله الحمد ،،

علي فكره الطعم في الماء غالبا يعتمد علي نوع اللي